<p style="text-align:justify"> Azərbaycanın konstitusiya quruculuğu tarixi mürəkkəb və ziddiyyətli siyasi proseslərlə müşayiət olunmuşdur. 1918–1920-ci illərdə mövcud olmuş Azərbaycan Xalq Cümhuriyyəti xalqımızın müstəqil dövlətçilik iradəsinin parlaq təzahürü olsa da, qısa müddət fəaliyyət göstərdiyindən dövlətin əsas qanununu qəbul edə bilməmişdir. Azərbaycanın ilk Konstitusiyası 1921-ci il mayın 19-da qəbul edilmiş, sonrakı illərdə isə sovet dövlət quruluşunun dəyişən tələblərinə uyğun olaraq yeni konstitusion aktlar təsdiqlənmişdir. 1937-ci ildə qəbul edilən Konstitusiyadan sonra 1978-ci il aprelin 21-də Azərbaycan SSR-in növbəti Konstitusiyası qüvvəyə minmişdir. Həmin Konstitusiyanın hazırlanması prosesində Ulu Öndər Heydər Əliyevin prinsipial mövqeyi milli dövlətçilik baxımından xüsusi əhəmiyyət daşımışdır. Onun təşəbbüsü ilə 73-cü maddədə Azərbaycan dilinin Azərbaycan SSR-in dövlət dili kimi təsbit edilməsi xalqımızın milli-mənəvi dəyərlərinin və ana dilimizin qorunması istiqamətində mühüm tarixi addım olmuşdur. Bu, mürəkkəb siyasi şəraitdə milli kimliyə, dilə və dövlətçilik ənənələrinə göstərilən diqqətin bariz nümunəsi idi.</p>
<p style="text-align:justify"> 1991-ci il oktyabrın 18-də dövlət müstəqilliyinin bərpası Azərbaycanın tarixində yeni dövrün başlanğıcı oldu. Müstəqillik haqqında Konstitusiya Aktında yeni Əsas Qanunun hazırlanması nəzərdə tutulsa da, ölkədə hökm sürən siyasi qeyri-sabitlik, idarəçilik böhranı və hərbi-siyasi təhlükələr bu prosesin həyata keçirilməsinə mane olurdu. Belə bir mürəkkəb şəraitdə 1993-cü ildə xalqın tələbi ilə yenidən siyasi hakimiyyətə qayıdan Heydər Əliyevin xilaskarlıq missiyası Azərbaycan dövlətçiliyinin qorunub saxlanılmasında həlledici rol oynadı. Ölkədə ictimai-siyasi sabitlik təmin edildi, dövlət idarəçiliyinin əsasları möhkəmləndirildi və hüquqi dövlət quruculuğu üçün zəruri şərait formalaşdırıldı. Ulu Öndər Konstitusiyanın hazırlanmasını sadəcə hüquqi sənədin qəbul edilməsi kimi deyil, müstəqil dövlətin gələcəyini müəyyənləşdirən tarixi vəzifə kimi qiymətləndirirdi. Onun rəhbərliyi ilə yaradılmış Konstitusiya komissiyası tərəfindən geniş müzakirələr və hüquqi təhlillər əsasında yeni Əsas Qanunun layihəsi hazırlandı. 1995-ci il noyabrın 12-də keçirilən ümumxalq referendumunda seçicilərin 86 faizi iştirak etdi, səs verənlərin 91,9 faizi Konstitusiyanın qəbul edilməsini dəstəklədi. Beləliklə, müstəqil Azərbaycanın ilk Konstitusiyası xalqın iradəsi ilə qəbul edildi və 1995-ci il noyabrın 27-də qüvvəyə mindi. Bu tarixi hadisə Azərbaycan dövlətçiliyinin inkişafında keyfiyyətcə yeni mərhələnin əsasını qoydu. Məhz buna görə də Ulu Öndər Heydər Əliyevin 1995-ci il 15 dekabr tarixli Fərmanı ilə noyabrın 12-si Azərbaycan Respublikasının Konstitusiyası Günü elan edildi.</p>
<p style="text-align:justify"> Azərbaycan Konstitusiyasının ən mühüm xüsusiyyətlərindən biri onun mərkəzində insanın, onun hüquq və azadlıqlarının dayanmasıdır. Əsas Qanunumuz insan ləyaqətini, bərabərliyi, azadlığı və ədaləti dövlət siyasətinin fundamental prinsipləri kimi müəyyən edir. Konstitusiyanın 48 maddəsinin bilavasitə insan hüquqları və onların təminatlarına həsr olunması bu sahəyə verilən xüsusi əhəmiyyətin göstəricisidir. Dilindən, dinindən, irqindən, etnik mənsubiyyətindən və digər fərqlərindən asılı olmayaraq hər kəsin hüquq və azadlıqlarının tanınması demokratik cəmiyyətin formalaşması üçün möhkəm hüquqi zəmin yaradır. Əsas Qanun hakimiyyətlərin bölünməsi prinsipini təsbit etməklə qanunvericilik, icra və məhkəmə hakimiyyətinin fəaliyyətinin hüquqi çərçivəsini müəyyənləşdirmişdir. Eyni zamanda, hüquqi dövlət quruculuğunun mühüm institutu olan Konstitusiya Məhkəməsinin yaradılması nəzərdə tutulmuş, 1998-ci ildə bu məhkəmə fəaliyyətə başlamışdır. Konstitusiya Məhkəməsinin fəaliyyətə başlaması ölkəmizdə konstitusion nəzarət mexanizminin formalaşması, hüququn aliliyinin təmin olunması və dövlət hakimiyyəti orqanlarının fəaliyyətinin konstitusion prinsiplərə uyğunlaşdırılması baxımından mühüm mərhələ olmuşdur.</p>
<p style="text-align:justify"> Cəmiyyətin inkişafı, sosial-iqtisadi münasibətlərin dəyişməsi və yeni idarəetmə ehtiyaclarının yaranması Konstitusiyanın təkmilləşdirilməsini zəruri etmişdir. Bu məqsədlə 2002, 2009 və 2016-cı illərdə ümumxalq referendumları keçirilərək Əsas Qanuna əlavə və dəyişikliklər edilmişdir. 2002-ci il referendumunda 24 maddəyə 29, 2009-cu il referendumunda 25 maddəyə 30-dan artıq əlavə və dəyişiklik edilmişdir. 2016-cı il referendumunda isə Konstitusiyanın 29 maddəsində 41 əlavə və dəyişiklik qəbul olunmuşdur. Həmin dəyişikliklər dövlət idarəçiliyinin təkmilləşdirilməsi, insan hüquqlarının müdafiəsi mexanizmlərinin gücləndirilməsi və idarəetmə sisteminin yeni çağırışlara uyğunlaşdırılması baxımından əhəmiyyət daşımışdır. Bu proses Konstitusiyanın dəyişməz bir mətn olmaqla yanaşı, cəmiyyətin inkişaf dinamikasını nəzərə alan hüquqi mexanizm kimi də əhəmiyyətini nümayiş etdirir.</p>
<p style="text-align:justify"> Azərbaycan dövlətçiliyinin müasir inkişaf mərhələsində Konstitusiyanın əhəmiyyəti ərazi bütövlüyümüzün və suverenliyimizin tam bərpası ilə daha da artmışdır. 2020-ci ildə Vətən müharibəsində qazanılmış tarixi Zəfər və 2023-cü il sentyabrın 19–20-də həyata keçirilmiş antiterror əməliyyatı nəticəsində ölkəmizin ərazi bütövlüyü və suverenliyi tam bərpa edilmişdir. Bununla da Azərbaycan Respublikasının Konstitusiyasının hüquqi qüvvəsi ölkənin bütün ərazisində təmin edilmiş, dövlət suverenliyinin konstitusion əsasları daha dolğun şəkildə reallaşdırılmışdır. Prezident İlham Əliyevin 2024-cü il 28 dekabr tarixli Sərəncamı ilə 2025-ci ilin Azərbaycan Respublikasında “Konstitusiya və Suverenlik İli” elan edilməsi də bu tarixi reallığın və milli dövlətçilik nailiyyətlərinin rəmzi ifadəsinə çevrilmişdir. 2025-ci ildə Konstitusiyamızın qəbul edilməsinin 30 illiyinin qeyd olunması, həmçinin “Azərbaycan Respublikası Konstitusiyasının 30 illiyi (1995–2025)” yubiley medalının təsis edilməsi Əsas Qanunumuzun dövlətçilik tariximizdəki yerinə verilən yüksək qiymətin göstəricisidir.</p>
<p style="text-align:justify"> Bu gün Azərbaycan Respublikasının Konstitusiyası dövlətimizin hüquqi dayağı, milli maraqlarımızın təminatçısı və davamlı inkişafımızın əsas istiqamətverici sənədidir. Onun müəyyən etdiyi prinsiplər müstəqilliyin qorunması, suverenliyin möhkəmləndirilməsi, insan hüquqlarının müdafiəsi və demokratik dövlət quruculuğunun davam etdirilməsi üçün mühüm əhəmiyyət daşıyır. Konstitusiyaya hörmət yalnız onun müddəalarını bilmək deyil, həm də qanunlara əməl etmək, hüquq və vəzifələrə məsuliyyətlə yanaşmaq, dövlətçilik dəyərlərini qorumaq deməkdir. 12 Noyabr – Konstitusiya Günü xalqımızın müstəqil dövlət qurmaq iradəsinin, hüquqi dövlətçilik ənənələrinin və gələcəyə inamının təntənəsidir. Əsas Qanunumuzun ideya və prinsipləri isə Azərbaycanın qarşıdakı illərdə də güclü, suveren və inkişaf edən dövlət kimi mövqeyini möhkəmləndirməsinin etibarlı təminatıdır.</p>
<p style="text-align:justify"> </p>
<p style="text-align:justify"><strong>Nurullayeva Zenfira İslam qızı </strong></p>
<p style="text-align:justify"><strong>Qara Qarayev adına Mərkəzi İncəsənət Məktəbinin xor ixtisası üzrə müəllimi, Azərbaycan Respublikasının Əməkdar müəllimi</strong></p>
<p style="text-align:justify"> </p>
]]><p style="text-align:justify"><span style="font-size:12.0pt"><span style="font-family:"Arial","sans-serif"">Azərbaycan xalqı bütün cəmiyyətin və hər kəsin firavanlığını, azadlığını və təhlükəsizliyinin bərqərar edilməsinə nail oldu. 5 bölmə, 12 fəsil, 158 maddə və keçid müddəalarından ibarət olan konstitusiyanın mühüm özəlliklərindən biri də vətəndaş hüquq və azadlıqlarına geniş yer ayrılması idi. 1996-1997-ci illərdə Azərbaycan insan hüquq və azadlıqlarının, demokratik təsisatların inkişafının təminatı ilə bağlı bir sıra beynəlxalq konvensiyalara qoşuldu. 1998-ci il fevralın 10-da Azərbaycanda ölüm hökmü ləğv edildi. Azərbaycan MDB məkanında və müsəlman dünyasında bu tarixi qərarı qəbul edən ilk dövlət idi. 14 iyul 1998-ci il tarixdə Azərbaycanda konstitusion müstəvinin ən vacib institutlarından biri - Konstitusiya Məhkəməsi fəaliyyətə başladı. 1998-ci il avqustun 6-da Ümummilli Lider Heydər Əliyev konstitusion hüququn təməl prinsiplərindən olan söz azadlığının təminatı ilə bağlı mühüm bir qərara imza atdı. Belə ki, mətbuat üzərində senzura tamamilə ləğv edildi. 1999-cu il dekabrın 12-də Konstitusiyada təsbit olunmuş keçid müddəalarından daha birinə əməl olundu - ölkədə ilk bələdiyyə seçkiləri keçirildi, yerli özünüidarə institutu fəaliyyətə başladı. </span></span></p>
<p style="text-align:justify"><span style="font-size:12.0pt"><span style="font-family:"Arial","sans-serif"">Əlbəttə ki, əldə edilən uğurlar, yeni çağırışlar konstitusiyamıza da təsirsiz ötüşmədi. Yeni dövrün tələblərinin yaratdığı zərurət Azərbaycan Konstitusiyasına bir neçə dəfə əhəmiyyətli dəyişikliklər və əlavələr edilməsi ilə nəticələnib. 2002-ci il avqustun 24-də referendum yolu ilə Konstitusiyanın 24 maddəsində 29, 2009-cu il martın 18-də isə 25 maddəyə 30-dan artıq əlavə və dəyişiklik olunub. Yeni dövrın çağırışlarına cavab olaraq Prezident İlham Əliyevin təşəbbüsü ilə 2016-cı il sentyabrın 26-da keçirilmiş referendumla Konstitusiyaya üçüncü dəfə əlavələr və dəyişikliklər edilib. Konstitusiyanın 29 maddəsinə edilən 41 əlavə və dəyişiklik müxtəlif sahələri əhatə etməklə, ali dövlət hakimiyyəti, məhkəmə hakimiyyəti orqanlarının və bələdiyyələrin işinin təkmilləşdirilməsinə, insan hüquq və azadlıqlarının daha səmərəli təmin edilməsinə, hüquq və azadlıqların müdafiəsində dövlət və bələdiyyələrin məsuliyyətinin artırılmasına yönəlmiş oldu.Son dəyişikliyə əsasən idarəetmə sistemində yeni təsisat - Birinci vitse-prezidentlik institutu yaradıldı. Müstəqil Azərbaycanda bu yeni təsisat dövlət və hakimiyyət idarəetmə mexanizmində funksional institut olaraq yenilənən respublikanın yeni idarəetmə modeli oldu. Bu dəyişikliklər Azərbaycan dövlətinin sosial-iqtisadi bazasının daha da güclənməsindən, vətəndaşların hüquq və azadlıqlarına daha etibarlı təminat verilməsindən, sosial dövlət prinsiplərini təsbit etmək imkanlarının daha da genişlənməsindən irəli gəlirdi.</span></span></p>
<p style="text-align:justify"><span style="font-size:12.0pt"><span style="font-family:"Arial","sans-serif"">Xüsusilə qeyd edək ki, Azərbaycan Respublikasının Konstitusiyasının müddəalarını bərpa etmək, suveren Azərbaycanın təməlini qoymaq üçün 19 sentyabr 2023-cü ildə antiterror əməliyyatı başladı. Cəmi 23 saat davam etmiş və sentyabrın 20-də başa çatmış əməliyyat nəticəsində rəşadətli Azərbaycan Ordusunun qarşıya qoyulmuş bütün tapşırıqları yerinə yetirməsi nəticəsində Azərbaycan dünya tərəfindən tanınmış bütün əraziləri üzərində suverenliyini tam təmin etdi. Müstəqilliyinin bərpasından sonra daim təcavüz və işğala, eləcə də beynəlxalq təşkilatların təzyiqlərinə məruz qalan Azərbaycan Respublikası müstəqilliyinə və ərazi bütövlüyünə tam qovuşdu. Azərbaycanın şanlı bayrağı bütün ərazilərimizdə dalğalandı. Azərbaycanın Prezidenti, Müzəffər Ali Baş Komandan cənab İlham Əliyevin müdrik siyasəti, şəhidlərimizin və qazilərimizin canı, qanı bahasına böyük Zəfər salnaməsi yazıldı.</span></span></p>
<p style="text-align:justify"><span style="font-size:12.0pt"><span style="font-family:"Arial","sans-serif"">Artıq Azərbaycan Respublikası öz hakimiyyətini, Azərbaycan Konstitusiyasının müddəalarını özünün bütün ərazisi üzərində tam sərbəstliklə həyata keçirir. Azərbaycan Respublikasının qanunlarının aliliyinin, suverenliyin əbədiliyinin təmini üçün biz bu ali dəyərləri tam qorumalıyıq. Ölkə Prezidentinin 2024-cü il 28 dekabr tarixli Sərəncamı ilə 2025-ci ilin Azərbaycan Respublikasında “Konstitusiya və Suverenlik İli” elan edilməsi məhz həmin dəyərlərin tam mənimsənilməsinə, onların qorunması və əbədiliyinə xidmət edir.</span></span></p>
<p style="text-align:justify"><span style="font-size:12.0pt"><span style="font-family:"Arial","sans-serif"">Bu gün Azərbaycan xalqı bütün sahələrdə yeni inkişaf tarixinə qədəm qoyub. Artıq dövlət suverenliyimiz tam, ərazilərimiz bütöv, sərhədlərimiz isə toxunulmazdır. </span></span></p>
<p style="text-align:justify"><span style="font-size:12.0pt"><span style="font-family:"Arial","sans-serif"">Xalqımızın 44 günlük Vətən müharibəsində qazandığı möhtəşəm Zəfər sayəsində artıq altıncı ildir ki, 12 noyabr - Konstitusiya Günü ölkəmizin hər bir vətəndaşı tərəfindən daha böyük sevinclə, fəxarətlə qeyd olunur.</span></span></p>
<p style="text-align:justify"> </p>
<p style="text-align:justify"> </p>
<p style="text-align:justify"><strong><span style="font-size:12.0pt"><span style="font-family:"Arial","sans-serif"">Elxan Quliyev, Əməkdar müəllim</span></span></strong></p>
<p style="text-align:justify"> </p>
]]><p>ABŞ Konqresinin Nümayəndələr Palatasının üzvü Cim Cordan respublikaçıların yeni lideri seçilib.</p>
<p>AZƏRTAC xəbər verir ki, Ohayo ştatını təmsil edən konqresmen çərşənbə axşamı keçirilən qapalı səsvermədə Stiv Skeylisi məğlub edib.</p>
<p>Cim Cordan bu vəzifədə Nümayəndələr Palatasının hazırkı spikeri Mayk Consonu əvəz edəcək.</p>
<p>Respublikaçıların mühafizəkar qanadının tanınmış nümayəndələrindən olan Cim Cordan Prezident Donald Trampın yaxın siyasi müttəfiqlərindən hesab edilir.</p>
]]><p>Ukrayna Rusiya ilə atəşkəs təkliflərini tərəfdaşlarına çatdırıb və hazırda qarşı tərəfdən cavab gözləyir.</p>
<p>AZƏRTAC xəbər verir ki, bu barədə Ukrayna xarici işlər naziri Andrey Sibiqa mətbuata açıqlamasında bildirib.</p>
<p>Nazir qeyd edib ki, Ukrayna həm Qara dənizdə, həm də enerji sektorunda atəşkəsin əldə edilməsini təklif edib.</p>
<p>“Biz onları tərəfdaşlarımıza çatdırmışıq və hazırda ruslardan cavab gözləyirik", - deyə Sibiqa əlavə edib.</p>
<p>Nazir izah edib ki, Əbu-Dabidə keçirilən danışıqlarda Ukraynanın mesajı gərginliyin azaldılması və Ukrayna tərəfindən təklif edilən atəşkəs, eləcə də təhlükəsizlik zəmanətlərindən ibarətdir.</p>
<p>Sibiqanın sözlərinə görə, digər məqam isə Ukrayna Prezidenti Volodimir Zelenski ilə Rusiya Prezidenti Vladimir Putin arasında görüşdür. Bu, müharibənin sonunu həqiqətən sürətləndirə bilər.</p>
<p>Xatırladaq ki, bu gün Ukrayna, ABŞ və Rusiya arasında üçtərəfli danışıqlar uzun fasilədən sonra bərpa olunub. Əbu-Dabidə keçirilən danışıqların birinci mərhələsi artıq başa çatıb. Noyabrın 11-də danışıqlar davam etdiriləcək.</p>
]]><p>ABŞ Hərbi Hava Qüvvələrinə məxsus azı 10 yanacaqdoldurma təyyarəsi Böyük Britaniyada yerləşən ikinci hərbi aviabazanı da tərk edib.</p>
<p>AZƏRTAC BBC-yə istinadla xəbər verir ki, təyyarələr İngiltərənin Suffolk qraflığındakı RAF Mildenhall aviabazasından havaya qalxıb. Təyyarələrin bir hissəsi ABŞ-nin Avropadakı digər hərbi bazalarına, digərləri isə Şotlandiyanın Ayrşir bölgəsində yerləşən Prestvik hava limanına enib.</p>
<p>Qeyd edək ki, bir neçə həftə əvvəl ABŞ İranla əlaqəli olduğu ehtimal edilən təhlükəsizlik insidentindən sonra RAF Fairford aviabazasından bombardmançı təyyarələrini geri çəkmişdi.</p>
<p>Böyük Britaniyanın Müdafiə Nazirliyinin sözçüsü ABŞ hərbi təyyarələrinin son yerdəyişməsi ilə bağlı bildirib ki, nazirlik digər ölkələrin hərbi fəaliyyətini mütəmadi olaraq şərh etmir.</p>
<p>“Təyyarələr və digər hərbi vasitələr əməliyyat tələblərinə uyğun olaraq müntəzəm şəkildə yerdəyişmə həyata keçirir”, – deyə nazirliyin nümayəndəsi qeyd edib.</p>
]]><p>Prezident İlham Əliyevin sosial media hesablarında Türkiyə Prezidenti Rəcəb Tayyib Ərdoğanın 8 Noyabr - Zəfər Günündə Azərbaycana rəsmi səfəri ilə bağlı paylaşım edilib.</p>
<p>AZƏRTAC xəbər verir ki, paylaşımda deyilir: “Türkiyə-Azərbaycan birliyi əbədidir!”.</p>
]]><p>Tədbir Azərbaycan Respublikasının Dövlət Himninin səsləndirilməsi və Vətən uğrunda canından keçmiş şəhidlərimizin əziz xatirəsinin 1 dəqiqəlik sükutla yad edilməsi ilə başlayıb. Daha sonra Azərbaycan Respublikasının Prezidentinin təbriki tədbir iştirakçılarının diqqətinə çatdırılıb.</p>
<p>Mərasimdə çıxış edən “Şəhid Ailələrinə Sosial Dəstək” İctimai Birliyinin sədri Almaz Zeynalova qonaqları salamlayaraq Zəfər Gününün mənəvi əhəmiyyətindən, şəhid ailələrinə və qazilərə göstərilən diqqət və qayğıdan söhbət açıb.</p>
<p>Tədbirdə millət vəkilləri Ceyhun Məmmədov, Tənzilə Rüstəmxanlı, Hikmət Babaoğlu, Anar İsgəndərov, AzTU-nun prorektoru Sübhan Namazov, Bakı Dövlət Sirkinin direktoru Nahid Ağayev, şəhid ailələri, qazilər və ictimaiyyət nümayəndələri iştirak ediblər.</p>
<p>Tədbirin bədii hissəsində müğənnilər Emil Elmanoğlu və Leyla Aslan öz ifaları ilə çıxış ediblər. Əlilliyi olan uşaq və yeniyetmələr – Rəvanə Qafarova, Fatimə Ağamalıyeva, Ziya Əlixanlı və Ramiz Ağayevin ifa etdikləri mahnılar, eləcə də Aytac Həziyevanın təqdim etdiyi rəqs nömrəsi tədbir iştirakçıları tərəfindən böyük rəğbətlə qarşılanıb.</p>
<p>Mənəvi birlik, qəhrəmanlıq və minnətdarlıq bayramı xarakteri daşıyan tədbir xatirə şəkillərinin çəkdirilməsi ilə başa çatıb.</p>
]]><p>Gürcüstan və Türkiyə enerji sahəsində əməkdaşlığın genişləndirilməsi, investisiyaların təşviqi, elektrik enerjisinin idxalı, ixracı və tranziti məsələləri müzakirə edilib.</p>
<p>AZƏRTAC xəbər verir ki, bu barədə Gürcüstanın iqtisadiyyat və davamlı inkişaf naziri Mariam Kvrivişvili Türkiyənin energetika və təbii sərvətlər naziri Alparslan Bayraktarla görüşündən sonra məlumat yayıb.</p>
<p>Görüşdə Qara dənizin sualtı elektrik ötürücü kabeli və yaşıl enerji dəhlizi layihələrinin əhəmiyyəti vurğulanıb. Bildirilib ki, bu layihələrin həyata keçirilməsi regionun enerji infrastrukturunun inkişafına, bərpaolunan enerji sektoruna yerli və beynəlxalq investisiyaların cəlb edilməsinə, enerji təhlükəsizliyinin gücləndirilməsinə və Avropa enerji bazarına inteqrasiyanın dərinləşməsinə töhfə verəcək.</p>
<p>Həmçinin COP31 çərçivəsində Azərbaycan, Gürcüstan, Türkiyə və Bolqarıstan arasında təmiz enerji sahəsində strateji tərəfdaşlıq haqqında sazişin imzalanmasının əhəmiyyəti qeyd olunub.</p>
<p>Sənədin regionda enerji bağlantılarının inkişafına, təmiz enerji mənbələrindən əldə olunan elektrik enerjisinin ötürülməsinə və müvafiq infrastrukturun yaradılmasına xidmət edəcəyi bildirilib.</p>
]]><p>Qadın voleybolçulardan ibarət "Turan" (Tovuz) komandası Çempionlar Liqasının qrup mərhələsinə vəsiqə qazanıb.</p>
<p>AZƏRTAC xəbər verir ki, Tovuz klubu III təsnifat mərhələsinin cavab oyununda Bolqarıstanın "Maritsa" kollektivi ilə üz-üzə gəlib.</p>
<p>Tovuz Olimpiya İdman Kompleksində keçirilən görüş Azərbaycan çempionunun 3:0 hesablı qələbəsi ilə yekunlaşıb.</p>
<p>Xatırladaq ki, ilk oyunda da "Turan" səfərdə 3:0 hesabı ilə qalib gəlmişdi.</p>
]]><p>Azərbaycan, Gürcüstan, Bolqarıstan və Rumıniya ilə Qara dənizin dibi ilə elektrik kabelinin çəkilməsi layihəsini müzakirə edirik. Daha çox elektrik enerjisini şərqdən qərbə, şimaldan cənuba daşımalıyıq.</p>
<p>AZƏRTAC xəbər verir ki, bu fikri Antalyada COP31 çərçivəsində jurnalistlərə Türkiyənin energetika və təbii sərvətlər naziri Alparslan Bayraktar səsləndirib.</p>
<p>Antalyada imzalanan Azərbaycan, Türkiyə, Gürcüstan və Bolqarıstan arasındakı təmiz enerji sahəsində strateji tərəfdaşlıq haqqında hökumətlərarası sazişin əhəmiyyətinə diqqət çəkən türkiyəli nazir, qonşu ölkələrlə əlaqələrinin inkişaf etdirilməsi istiqamətində səylərin davam etdiriləcəyini vurğulayıb.</p>
<p>O bildirib ki, Türkiyə elektrik enerjisi interkonnektorlarının gücünü 5,4 giqavatdan 15 giqavatta qədər artırmağı hədəfləyir.</p>
<p>A.Bayraktar yeni meqa enerji bağlantı layihələri üçün müxtəlif ölkələrlə danışıqlar apardıqlarını da qeyd edib. Onun sözlərinə görə, Türkiyənin gündəmində, həmçinin Səudiyyə Ərəbistanı, İordaniya, Suriya və Avropa ilə elektrik sistemlərinin inteqrasiyasına yönəlmiş layihələr mövcuddur.</p>
]]><p>"Sabah" basketbol klubu FIBA Çempionlar Liqasının müntəzəm mövsümündə növbəti oyununu keçirib.</p>
<p>AZƏRTAC xəbər verir ki, bakılılar Türkiyənin "Trabzonspor" kollektivi ilə üz-üzə gəlib.</p>
<p>Milli Gimnastika Arenasında təşkil olunan görüş komandamızın qələbəsi ilə başa çatıb - 91:72.</p>
<p>Xatırladaq ki, Azərbaycan çempionu III turda Fransanın "Nanter 92" komandasını üstələmişdi - 87:80.</p>
<p>Komanda I turda "Ritas"a (Litva) 73:82, II turda "Trabzonspor"a 83:100 hesabı ilə məğlub olub.</p>
]]><p>Türkiyə Prezidenti Rəcəb Tayyib Ərdoğan BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyasının (COP31) Liderlər Sammitində iştirak etmək üçün Antalyaya səfərə gələn Türkmənistan Xalq Məsləhətinin sədri Qurbanqulu Berdiməhəmmədovu qəbul edib.</p>
<p>AZƏRTAC xəbər verir ki, Türkiyə ilə Türkmənistan arasında ikitərəfli münasibətlər, eləcə də regional və qlobal proseslər müzakirə edilib.</p>
<p>Prezident Ərdoğan Türkmənistan ilə münasibətlərin səviyyəsini daha da yüksəltmək üçün addımlar atmağa davam edəcəklərini bildirib, xüsusilə enerji, ticarət, müdafiə sənayesi və investisiya sahələrində yeni səylərin əhəmiyyətini vurğulayıb.</p>
<p>Ərdoğan Türk Dövlətləri Təşkilatının (TDT) getdikcə gücləndiyini, Türkmənistanın TDT “Ailə məclisinə” üzv olaraq qoşulacağına ümid etdiklərini bildirib.</p>
]]><p>Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğanın dəvəti ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyasının (COP31) Liderlər Sammitində iştirak etmək üçün noyabrın 10-da Türkiyəyə səfərə gəlib.</p>
<p>AZƏRTAC xəbər verir ki, Antalya Beynəlxalq Hava Limanında dövlətimizin başçısının şərəfinə fəxri qarovul dəstəsi düzülmüşdü.</p>
<p>Prezident İlham Əliyevi və birinci xanım Mehriban Əliyevanı Türk Dövlətləri Təşkilatının (TDT) Ağsaqqallar Şurasının sədri Binəli Yıldırım, Ədalət və İnkişaf Partiyası (AK Parti) sədrinin müavini, Türkiyə Böyük Millət Məclisinin üzvü Kürşad Zorlu, Türkiyə Böyük Millət Məclisinin Xarici Əlaqələr Komissiyasının sədri Fuat Oktay, Türkiyə Böyük Millət Məclisinin üzvü Mövlud Çavuşoğlu, Antalya şəhərinin valisi Hulusi Şahin və digər rəsmi şəxslər qarşıladılar.</p>
]]><p style="text-align:justify">Ümummilli Lider Heydər Əliyevin qeyd etdiyi kimi: “Azərbaycan Bayrağı, sadəcə, bayraq deyil. O, bizim dövlətçiliyimizin, müstəqilliyimizin rəmzidir”. Bu fikirlər üçrəngli bayrağımızın xalqımızın həyatında tutduğu əvəzsiz yeri və daşıdığı mənəvi yükü aydın ifadə edir. Prezident İlham Əliyevin 2009-cu il noyabrın 17-də imzaladığı Sərəncama əsasən, hər il noyabrın 9-u Azərbaycan Respublikasında Dövlət Bayrağı Günü kimi qeyd olunur. Azərbaycan Respublikasının Əmək Məcəlləsinin 105-ci maddəsinə uyğun olaraq bu gün qeyri-iş günü olan bayramlar sırasına daxil edilmişdir. Beləliklə, Dövlət Bayrağı Günü xalqımızın milli qürur və həmrəylik bayramına çevrilmişdir.</p>
<p style="text-align:justify"> Azərbaycan Respublikasının Dövlət Bayrağının tarixi Azərbaycan Xalq Cümhuriyyətinin yaranması və milli istiqlal hərəkatı ilə sıx bağlıdır. 1918-ci il noyabrın 9-da Azərbaycan Xalq Cümhuriyyəti hökumətinin iclasında üçrəngli bayrağımız dövlət rəmzi kimi qəbul edilmiş və həmin iclasın keçirildiyi Nazirlər Şurasının binası üzərində qaldırılmışdır. Mavi, qırmızı və yaşıl rənglərdən ibarət bu bayraq 1920-ci ilin aprel ayınadək Azərbaycan Xalq Cümhuriyyətinin dövlət bayrağı olmuşdur.</p>
<p style="text-align:justify"> Üçrəngli bayrağımızın ideoloji mahiyyəti XX əsrin əvvəllərində Azərbaycan milli istiqlal düşüncəsinin formalaşmasında mühüm rol oynamış görkəmli mütəfəkkir Əli bəy Hüseynzadənin irəli sürdüyü “Türkləşmək, islamlaşmaq və müasirləşmək” ideyası ilə bağlıdır. Bayrağımızın mavi rəngi türkçülüyü, qırmızı rəngi müasirliyi və demokratik inkişafı, yaşıl rəngi isə islam sivilizasiyasına mənsubluğu ifadə edir. Bu rənglərin vəhdəti xalqımızın tarixi köklərinə, milli-mənəvi dəyərlərinə və ümumbəşəri ideallara bağlılığının rəmzidir.</p>
<p style="text-align:justify"> 1920-ci ildə Azərbaycan Xalq Cümhuriyyətinin süqutundan sonra üçrəngli bayrağımız dövlət atributu kimi istifadədən çıxarılsa da, xalqımızın milli yaddaşında, istiqlal arzularında və azadlıq ideallarında yaşamaqda davam etmişdir. Müstəqillik düşüncəsinin qorunub saxlanılması və milli dövlətçilik ənənələrinin bərpası istiqamətində Ümummilli Lider Heydər Əliyevin tarixi xidmətləri isə xüsusi əhəmiyyət daşıyır.</p>
<p style="text-align:justify"> 1990-cı il noyabrın 17-də Naxçıvan Muxtar Respublikası Ali Məclisinin Ulu Öndər Heydər Əliyevin sədrliyi ilə keçirilən sessiyasında Azərbaycan Xalq Cümhuriyyətinin üçrəngli bayrağı Naxçıvan Muxtar Respublikasının Dövlət Bayrağı kimi qəbul edilmişdir. Eyni zamanda, muxtar respublikanın adından “Sovet Sosialist” sözlərinin çıxarılması haqqında qərar verilmişdir. Bu qərarlar sovet hakimiyyətinin hələ mövcud olduğu bir dövrdə milli müstəqilliyə doğru atılmış cəsarətli və tarixi addımlar idi. Ulu Öndər həmin hadisəni xatırlayaraq demişdir: “90-cı il noyabrın 17-də biz burada, Naxçıvan Muxtar Respublikası Ali Sovetinin sessiyasında, mənim sədrlik elədiyim sessiyada ilk dəfə 1918-ci ildə Azərbaycan Xalq Cümhuriyyəti tərəfindən qəbul olunmuş Azərbaycan milli bayrağını qaldırdıq”.</p>
<p style="text-align:justify"> Naxçıvan Muxtar Respublikası Ali Məclisinin bu qərarı Azərbaycanın milli dövlətçilik tarixində yeni mərhələnin başlanğıcını qoydu. Ali Məclis üçrəngli bayrağın Azərbaycanın rəsmi dövlət rəmzi kimi tanınması ilə bağlı Azərbaycan SSR Ali Soveti qarşısında vəsatət qaldırdı. 1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət Bayrağı haqqında” Qanun qəbul edərək üçrəngli bayrağımızı yenidən Dövlət Bayrağı elan etdi.</p>
<p style="text-align:justify"> 1991-ci il oktyabrın 18-də qəbul edilmiş “Azərbaycan Respublikasının dövlət müstəqilliyi haqqında” Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi olduğunu bəyan edərək onun dövlət rəmzlərini, o cümlədən üçrəngli bayrağını bərpa etdi. Beləliklə, 1918-ci ildə istiqlalımızın rəmzi kimi qəbul edilmiş bayrağımız yenidən müstəqil Azərbaycanın başı üzərində dalğalanmağa başladı.</p>
<p style="text-align:justify"> Azərbaycan Respublikasının Dövlət Bayrağı ölkəmizin Konstitusiyası ilə müəyyən edilmiş dövlət rəmzlərindən biridir. Konstitusiyanın 23-cü maddəsinə əsasən, Azərbaycan Respublikasının Dövlət Bayrağı eni bərabər olan üç üfüqi zolaqdan ibarət düzbucaqlı parçadır. Yuxarı zolaq mavi, orta zolaq qırmızı, aşağı zolaq isə yaşıl rəngdədir. Qırmızı zolağın ortasında ağ rəngli aypara və səkkizguşəli ulduz təsvir edilmişdir. Bayrağın eninin uzunluğuna nisbəti 1:2-dir. Bayrağın təsviri və istifadəsi müvafiq qanunvericilik aktları ilə tənzimlənir. “Azərbaycan Respublikası Dövlət bayrağının istifadəsi qaydaları haqqında” 2004-cü il 8 iyun tarixli Qanun dövlət bayrağından istifadə qaydalarını və ona dair tələbləri müəyyən edir. Konstitusiyanın 75-ci maddəsi isə hər bir vətəndaşın dövlət rəmzlərinə hörmət etməsini vəzifə kimi təsbit edir. Bu baxımdan, bayrağa ehtiram yalnız mənəvi məsələ deyil, həm də konstitusion öhdəlikdir. Dövlət Bayrağının ölkəmizin ictimai-siyasi həyatında xüsusi yer tutmasının bariz nümunələrindən biri də Bakıda Dövlət Bayrağı Meydanının yaradılmasıdır. Prezident İlham Əliyevin 2007-ci il noyabrın 17-də imzaladığı Sərəncamla yaradılan meydanın təntənəli açılışı 2010-cu il sentyabrın 1-də keçirilmişdir. Burada Dövlət Bayrağı Muzeyi də yaradılmış, 2010-cu il noyabrın 9-da açılmışdır.</p>
<p style="text-align:justify"> 2024-cü il noyabrın 8-də Dövlət Bayrağı Meydanı yenidən açılmış və Azərbaycan Respublikasının Prezidenti İlham Əliyev burada Dövlət Bayrağını ucaltmışdır. Yenidənqurma işlərindən sonra meydanda dünyanın ən böyük bayraqlarından biri deyil, dünyanın ən böyük bayrağı kimi təqdim edilən üçrəngli bayrağımız dalğalanmağa başlamışdır. Dövlət Bayrağı Muzeyində isə Azərbaycanın qədim dövlətçilik tarixini, müxtəlif tarixi dövrlərdə mövcud olmuş dövlət və xanlıqların bayraqlarını əks etdirən eksponatlarla yanaşı, Vətən müharibəsində qazanılmış tarixi Zəfərə həsr olunan “Zəfər qalereyası” ekspozisiyası da nümayiş etdirilir. Azərbaycan Respublikasında dövlət rəmzlərinə göstərilən ehtiramın daha bir ifadəsi 1993-cü il dekabrın 6-da təsis edilmiş “Azərbaycan Bayrağı” ordenidir. Bu orden dövlətçilik ənənələrinin qorunması və inkişafı, ölkənin suverenliyinə və milli maraqlarına xidmət edən fəaliyyətin qiymətləndirilməsi baxımından xüsusi əhəmiyyət daşıyır.</p>
<p style="text-align:justify">Bu gün üçrəngli Dövlət Bayrağımız Azərbaycanın suverenliyinin, müstəqilliyinin, milli birliyinin və beynəlxalq nüfuzunun rəmzi kimi dünyanın müxtəlif ölkələrində, beynəlxalq təşkilatların iqamətgahları qarşısında və ölkəmizin hər bir guşəsində qürurla dalğalanır. Ulu Öndər Heydər Əliyevin “bu yüksəkliklərə qalxmış bayraq bundan sonra heç vaxt enməyəcəkdir” fikri xalqımızın müstəqillik əzminin və dövlətçiliyimizin sarsılmazlığının ifadəsidir. Dövlət Bayrağı tariximizin, bu günümüzün və gələcəyimizin rəmzidir. Onu qorumaq, uca tutmaq, gələcək nəsillərə sevdirmək hər bir Azərbaycan vətəndaşının mənəvi borcudur. Çünki bayrağımızın ucalığı dövlətimizin qüdrətinin, xalqımızın birliyinin və müstəqilliyimizin əbədiliyinin göstəricisidir.</p>
<p style="text-align:justify"> </p>
<p style="text-align:justify"><strong>Qasımov Səyavuş Kamran oğlu, Avrasiya Universitetinin rektoru, siyasi elmlər üzrə fəlsəfə doktoru, dosent</strong></p>
<p style="text-align:justify"> </p>
]]><p style="text-align:justify">1988-ci ildən etibarən başlayan Qarabağ hadisələri Azərbaycan xalqı üçün ağır sınaqlarla müşayiət olundu. Ermənistanın Azərbaycana qarşı ərazi iddiaları, hərbi təcavüzü və torpaqlarımızın işğalı nəticəsində yüz minlərlə soydaşımız doğma yurdlarından didərgin salındı, yaşayış məntəqələrimiz dağıdıldı, tarixi və mədəni irsimizə ciddi ziyan vuruldu. Bir milyondan çox azərbaycanlı uzun illər qaçqın və məcburi köçkün həyatının ağır məhrumiyyətlərini yaşamağa məcbur oldu. Şəhər və kəndlərimiz viran qoyuldu, milli-mədəni abidələrimiz dağıdıldı, xalqımızın tarixi yaddaşına silinməz yaralar vuruldu. Lakin bütün bu çətinliklər Azərbaycan xalqının azadlıq və ədalət uğrunda mübarizə əzmini qıra bilmədi. İşğal altında olan torpaqlarımızın azad edilməsi müstəqil Azərbaycan dövlətinin ən mühüm strateji hədəfinə çevrildi. Prezident İlham Əliyevin rəhbərliyi ilə həyata keçirilən ardıcıl və məqsədyönlü siyasət bu tarixi məqsədin reallaşdırılması üçün möhkəm siyasi, iqtisadi və hərbi əsaslar yaratdı. Dövlət başçısının qeyd etdiyi kimi: “Prezident kimi 2003-cü ildən bu günə qədər bütün addımlarım Azərbaycanın gücləndirilməsinə yönəldilmişdir. Vətən müharibəsinə qədər bütün addımlarım bir amala xidmət edirdi ki, biz torpaqlarımızı azad edək, düşməni torpağımızdan qovaq və biz buna nail olduq”. Bu fikirlər Azərbaycanın Zəfərə gedən yolunun təsadüfi deyil, uzunmüddətli dövlət strategiyasının nəticəsi olduğunu aydın şəkildə ifadə edir.</p>
<p style="text-align:justify"> Azərbaycanın ərazi bütövlüyünün bərpası istiqamətində atılan addımların mərkəzində güclü dövlət və müasir ordu quruculuğu dayanırdı. Prezident İlham Əliyev tərəfindən ordu quruculuğu dövlət siyasətinin prioritet istiqaməti kimi müəyyən edilmiş, bu sahəyə ayrılan maliyyə vəsaitləri ildən-ilə artırılmışdır. Silahlı Qüvvələrin maddi-texniki bazası möhkəmləndirilmiş, hərbi qulluqçuların döyüş hazırlığı yüksəldilmiş, müasir silah və texnologiyaların alınmasına xüsusi diqqət yetirilmişdir. Azərbaycanın hərbi sənaye kompleksinin yaradılması və inkişafı da milli təhlükəsizlik strategiyasının mühüm tərkib hissəsinə çevrildi. Ölkəmizdə müxtəlif növ hərbi texnika, zirehli maşınlar, pilotsuz uçuş aparatları, atıcı silahlar və digər hərbi təyinatlı məhsullar istehsal olunmağa başladı. Minlərlə deyil, mindən çox çeşiddə hərbi təyinatlı məhsulun istehsal edilməsi Azərbaycanın müdafiə sənayesinin inkişaf səviyyəsini nümayiş etdirir. Bütün bunlarla yanaşı, Azərbaycan müstəqil xarici siyasət yürüdərək beynəlxalq mövqelərini gücləndirdi. Transmilli enerji və nəqliyyat layihələrinin həyata keçirilməsi ölkəmizin regional və beynəlxalq əhəmiyyətini artırdı. Bakı-Tbilisi-Ceyhan neft kəməri, Cənub Qaz Dəhlizi və digər strateji layihələr Azərbaycanın iqtisadi qüdrətini möhkəmləndirməklə yanaşı, beynəlxalq tərəfdaşlarının sayının artmasına da şərait yaratdı. Azərbaycan münaqişənin sülh yolu ilə həlli üçün uzun illər beynəlxalq təşkilatlarla əməkdaşlıq etdi. BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən çıxarılmasını tələb edən dörd qətnaməsi qəbul edilsə də, onların icrası təmin olunmadı. ATƏT-in Minsk qrupunun uzun illər davam edən fəaliyyəti də münaqişənin həllinə gətirib çıxarmadı. Azərbaycan həm diplomatik müstəvidə öz haqlı mövqeyini müdafiə etdi, həm də ərazi bütövlüyünü təmin etmək üçün güclü hərbi potensial formalaşdırdı.</p>
<p style="text-align:justify"> 2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribatlarına cavab olaraq Azərbaycan Ordusu əks-hücum əməliyyatına başladı. Ali Baş Komandan İlham Əliyevin rəhbərliyi ilə başlanan Vətən müharibəsi xalqımızın təxminən 30 il davam edən torpaq həsrətinə son qoyan tarixi prosesin başlanğıcı oldu. “Dəmir yumruq” əməliyyatı Azərbaycanın hərbi qüdrətini, ordumuzun peşəkarlığını və xalqımızın sarsılmaz iradəsini bütün dünyaya nümayiş etdirdi. 44 gün davam edən müharibə ərzində Azərbaycan Ordusu böyük qəhrəmanlıq və peşəkarlıq göstərərək şəhər və kəndlərimizi, strateji yüksəklikləri bir-birinin ardınca işğaldan azad etdi. Cəbrayıl, Füzuli, Zəngilan, Qubadlı, Hadrut və digər yaşayış məntəqələrinin azad olunması ilə başlayan qələbə yürüşü noyabrın 8-də Şuşanın azad edilməsi ilə özünün ən möhtəşəm mərhələsinə çatdı. Şuşa Zəfəri Azərbaycanın hərbi tarixində xüsusi yer tutmaqla yanaşı, xalqımızın mənəvi gücünün və milli ruhunun təntənəsinə çevrildi. 44 günlük müharibə ərzində Azərbaycan Ordusu 5 şəhər, 4 qəsəbə və 286 kəndi azad etdi. Noyabrın 9-dək əldə edilən hərbi uğurlar Ermənistanı kapitulyasiyaya məcbur etdi. Noyabrın 9-dan 10-na keçən gecə Azərbaycan, Rusiya və Ermənistan liderləri arasında imzalanmış üçtərəfli Bəyanatla hərbi əməliyyatlar dayandırıldı. Bəyanata uyğun olaraq, Ağdam, Kəlbəcər və Laçın rayonları da Azərbaycanın nəzarətinə qaytarıldı. Prezident İlham Əliyevin qeyd etdiyi kimi: “44 gün ərzində Azərbaycan Ordusu hər gün irəliyə gedirdi.” Bu qələbə yalnız hərbi əməliyyatların nəticəsi deyildi. Bu, Azərbaycan dövlətinin uzun illər ərzində apardığı siyasətin, ordumuzun yüksək döyüş qabiliyyətinin, xalqımızın birliyinin və milli iradəsinin məntiqi nəticəsi idi.</p>
<p style="text-align:justify"> Vətən müharibəsinin ən mühüm xüsusiyyətlərindən biri Azərbaycan cəmiyyətində formalaşan misilsiz həmrəylik idi. Müharibə dövründə siyasi baxışından, sosial vəziyyətindən, etnik və dini mənsubiyyətindən asılı olmayaraq, ölkəmizin vətəndaşları vahid məqsəd ətrafında birləşdilər. Cəbhədə Azərbaycan əsgəri torpaqlarımızın azadlığı uğrunda döyüşür, arxa cəbhədə isə milyonlarla insan ordumuza mənəvi dəstək göstərirdi. Xaricdə yaşayan azərbaycanlılar da informasiya müharibəsində fəal iştirak edir, ölkəmizin haqq səsini beynəlxalq ictimaiyyətə çatdırırdılar. Prezident İlham Əliyevin müharibə dövründə dünyanın aparıcı media qurumlarına verdiyi 30-dan çox müsahibə Azərbaycanın informasiya mübarizəsində mövqelərinin güclənməsinə mühüm töhfə verdi. Dövlət başçısı beynəlxalq ictimaiyyətə münaqişənin tarixi səbəblərini, Ermənistanın təxribatlarını və Azərbaycanın haqlı mövqeyini ardıcıl şəkildə çatdırdı. “Dəmir yumruq” məhz bu milli birliyin, dövlət-xalq-ordu həmrəyliyinin rəmzinə çevrildi. Müharibə dövründə xalqımız nümayiş etdirdi ki, milli maraqlar və Vətən məsələsi qarşısında bütün fərqlər ikinci dərəcəlidir.</p>
<p style="text-align:justify"> 2020-ci ildə əldə edilmiş tarixi Qələbə Azərbaycanın qarşısında yeni mərhələnin başlanğıcını qoydu. 2023-cü il sentyabrın 19-da həyata keçirilən lokal xarakterli antiterror tədbirləri nəticəsində ölkəmizin suverenliyi bütün ərazilərində bərpa edildi. Sentyabrın 20-də əməliyyatın dayandırılması barədə razılıq əldə olundu, oktyabrın 15-də isə Prezident İlham Əliyev Xankəndi şəhərinin mərkəzi meydanında Azərbaycan Bayrağını ucaltdı. Bununla da Azərbaycanın dövlət suverenliyinin tam təmin edilməsi istiqamətində tarixi mərhələ başa çatdı. 2024-cü ildə sentyabrın 20-nin Dövlət Suverenliyi Günü kimi təsis edilməsi bu tarixi hadisənin dövlətçilik yaddaşımızda əbədiləşdirilməsi baxımından mühüm əhəmiyyət daşıdı.</p>
<p style="text-align:justify"> 8 Noyabr – Zəfər Günü Azərbaycan xalqının tarixində əbədi yaşayacaq. Bu tarix bizə xatırladır ki, milli birlik, güclü dövlətçilik, qətiyyətli siyasət və qüdrətli ordu bir araya gəldikdə ən mürəkkəb tarixi vəzifələr belə yerinə yetirilə bilər. Zəfərimiz mübarizəmizin, şəhidlərimizin müqəddəs qanının, qazilərimizin qəhrəmanlığının və xalqımızın sarsılmaz iradəsinin nəticəsidir. Bu gün hər bir azərbaycanlı üçün qürur mənbəyi olan 8 Noyabr həm də gələcək nəsillərə ötürüləcək milli yaddaş və dövlətçilik dərsidir.</p>
<p style="text-align:justify"> </p>
<p style="text-align:justify"> </p>
<p style="text-align:justify"><strong>K.Y.Fərəcova adına Elmi-Tədqiqat Pediatriya İnstitutunun PHŞ-nin Uşaq Bərpa Mərkəzinin Təsərrüfat bölmə müdiri Ağayev Nəbi Baba oğlu</strong></p>
]]><p style="text-align:justify"> Şuşanın qorunması və inkişafı məsələsi hələ ötən əsrin 70-ci illərində Ümummilli Lider Heydər Əliyevin diqqət mərkəzində olub. 1977-ci ildə onun təşəbbüsü ilə Şuşanın tarixi hissəsinin tarix-memarlıq qoruğu elan edilməsi haqqında qərarın qəbul olunması şəhərin mədəni irsinin qorunması istiqamətində mühüm addım idi. İşğal dövründə Şuşanın tarixi simasına, memarlıq abidələrinə və mədəni irsinə ciddi ziyan vurulmuşdu. Bir sıra tarixi binalar dağıdılmış, muzeylər talan edilmiş, dini və mədəni abidələr məqsədli şəkildə məhv edilmişdi. Şuşanın azad edilməsindən sonra isə şəhərin tarixi görkəminin bərpası dövlət siyasətinin əsas istiqamətlərindən birinə çevrildi. Prezident İlham Əliyevin 2021-ci il 7 may tarixli Sərəncamı ilə Şuşa Azərbaycanın mədəniyyət paytaxtı elan edildi. Həmin il mayın 31-də qəbul edilmiş “Azərbaycanın mədəniyyət paytaxtı – Şuşa şəhəri haqqında” Qanun isə şəhərin qorunması, bərpası, öyrənilməsi, inkişafı və təbliği üçün hüquqi və təşkilati əsasları müəyyənləşdirdi.</p>
<p style="text-align:justify"> 2022-ci ilin ölkəmizdə “Şuşa İli” elan edilməsi, 2023-cü ildə şəhərin Türk dünyasının mədəniyyət paytaxtı, 2024-cü ildə İslam dünyasının mədəniyyət paytaxtı seçilməsi Şuşanın beynəlxalq mədəni nüfuzunun yüksəldiyini nümayiş etdirdi. Şuşanın 2026-cı il üçün İqtisadi Əməkdaşlıq Təşkilatının turizm paytaxtı elan edilməsi isə şəhərin turizm potensialının beynəlxalq səviyyədə tanınmasının göstəricisidir. Şuşa artıq yalnız Azərbaycanın deyil, bütövlükdə türk və islam dünyasının mədəniyyət və turizm məkanlarından biri kimi diqqət mərkəzindədir.</p>
<p style="text-align:justify"> Şuşada aparılan bərpa işlərinin əsas prinsipi şəhərin tarixi-memarlıq simasının qorunmasıdır. Bu məqsədlə tarixi binaların, məscidlərin, muzeylərin və digər mədəniyyət nümunələrinin bərpasına xüsusi diqqət yetirilir. Xurşidbanu Natəvanın, Üzeyir Hacıbəylinin və Bülbülün işğal dövründə güllələnmiş büstlərinin yenidən əvvəlki yerlərinə qaytarılması şəhərin tarixi yaddaşının bərpası baxımından mühüm hadisədir. Molla Pənah Vaqifin muzey-məqbərə kompleksi, Bülbülün ev-muzeyi, Üzeyir Hacıbəylinin ev-muzeyi, Mehmandarovların malikanə kompleksi və digər tarixi məkanlarda aparılan işlər Şuşanın mədəni irsinin yenidən canlandırılmasına xidmət edir. Aşağı və Yuxarı Gövhərağa məscidləri, Saatlı məscidi, Mamayı məscidi və Çöl Qala məscidi kimi dini-memarlıq abidələrinin bərpası da xüsusi əhəmiyyət daşıyır. 2024-cü ildə Şirin su hamamının və Mamayı məscidinin, 2025-ci ildə Çöl Qala məscidinin bərpadan sonra istifadəyə verilməsi bu istiqamətdə görülən işlərin ardıcıllığını göstərir. 2026-cı ildə isə Sadıqcanın evinin bərpadan sonra açılması şəhərin musiqi tarixinin mühüm səhifələrindən birinin yenidən canlandırılması baxımından əlamətdardır. Şuşada mədəni irsin qorunması yalnız keçmişin bərpası deyil, həm də gələcək nəsillərə ötürülən milli-mənəvi dəyərlərin yaşadılmasıdır.</p>
<p style="text-align:justify"> Azad Şuşanın inkişafı yalnız tarixi abidələrin bərpası ilə məhdudlaşmır. Şəhərdə müasir yaşayış, nəqliyyat, kommunal və sosial infrastrukturun yaradılması istiqamətində genişmiqyaslı layihələr həyata keçirilir. Bu layihələrin mühüm istiqamətlərindən biri nəqliyyat əlçatanlığının təmin edilməsidir. Şuşaya aparan 101 kilometrlik Zəfər Yolu həm hərbi qəhrəmanlığımızın xatirəsini yaşadan tarixi marşrut, həm də şəhərin inkişafına xidmət edən mühüm nəqliyyat infrastrukturu layihəsidir. Əhmədbəyli-Füzuli-Şuşa avtomobil yolu və onun üzərində inşa olunan tunellər də bölgənin nəqliyyat imkanlarını genişləndirir. Şəhərin enerji, su və kommunal təminatının yaxşılaşdırılması istiqamətində də əhəmiyyətli işlər görülüb. “Şuşa” yarımstansiyasının istifadəyə verilməsi, sutəmizləyici qurğular kompleksinin açılması və rəqəmsal idarəetmə infrastrukturunun yaradılması şəhərin müasir yaşayış standartlarına uyğun inkişafına şərait yaradır. Şuşada məktəb, xəstəxana, Dövlət Xidmətləri Mərkəzi, hotel və digər sosial xidmət obyektlərinin istifadəyə verilməsi sakinlərin rahat yaşayışı üçün mühüm əhəmiyyət daşıyır. 2025-ci ildə Şuşa Müalicə-Sağlamlıq Mərkəzinin açılması da bu istiqamətdə atılan mühüm addımlardandır. Şəhərin 2040-cı ilədək inkişafına dair Baş planının 2024-cü il oktyabrın 21-də təsdiq edilməsi isə gələcək inkişafın sistemli və uzunmüddətli əsaslar üzərində qurulduğunu göstərir. Baş planda tarixi şəhər quruluşunun qorunması, təbii landşaftın mühafizəsi, yaşayış ərazilərinin planlaşdırılması, piyada və velosiped yollarının inkişafı, ictimai nəqliyyatın əlçatanlığı kimi məsələlər nəzərə alınıb. Bu yanaşma Şuşanın özünəməxsus tarixi simasını qorumaqla müasir şəhərsalma prinsipləri əsasında inkişaf etdirilməsini hədəfləyir.</p>
<p style="text-align:justify"> Azad edilmiş ərazilərin bərpası və keçmiş məcburi köçkünlərin doğma torpaqlarına qayıdışı dövlət siyasətinin əsas prioritetlərindəndir. Şuşada bu proses xüsusi mənəvi və tarixi əhəmiyyət daşıyır. Çünki doğma şəhərə qayıdış yalnız yaşayış yerinin dəyişməsi deyil, həm də uzun illər davam edən ayrılığın sona çatması deməkdir. Şəhərdə 450 mənzildən ibarət 23 binanın sakinlərin istifadəsinə verilməsi, yeni yaşayış komplekslərinin inşası, mərkəzi küçədə dövlət-özəl tərəfdaşlığı çərçivəsində yaşayış layihələrinin həyata keçirilməsi məskunlaşmanın genişlənməsinə xidmət edir. 23 oktyabr 2026-cı il tarixinə olan məlumata əsasən, Şuşa şəhərində 377 ailə olmaqla 1411 nəfər, Böyük Qaladərəsi kəndində 17 ailə olmaqla 78 nəfər, Kiçik Qaladərəsi kəndində isə 26 ailə olmaqla 90 nəfər məskunlaşıb. Ümumilikdə, Şuşa şəhəri və ətraf kəndlərdə 420 ailə, 1579 nəfər yaşayır. Bu rəqəmlərin arxasında illərlə doğma yurd həsrəti çəkmiş insanların sevinci, ata-baba ocağına qayıdışın yaratdığı mənəvi rahatlıq və yeni həyatın başlanğıcı dayanır. Şuşanın bərpasının əsas məqsədi şəhərin yalnız fiziki infrastrukturunu yeniləmək deyil, burada davamlı həyat mühiti yaratmaq, tarixi sakinlərin qayıdışını təmin etmək və şəhərin sosial-iqtisadi potensialını inkişaf etdirməkdir.</p>
<p style="text-align:justify"> Bu gün Şuşada görülən işlər Azərbaycanın öz tarixi irsinə, milli-mənəvi dəyərlərinə və dövlətçilik ənənələrinə sadiqliyinin bariz nümunəsidir. Şəhərdə həyata keçirilən hər bir bərpa layihəsi, istifadəyə verilən hər bir sosial obyekt, inşa olunan hər bir yaşayış binası böyük qayıdışın və dirçəlişin ayrılmaz hissəsidir. Şuşanın tarixi simasının qorunması, müasir infrastrukturun yaradılması, turizm imkanlarının genişləndirilməsi və əhalinin doğma yurda qayıdışının təmin edilməsi qarşıdakı illərdə şəhərin inkişafının əsas istiqamətlərini təşkil edir. Bir vaxtlar işğalın ağır nəticələri ilə üzləşmiş Şuşa bu gün quruculuğun, mədəni dirçəlişin və milli həmrəyliyin ünvanına çevrilib. Onun küçələrində yenidən həyat canlanır, tarixi abidələr öz əvvəlki görkəminə qayıdır, musiqi və poeziya səsləri Cıdır düzündən bütün dünyaya yayılır. Şuşanın dirçəlişi Azərbaycanın Zəfər tarixinin davamıdır. 2020-ci il noyabrın 8-də hərbi qəhrəmanlıqla azad edilən şəhər bu gün quruculuq əzmi, mədəni zənginliyi və gələcəyə yönəlmiş inkişaf strategiyası ilə yenidən yüksəlir. Şuşa artıq təkcə keçmişimizin yadigarı deyil, həm də müasir Azərbaycanın gücünü, milli iradəsini və gələcəyə inamını nümayiş etdirən canlı rəmzdir.</p>
<p style="text-align:justify">8 Noyabr – Şuşa şəhəri günü mübarək!</p>
<p style="text-align:justify"> </p>
<p style="text-align:justify"> </p>
<p style="text-align:justify"><strong>Rüstəmova Aybəniz Vilayət qızı, Avrasiya universitetinin Humanitar fənlər və regionşünaslıq kafedrasının müdiri, tarix üzrə fəlsəfə doktoru, dosent</strong></p>
<p style="text-align:justify"> </p>
]]><p>Tədbirdə Binəqədi Rayon İcra Hakimiyyətinin başçısı Elxan Allahverdiyev, Yeni Azərbaycan Partiyası Binəqədi rayon təşkilatının sədri Vüsar İsmayılov, millət vəkilləri – Kəmaləddin Qafarov, Azay Quliyev, Səbinə Xasayeva, Elşad Musayev, Rayon İcra Hakimiyyəti başçısının müavini, hüquq-mühafizə orqanlarının rəhbərləri, Rayon İcra Hakimiyyəti başçısı Aparatının məsul əməkdaşları, şəhid ailələri və qazilər, Fövqaladə Hallar Nazirliyinin Mülki Müdafiə Qoşunlarının zabit və əsgər heyəti, Rayon İcra Hakimiyyəti başçısının qəsəbə və sahə inzibati ərazi dairələri üzrə nümayəndələri, bələdiyyələrin, Rayon Mənzil-Kommunal Təsərrüfat Birliyinin, məktəbəqədər və orta ümumtəhsil, səhiyyə, mədəniyyət müəssisələrinin, ictimai birliklərin rəhbərləri, gənclər və rayon ictimaiyyəti iştirak edirdilər.</p>
<p>Tədbir ümummilli lider Heydər Əliyevin, ölkəmizin müstəqilliyi, suverenliyi, torpaqlarımızın ərazi bütövlüyü uğrunda canlarını fəda etmiş şəhidlərimizin əziz xatirəsinin bir dəqiqəlik sükutla yad edilməsindən sonra Azərbaycan Respublikasının Dövlət Himninin səslənməsi ilə açıq elan olundu. Şanlı Qələbəmizə həsr olunan videoçarx tədbir iştirakçıları tərəfindən böyük maraqla qarşılandı.</p>
<p>Tədbirdə təbrik nitqi ilə çıxış edən Binəqədi Rayon İcra Hakimiyyətinin başçısı Elxan Allahverdiyev 8 Noyabr–Zəfər Gününün altıncı ildönümü münasibətilə hər bir kəsi təbrik edərək qeyd etdi ki, Ümummilli Lider Heydər Əliyevin “Mən İlham Əliyevə özüm qədər inanır və gələcəyinə böyük ümidlər bəsləyirəm. Əminəm ki, mənim başa çatdıra bilmədiyim işləri o, başa çatdıracaqdır” sözlərində Qarabağın mütləq azad ediləcəyi inamının ifadə edildiyi duyulurdu. Bu sözlərlərlə bizi çoxdan gözlədiyimiz Zəfərə doğru aparan yolun yeni mərhələsinin əsası qoyulmuş oldu. Müzəffər Ali Baş Komandan cənab İlham Əliyevin müdrik rəhbərliyi, böyük siyasi iradəsi, möhtəşəm diplomatik addımları ilə Azərbaycan Silahlı Qüvvələrinin Vətən müharibəsində böyük Qələbə qazanması və ölkəmizin ərazi bütövlüyünün, suverenliyinin təmin edilməsi müasir tariximizin ən parlaq və şanlı səhifəsidir. Rəşadətli Azərbaycan Ordusunun igid əsgər və zabitləri öz canları, qanları bahasına düşmən üzərində tam və qəti Qələbə qazanmaqla dünyanın hərb tarixinə yeni qəhrəmanlıq salnaməsi yazdılar. Bu möhtəşəm Qələbə sevincini bizə yaşadan rəşadətli Azərbaycan Ordusunun hər bir zabit və əsgər heyətinə, şəhidlərimizə, qazilərimizə minnətdarıq. Rayon İcra Hakimiyyətinin başçısı tədbir iştirakçılarını Şanlı Qələbəmizin altı illiyi, 9 Noyabr-Dövlət Bayrağı Günü münasibətilə təbrik etdi.</p>
<p>Növbəti çıxış edən millət vəkili Kəmaləddin Qafarov çıxışında qeyd etdi ki, xalqımız bu möhtəşəm Zəfəri birliyin, qətiyyətin və dövlətçilik ruhunun nəticəsində əldə etdi. Qazanılan Qələbə yalnız hərbin deyil, milli iradənin, ölkə rəhbərinin müdrik siyasətinin və xalqın birliyinin nəticəsidir. Azad Qarabağda bu gün ucalan hər bina, açılan hər məktəb, çəkilən yollar o möhtəşəm günlərin davamıdır. Biz fəxr edirik ki, bu Zəfər xalqımıza məxsusdur və bu Qələbənin işığı gələcək nəsillərin yolunu daim nurlandıracaqdır. Bu möhtəşəm Qələbə sevincini bizə yaşadan şəhidlərimizi dərin ehtiram hissi ilə anır, qazilərimizə şəfa diləyir, rəşadətli Azərbaycan Ordusunun hər bir zabit və əsgər heyətinə minnətdarlığımızı bildiririk.</p>
<p>Şəhid valideynləri adından çıxış edən Vətən müharibəsi şəhidi Teymur Zeynalovun atası Tağı Zeynalov çıxışında vurğuladı ki, düz altı ildir ki, o günün, o anın, o hadisənin möhtəşəmliyini, əzəmətini, sevincini, qürurunu doya-doya, içimizə, ruhumuza çəkə-çəkə yaşayırıq…Vətən sevdalısı oğullarımızın – minlərlə şəhidimizin, minlərlə qəhrəman qazimizin, minlərlə igid əsgərimizin sayəsində azad oldu Ana Vətən! Dişləri, dırnaqları ilə torpaqlarımızı murdar erməni caynağından qoparan, azad edən oğullarımız bununla da dünya hərb tarixində yeniliyə imza atdılar. Tağı Zeynalov şəhid ailələrinə və qazilərə göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə, Azərbaycanın Birinci vitse-prezidenti, Heydər Əliyev Fondunun prezidenti hörmətli Mehriban xanım Əliyevaya şəhid ailələri adından dərin minnətdarlığını bildirdi.</p>
<p>Növbəti çıxış edən Vətən müharibəsi qazisi Şəhriyar İbrahimli çıxışında qeyd etdi ki, 27 sentyabr 2020-ci ildə Ali Baş Komandan cənab İlham Əliyevin rəhbərliyi ilə Azərbaycan ordusu elə bir tarix yazdı ki, bu tarix bütöv bir millətin milli qeyrət nümunəsinə çevrildi. 44 günlük müharibə Azərbaycan xalqının nə qədər vətənpərvər, böyük xalq olduğunu, milli birliyini, həmrəyliyini bütün dünyaya sübut etdi. Azərbaycan tarixi torpaqlarına-Qarabağa qovuşdu, tarixi Zəfərə imza atdı. Bu qələbəni, zəfəri bizlərə yaşadan isə Ulu Öndər Heydər Əliyev siyasi kursunun layiqli davamçısı, ölkə Prezidentimiz, Ali Baş Komandanımız İlham Əliyevin qətiyyəti, siyasi iradəsi, güclü ordumuz, rəşadətli əsgər və zabitlərimizdir.</p>
<p>Yeni Azərbaycan Partiyası Binəqədi rayon təşkilatının sədri Vüsar İsmayılov çıxışında qeyd etdi ki, 30 illik münaqişənin sona çatması, Azərbaycanın ərazi bütövlüyünün bərpası, Qarabağın azad edilməsi daha geniş coğrafiyanın reallıqlarının dəyişməsi ilə müşahidə olunmuşdur və olunmaqdadır. Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuzun Şanlı Qələbəsi sayəsində Yer üzərində uzun sürən münaqişələrdən biri öz həllini tapdı. Azərbaycan haqqa, ədalətə çatmağın yolunu göstərdi. Xalqımızın apardığı haqq mübarizəsi sayəsində bütün dünya gördü ki, Azərbaycan bir yumruq kimidir. 8 Noyabr tarixi daim tarixdə qızıl hərflərlə və əbədiyyən qalacaqdır.</p>
<p>Tədbirin bədii hissəsində Azərbaycan Respublikasının xalq artistləri-Nəzakət Teymurovanın, Faiq Ağayevin, Azərbaycan Respublikasının əməkdar artisti Lalə Məmmədovanın, gənc istedadlı müğənnilər-Samirə Rəcəblinin, Zəminə Rəhimovanın, Yaqut Xəlilzadənin ifasında biri-birindən gözəl musiqilər səsləndi, “Gənclik” rəqs ansamblının ifasında “Vətən” kompozisiyası nümayiş edildi.</p>
<p>Tədbirin sonunda iştirakçılar böyük atəşfəşanlığı seyr etdilər.</p>
<p><img alt="" decoding="async" sizes="(max-width: 300px) 100vw, 300px" src="https://azermedia.az/wp-content/uploads/2026/11/1IMG_2564-26.jpg.jpg-300x200.jpeg" srcset="https://azermedia.az/wp-content/uploads/2026/11/1IMG_2564-26.jpg.jpg-300x200.jpeg 300w, https://azermedia.az/wp-content/uploads/2026/11/1IMG_2564-26.jpg.jpg-1024x683.jpeg 1024w, https://azermedia.az/wp-content/uploads/2026/11/1IMG_2564-26.jpg.jpg-768x512.jpeg 768w, https://azermedia.az/wp-content/uploads/2026/11/1IMG_2564-26.jpg.jpg.jpeg 1500w" style="height:200px; width:300px" /> <img alt="" decoding="async" sizes="(max-width: 300px) 100vw, 300px" src="https://azermedia.az/wp-content/uploads/2026/11/3IMG_2564-48.jpg.jpg-300x200.jpeg" srcset="https://azermedia.az/wp-content/uploads/2026/11/3IMG_2564-48.jpg.jpg-300x200.jpeg 300w, https://azermedia.az/wp-content/uploads/2026/11/3IMG_2564-48.jpg.jpg-1024x683.jpeg 1024w, https://azermedia.az/wp-content/uploads/2026/11/3IMG_2564-48.jpg.jpg-768x512.jpeg 768w, https://azermedia.az/wp-content/uploads/2026/11/3IMG_2564-48.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/4IMG_2564-59.jpg.jpg-300x200.jpeg" srcset="https://azermedia.az/wp-content/uploads/2026/11/4IMG_2564-59.jpg.jpg-300x200.jpeg 300w, https://azermedia.az/wp-content/uploads/2026/11/4IMG_2564-59.jpg.jpg-1024x683.jpeg 1024w, https://azermedia.az/wp-content/uploads/2026/11/4IMG_2564-59.jpg.jpg-768x512.jpeg 768w, https://azermedia.az/wp-content/uploads/2026/11/4IMG_2564-59.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/5IMG_2564-67.jpg.jpg-300x200.jpeg" srcset="https://azermedia.az/wp-content/uploads/2026/11/5IMG_2564-67.jpg.jpg-300x200.jpeg 300w, https://azermedia.az/wp-content/uploads/2026/11/5IMG_2564-67.jpg.jpg-1024x683.jpeg 1024w, https://azermedia.az/wp-content/uploads/2026/11/5IMG_2564-67.jpg.jpg-768x512.jpeg 768w, https://azermedia.az/wp-content/uploads/2026/11/5IMG_2564-67.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/6IMG_2564-71.jpg.jpg-300x200.jpeg" srcset="https://azermedia.az/wp-content/uploads/2026/11/6IMG_2564-71.jpg.jpg-300x200.jpeg 300w, https://azermedia.az/wp-content/uploads/2026/11/6IMG_2564-71.jpg.jpg-1024x683.jpeg 1024w, https://azermedia.az/wp-content/uploads/2026/11/6IMG_2564-71.jpg.jpg-768x512.jpeg 768w, https://azermedia.az/wp-content/uploads/2026/11/6IMG_2564-71.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/7IMG_2564-97.jpg.jpg-300x200.jpeg" srcset="https://azermedia.az/wp-content/uploads/2026/11/7IMG_2564-97.jpg.jpg-300x200.jpeg 300w, https://azermedia.az/wp-content/uploads/2026/11/7IMG_2564-97.jpg.jpg-1024x683.jpeg 1024w, https://azermedia.az/wp-content/uploads/2026/11/7IMG_2564-97.jpg.jpg-768x512.jpeg 768w, https://azermedia.az/wp-content/uploads/2026/11/7IMG_2564-97.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/8IMG_2564-101.jpg.jpg-300x200.jpeg" srcset="https://azermedia.az/wp-content/uploads/2026/11/8IMG_2564-101.jpg.jpg-300x200.jpeg 300w, https://azermedia.az/wp-content/uploads/2026/11/8IMG_2564-101.jpg.jpg-1024x683.jpeg 1024w, https://azermedia.az/wp-content/uploads/2026/11/8IMG_2564-101.jpg.jpg-768x512.jpeg 768w, https://azermedia.az/wp-content/uploads/2026/11/8IMG_2564-101.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/9IMG_2564-144.jpg.jpg-300x200.jpeg" srcset="https://azermedia.az/wp-content/uploads/2026/11/9IMG_2564-144.jpg.jpg-300x200.jpeg 300w, https://azermedia.az/wp-content/uploads/2026/11/9IMG_2564-144.jpg.jpg-1024x683.jpeg 1024w, https://azermedia.az/wp-content/uploads/2026/11/9IMG_2564-144.jpg.jpg-768x512.jpeg 768w, https://azermedia.az/wp-content/uploads/2026/11/9IMG_2564-144.jpg.jpg.jpeg 1500w" style="height:200px; width:300px" /> <img alt="" decoding="async" loading="lazy" sizes="auto, (max-width: 300px) 100vw, 300px" src="https://azermedia.az/wp-content/uploads/2026/11/100IMG_2564-160.jpg.jpg-300x200.jpeg" srcset="https://azermedia.az/wp-content/uploads/2026/11/100IMG_2564-160.jpg.jpg-300x200.jpeg 300w, https://azermedia.az/wp-content/uploads/2026/11/100IMG_2564-160.jpg.jpg-1024x683.jpeg 1024w, https://azermedia.az/wp-content/uploads/2026/11/100IMG_2564-160.jpg.jpg-768x512.jpeg 768w, https://azermedia.az/wp-content/uploads/2026/11/100IMG_2564-160.jpg.jpg.jpeg 1500w" style="height:200px; width:300px" /></p>
]]><p>Noyabrın 6-da keçirilən tədbir məktəbin direktor müavini, təhsil ocağında fəaliyyət göstərən “Kiçik Akademiya”nın rəhbəri, Türk Dünyası Araşdırmaları Beynəlxalq Elmlər Akademiyasının fəxri professoru Zenfira Nusalovanın təşkilatçılığı ilə baş tutub. Tədbirin əsas məqsədi şagirdlərə Azərbaycanın şanlı Zəfər tarixini daha dərindən tanıtmaq, Vətən müharibəsində qazanılmış tarixi Qələbənin əhəmiyyətini aşılamaq, gənc nəslin vətənpərvərlik ruhunda tərbiyəsinə töhfə vermək olub.</p>
<p>Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Vətənimizin azadlığı, suverenliyi və ərazi bütövlüyü uğrunda canlarından keçərək şəhidlik zirvəsinə ucalmış qəhrəman övladlarımızın əziz xatirəsi bir dəqiqəlik sükutla yad edilib.</p>
<p>Tədbir iştirakçılarına 8 Noyabr – Zəfər Gününün tarixi əhəmiyyəti, Azərbaycan xalqının uzun illər ərzində torpaqlarımızın işğaldan azad olunması arzusu ilə yaşaması, 44 günlük Vətən müharibəsində nümayiş etdirilən misilsiz birlik və həmrəylik barədə ətraflı məlumat verilib.</p>
<p>Şagirdlər öz çıxışlarında 2020-ci il sentyabrın 27-də başlayan Vətən müharibəsinin gedişindən, Azərbaycan Ordusunun döyüş meydanında göstərdiyi qəhrəmanlıq və şücaətdən, hərbçilərimizin yüksək döyüş hazırlığından, xalqımızın sarsılmaz iradəsindən bəhs ediblər. Bildirilib ki, Müzəffər Ali Baş Komandan İlham Əliyevin rəhbərliyi ilə qazanılan tarixi Qələbə Azərbaycan dövlətinin qüdrətini, xalqımızın birliyini və milli ruhunun sarsılmazlığını bütün dünyaya nümayiş etdirib.</p>
<p>Xüsusilə vurğulanıb ki, 8 Noyabr – Zəfər Günü Azərbaycan tarixinin ən şərəfli səhifələrindən biridir. Bu möhtəşəm tarix xalqımızın milli iradəsinin, qəhrəman ordumuzun gücünün, dövlət-xalq birliyinin və Vətən sevgisinin təntənəsidir.</p>
<p>Tədbirin bədii hissəsində şagirdlər Zəfər Gününə, doğma Vətənə, Azərbaycan əsgərinin qəhrəmanlığına və şəhidlərimizin müqəddəs xatirəsinə həsr olunmuş şeirlər səsləndirib, vətənpərvərlik mövzusunda çıxışlar ediblər. Eyni zamanda, tarixi hadisələri əks etdirən məlumatlar və təqdimatlar nümayiş etdirilib. Şagirdlərin hazırladıqları çıxışlar tədbirə xüsusi emosional ovqat qatıb, iştirakçılar tərəfindən maraq və rəğbətlə qarşılanıb.</p>
<p>Tədbirin sonunda məktəbin direktor əvəzi, “Qabaqcıl təhsil işçisi” Aytən Qibləliyeva çıxış edərək Zəfər Gününün gənc nəslin milli-mənəvi tərbiyəsində mühüm rol oynadığını bildirib. O qeyd edib ki, bu gün yetişən gənclər Azərbaycanın qəhrəmanlıq tarixini dərindən öyrənməli, Vətən uğrunda canlarından keçən şəhidlərimizin əziz xatirəsini daim yaşatmalı, qazilərimizin fədakarlığını unutmamalı, dövlətçiliyimizə, milli-mənəvi dəyərlərimizə və dövlət rəmzlərimizə hörmət ruhunda böyüməlidirlər.</p>
<p>Aytən Qibləliyeva belə tədbirlərin şagirdlərin dünyagörüşünün formalaşmasında, onların tarixi yaddaşının möhkəmləndirilməsində və vətənpərvərlik hisslərinin gücləndirilməsində xüsusi əhəmiyyət daşıdığını vurğulayıb.</p>
<p>Sonda Aytən Qibləliyeva tədbirin yüksək səviyyədə hazırlanmasında və təşkilində göstərdikləri əməyi, təşəbbüskarlığı və zəhməti yüksək qiymətləndirərək direktor müavini, “Kiçik Akademiya”nın rəhbəri, Türk Dünyası Araşdırmaları Beynəlxalq Elmlər Akademiyasının fəxri professoru Zenfira Nusalovaya, Uşaq Birliyi Təşkilatının rəhbəri Gülnarə Hüseynovaya, musiqi müəllimi Esmira Hüseynovaya və 5 “R” sinfinin rəhbəri Abid Quliyevə təşəkkürünü bildirib.</p>
<p>Qeyd edək ki, 225 nömrəli məktəbdə təşkil olunan bu tədbir şagirdlərdə Vətənə sevgi, milli qürur, tarixi yaddaş və dövlətçilik dəyərlərinə bağlılıq hisslərinin gücləndirilməsi baxımından mühüm əhəmiyyət kəsb edib. Belə maarifləndirici və tərbiyəvi tədbirlər Zəfər tariximizin gələcək nəsillərə ötürülməsinə, qəhrəmanlıq salnaməmizin daim yaşadılmasına xidmət edir.</p>
<p><img alt="" decoding="async" sizes="(max-width: 600px) 100vw, 600px" src="https://www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-600x450.jpeg" srcset="//www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-600x450.jpeg 600w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-1024x768.jpeg 1024w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-768x576.jpeg 768w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-1536x1152.jpeg 1536w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-1064x798.jpeg 1064w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-716x537.jpeg 716w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d-480x360.jpeg 480w, //www.mustaqil.az/wp-content/uploads/2026/11/6fe46b79-8e61-433c-bb77-2b50fa21278d.jpeg 1600w" style="height:450px; width:600px" /><img alt="" decoding="async" loading="lazy" sizes="auto, (max-width: 490px) 100vw, 490px" src="https://www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351-490x600.jpeg" srcset="//www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351-490x600.jpeg 490w, //www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351-836x1024.jpeg 836w, //www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351-768x941.jpeg 768w, //www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351-716x877.jpeg 716w, //www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351-480x588.jpeg 480w, //www.mustaqil.az/wp-content/uploads/2026/11/25693c6e-8c1c-4570-86e6-b863e3fd7351.jpeg 1045w" style="height:600px; width:490px" /><img alt="" decoding="async" loading="lazy" sizes="auto, (max-width: 600px) 100vw, 600px" src="https://www.mustaqil.az/wp-content/uploads/2026/11/0fca02ac-db65-45f4-a694-8110906fdac5-600x397.jpeg" srcset="//www.mustaqil.az/wp-content/uploads/2026/11/0fca02ac-db65-45f4-a694-8110906fdac5-600x397.jpeg 600w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5-1024x677.jpeg 1024w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5-768x508.jpeg 768w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5-1536x1016.jpeg 1536w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5-1064x704.jpeg 1064w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5-716x473.jpeg 716w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5-480x317.jpeg 480w, //www.mustaqil.az/wp-content/uploads/2026/11/0fca02ac-db65-45f4-a694-8110906fdac5.jpeg 1600w" style="height:397px; width:600px" /><img alt="" decoding="async" loading="lazy" sizes="auto, (max-width: 482px) 100vw, 482px" src="https://www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-482x600.jpeg" srcset="//www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-482x600.jpeg 482w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-822x1024.jpeg 822w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-768x956.jpeg 768w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-1234x1536.jpeg 1234w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-1064x1325.jpeg 1064w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-716x892.jpeg 716w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759-480x598.jpeg 480w, //www.mustaqil.az/wp-content/uploads/2026/11/2c2ca82a-b6ca-4754-a3b0-a475e48f2759.jpeg 1285w" style="height:600px; width:482px" /><img alt="" decoding="async" loading="lazy" sizes="auto, (max-width: 600px) 100vw, 600px" src="https://www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-600x450.jpeg" srcset="//www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-600x450.jpeg 600w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-1024x768.jpeg 1024w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-768x576.jpeg 768w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-1536x1152.jpeg 1536w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-1064x798.jpeg 1064w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-716x537.jpeg 716w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05-480x360.jpeg 480w, //www.mustaqil.az/wp-content/uploads/2026/11/67d3dbb0-2260-4502-bd29-f9010c0c2d05.jpeg 1600w" style="height:450px; width:600px" /><img alt="" decoding="async" loading="lazy" sizes="auto, (max-width: 600px) 100vw, 600px" src="https://www.mustaqil.az/wp-content/uploads/2026/11/2224bf96-601b-41f8-966c-a969ca113913-600x450.jpeg" srcset="//www.mustaqil.az/wp-content/uploads/2026/11/2224bf96-601b-41f8-966c-a969ca113913-600x450.jpeg 600w, //www.mustaqil.az/wp-content/uploads/2026/11/2224bf96-601b-41f8-966c-a969ca113913-1024x768.jpeg 1024w, //www.mustaqil.az/wp-content/uploads/2026/11/2224bf96-601b-41f8-966c-a969ca113913-768x576.jpeg 768w, //www.mustaqil.az/wp-content/uploads/2026/11/2224bf96-601b-41f8-966c-a969ca113913-1536x1152.jpeg 1536w, //www.mustaqil.az/wp-content/uploads/2026/11/2224bf96-601b-41f8-966c-a969ca113913-1064x798.jpeg 1064w, //www.mustaqil.az/wp-content/uploads/2026/11/2224bf96-601b-41f8-966c-a969ca113913-716x537.jpeg 716w, //www.mustaqil.az/wp-content/uploads/2026/11/2224bf96-601b-41f8-966c-a969ca113913-480x360.jpeg 480w, //www.mustaqil.az/wp-content/uploads/2026/11/2224bf96-601b-41f8-966c-a969ca113913.jpeg 1600w" style="height:450px; width:600px" /><img alt="" decoding="async" loading="lazy" sizes="auto, (max-width: 600px) 100vw, 600px" src="https://www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-600x450.jpeg" srcset="//www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-600x450.jpeg 600w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-1024x768.jpeg 1024w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-768x576.jpeg 768w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-1536x1152.jpeg 1536w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-1064x798.jpeg 1064w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-716x537.jpeg 716w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378-480x360.jpeg 480w, //www.mustaqil.az/wp-content/uploads/2026/11/a54edb66-2491-4ec2-a93e-cd7cacca0378.jpeg 1600w" style="height:450px; width:600px" /></p>
]]><p>Türk Dövlətləri Təşkilatının hökumət başçılarının toplantısı bu dəfə Bakıda keçirilir. Sizi səmimiyyətlə salamlayıram, xoş gəlmisiniz! Əminəm ki, bu görüşün çox böyük faydası olacaq. Hər zaman olduğu kimi, bizim ölkələrimiz birlik, həmrəylik göstərəcəklər. Qarşımızda duran önəmli iqtisadi məsələlərin müzakirəsi üçün də bu görüşün çox böyük əhəmiyyəti var. Bütövlükdə Azərbaycan Türk Dövlətləri Təşkilatının inkişafına əvvəllər və bu gün də böyük töhfə verir və verəcək. Bu bizim xarici siyasətimizdə prioritet məsələlərdən biridir. Dəfələrlə müxtəlif kürsülərdən bəyan etmişdik ki, Türk Dünyası bizim ailəmizdir, başqa ailəmiz yoxdur. Bu ailəni gələcəyə aparmaq üçün birgə səylərin göstərilməsi çox önəmlidir. Xarici siyasətimizdə Türk Dövlətləri Təşkilatına üzv ölkələrlə bizim əlaqələrimiz prioritet təşkil edir. Bu ölkələrlə bizim tarixi, mədəni, etnik köklərimiz gözəl təməl formalaşdırır və bu gün müstəqil dövlətlər kimi, biz bütün beynəlxalq təşkilatlarda da vahid mövqedən çıxış edirik, bir-birimizi dəstəkləyirik. Yaxşı günlərdə, çətin günlərdə bir-birimizin yanındayıq.</p>
<p>AZƏRTAC xəbər verir ki, “İlham Əliyev. İnkişaf - məqsədimizdir” çoxcildliyinin çapdan yeni çıxmış 152-ci kitabında yer alan bu fikirləri dövlətimizin başçısı Türkiyə Respublikasının Vitse-prezidenti Cevdet Yılmaz, Özbəkistan Respublikasının Baş naziri Abdulla Aripov, Qazaxıstan Respublikasının Baş naziri Oljas Bektenov, Qırğız Respublikası Nazirlər Kabinetinin Sədri Adılbek Kasımaliyev, Türkmənistan Nazirlər Kabineti sədrinin müavini Nökərqulu Ataqulıyev, Şimali Kipr Türk Cümhuriyyətinin Baş naziri Ünal Üstel və Türk Dövlətləri Təşkilatının Baş katibi Kubanıçbek Ömüralıyev ilə 2026-cı il aprelin 2-də görüşü zamanı söyləyib.</p>
<p>Çoxcildliyin bu kitabında toplanmış materiallar 2026-cı ilin aprelindən may ayınadək olan dövrü əhatə edir. Bu nəşrdə dövlət başçısının Qazaxıstan Respublikasına, Gürcüstana, Türkiyə Respublikasına işgüzar və dövlət səfərlərinə, bu səfərlər zamanı 5-ci Antalya Diplomatiya Forumunun açılışı mərasiminə, Türk Dövlətləri Təşkilatının dövlət başçılarının qeyri-rəsmi Zirvə görüşündə iştirakına, Türkiyə, Özbəkistan, Qazaxıstan, Qırğızıstan, Türkmənistan, Şimali Kipr Türk Respublikası, Türk Dövlətləri Təşkilatının yüksəkrütbəli şəxsləri, o cümlədən ölkəmizə rəsmi səfərə gəlmiş Çex Respublikasının Baş naziri və Latviya Respublikasının Prezidenti ilə görüşlərinə dair materiallar toplanıb.</p>
<p>Kitabda Azərbaycan Respublikası Prezidentinin Ümumdünya Şəhərsalma Forumunun 13-cü Sessiyasının, Cəbrayıl rayonunun Şükürbəyli kəndinin, Zəngilan şəhərində isə yaşayış kompleksinin açılışı mərasimlərində iştirakına aid materiallar, həmçinin “Euronews” televiziyasına müsahibəsi yer alıb.</p>
<p>Çoxcildliyin buraxılışına məsul “Azərnəşr”in baş redaktoru Əlövsət Ağalarovdur.</p>
<p>Bu cildin hazırlanmasında da Azərbaycan Dövlət İnformasiya Agentliyinin (AZƏRTAC) materiallarından istifadə olunub.</p>
]]><p>Ankaranın əsas yolları və prospektləri boyunca yerləşən rəqəmsal reklam lövhələrində 8 Noyabr – Zəfər Günü münasibətilə Azərbaycana təbrik mesajları yerləşdirilib.</p>
<p>AZƏRTAC xəbər verir ki, ölkəmizin Türkiyədəki səfirliyinin təşəbbüsü Türkiyə paytaxtının şəhər bələdiyyəsi tərəfindən dəstəklənib.</p>
<p>Bələdiyyənin reklam lövhələrində bu sözlər yazılıb: “Qardaş Azərbaycanı 8 Noyabr – Zəfər Günü münasibətilə təbrik edirik. Sizin sevinciniz bizim sevincimizdir!”.</p>
]]><p>Milli Kitabxanada Zəfər Günü münasibətilə “8 Noyabr – Zəfər Günü” adlı virtual və eyniadlı ənənəvi kitab sərgiləri istifadəçilərə təqdim olunub.</p>
<p>Bu barədə AZƏRTAC-a Milli Kitabxanadan məlumat verilib. Bildirilib ki, sərgilərdə Zəfər tariximiz, Müzəffər Ali Baş Komandan İlham Əliyevin uzaqgörən hərbi və siyasi strategiyası, Vətən müharibəsi, şanlı Qələbə, tarix yazan qəhrəmanlar, ölkəmizin ərazi bütövlüyü uğrunda canlarından keçən əsgər və zabitlərin, şəhidlərin döyüş yolu haqqında Azərbaycan və digər dillərdə nəşr olunmuş ədəbiyyatlar nümayiş etdirilir. Xalqımızın qüdrətinin və milli qürurunun təntənəsinə çevrilən bu möhtəşəm Qələbə Azərbaycan Respublikası Prezidentinin 2020-ci il dekabrın 3-də imzaladığı Sərəncamla əbədiləşdirilib. Şuşa şəhərinin işğaldan azad edilməsinin tarixi əhəmiyyəti nəzərə alınaraq noyabrın 8-i Zəfər Günü elan olunub. 2020-ci ilin sentyabr-noyabr aylarında 44 gün davam edən Vətən müharibəsində qazanılan Zəfər milli tariximizin ən şərəfli və taleyüklü hadisələrindən biridir. Sentyabrın 27-də Ermənistan silahlı qüvvələrinin növbəti təcavüzündən sonra Azərbaycan Ordusu BMT Nizamnaməsinin verdiyi özünümüdafiə hüququndan istifadə edərək əks-hücum əməliyyatına başlayıb. Məqsəd işğal altındakı torpaqlarımızı azad etmək və təcavüzə son qoymaq olub.</p>
<p>Heydər Əliyevin əsasını qoyduğu ordu quruculuğu siyasəti Prezident İlham Əliyev tərəfindən uğurla davam etdirilərək Azərbaycan Ordusunun dünyanın güclü orduları sırasında yer almasını təmin edib. Azərbaycan Ordusu qarşısında duran tarixi missiyanı, Ulu Öndər Heydər Əliyevin arzusunu və vəsiyyətini yerinə yetirib. Prezident, Müzəffər Ali Baş Komandan İlham Əliyevin rəhbərliyi ilə Azərbaycan Silahlı Qüvvələri 44 günlük Vətən müharibəsində qazandığı qələbələrlə dünya hərb tarixinə yeni şanlı səhifələr yazıb. Döyüşlər zamanı işğalçı qüvvələrə ağır zərbələr endirilib, onların çoxsaylı canlı qüvvəsi və hərbi texnikası məhv edilib. İşğal altında olan ərazilərimizin böyük bir hissəsi, o cümlədən Füzuli, Cəbrayıl, Zəngilan, Qubadlı rayonları, Hadrut və Suqovuşan qəsəbələri, ümumilikdə, 300-ə yaxın yaşayış məntəqəsi azad olunub. Vətən müharibəsinin ən şərəfli səhifələrindən biri noyabrın 8-də Qarabağın incisi, Azərbaycan mədəniyyətinin beşiyi olan Şuşanın işğaldan azad edilməsidir. Azərbaycan Ordusunun qarşısında duruş gətirə bilməyəcəyini anlayan Ermənistan məğlubiyyətini etiraf edib. Beləliklə, Azərbaycan Silahlı Qüvvələrinin qazandığı hərbi Zəfər siyasi müstəvidə əldə olunan Qələbə ilə tamamlanıb.</p>
<p>8 Noyabr Zəfəri Müzəffər Ali Baş Komandanın yenilməz iradəsinin və sərkərdəlik məharətinin, Azərbaycan Silahlı Qüvvələrinin döyüş əzminin, rəşadətinin, yüksək hərbi-texniki və mənəvi-psixoloji hazırlığının, peşəkarlığının təntənəsidir. Bu gün azad Qarabağ və Şərqi Zəngəzur innovativ və dayanıqlı inkişaf məkanına çevrilir. İşğal zamanı dağıdılmış şəhər və kəndlər bərpa olunur, hava limanları, yollar, körpülər, tunellər və digər infrastruktur obyektləri inşa edilir, elektrik və su xətləri çəkilir. Bölgədə Azərbaycanın gələcək inkişafının yeni modellərindən biri formalaşır, məcburi köçkünlərin doğma yurdlarına qayıdışı davam edir.</p>
<p>Virtual sərgi ilə tanış olmaq istəyənlər linkindən istifadə edə bilərlər.</p>
]]><p>Azərbaycan Respublikasının Prezidenti İlham Əliyev noyabrın 7-də Ağdam Zeytun müəssisəsində yaradılan şəraitlə tanış olub.</p>
<p>AZƏRTAC xəbər verir ki, “Aqroinkişaf 2017” MMC-nin direktoru Ruslan Sadıxov dövlətimizin başçısına müəssisənin fəaliyyəti barədə məlumat verdi.</p>
<p>Bildirildi ki, şirkət tərəfindən 2020-ci ilin dekabrından işğaldan azad olunmuş Ağdam ərazisində sahələr minalardan və hərbi sursatlardan təmizlənəndən sonra torpaq hazırlığı və planlaşdırma işləri görülərək, dərhal əkinə başlanılıb. İlkin olaraq ərazidə taxıl əkini aparılıb. Taxıl sahələrində məhsuldarlıq 40 sentner təşkil edib.</p>
<p>Hazırda isə burada 1150 hektar ərazidə zeytun bağı salınıb. Ərazidə 700 mindən çox ağac əkilib. Gələcəkdə isə zeytun və badam ağaclarının sayının 1 500000-ə çatdırılması nəzərdə tutulur.</p>
<p>Burada ildə 10 min ton zeytun (və ya 2 min ton yağ) istehsalı planlaşdırılır. İstehsalatda müasir kənd təsərrüfatı texnikasından istifadə edilir.</p>
<p>Layihə çərçivəsində müvəqqəti suvarma kanalları çəkilib, Eyvazxanbəyli-Xaçınçay avtomobil yolu (3690 metr) təmir olunub, inzibati və texniki zonalar yaradılıb. On hektar ərazidə meşə massivi salınıb, əlavə olaraq 50 hektar meşə sahəsinin salınması planlaşdırılır. Ərazidə yanacaqdoldurma məntəqəsi, meteostansiya yaradılıb.</p>
<p>Dövlətimizin başçısına ölkəmizdə qoz istehsalı sənayesi barədə də məlumat verildi. Azərbaycana qoz idxalının əvəzlənməsi və ixracyönümlü qoz istehsalı sənayesinin yaradılması məqsədilə 2017-ci ildən başlayaraq “Aqroinkişaf 2017” MMC tərəfindən Şəki-Oğuz rayonlarının ərazisində 2 min hektardan çox sahədə müasir intensiv salxımlı qoz növləri yetişdirilən bağların salınması artıq yekunlaşmaq üzrədir.</p>
<p>Prezident İlham Əliyev 2022-ci ildə Oğuz rayonunda qozyuma, qurutma, çeşidləmə və qablaşdırma zavodunun təməlini qoyub. MMC tərəfindən bu müəssisə üçün 2025-ci ildə illik istehsal gücü 10 min ton qoz olan qurğular alınaraq istismara verilib.</p>
<p>Toplanmış qoz məhsulu əsasən daxili bazarda satılmaqla yanaşı, xarici bazarlara da (Türkiyə, Gürcüstan, Rusiya, İtaliya) ixrac olunub. Min hektara yaxın sahədə isə müasir intensiv badam bağları salınır.</p>
<p>Müəssisə müasir kənd təsərrüfatı texnikası, damcı suvarma sistemi, meteostansiyalar, fito-laboratoriya və digər zəruri avadanlıqla təchiz olunub.</p>
<p>Prezident İlham Əliyevə “Acınohur Zeytun vadisi” layihəsi üzrə görülən işlər barədə də ətraflı məlumat verildi.</p>
<p>Sonda Prezident İlham Əliyev ərazidə zeytun ağacı əkdi.</p>
]]><p>Fransa Polineziyası (Maohi Nui) Assambleyası xalqın gələcəyini dəyişdirəcək müstəsna bir qərara imza ataraq, ölkənin bütün təbii sərvətləri üzərində daimi suverenliyini nəzərdə tutan qətnaməni yekdilliklə qəbul edib.</p>
<p>Bu barədə AZƏRTAC-a Bakı Təşəbbüs Qrupundan məlumat verilib.</p>
<p>Bildirilib ki, 2026-cı il noyabrın 5-də qəbul edilən bu tarixi sənəd Maohi Nui yerli xalqının quru və dəniz ərazilərində, eləcə də 5,5 milyon kvadratkilometrlik nəhəng müstəsna iqtisadi zonada (MİZ) yerləşən bütün ayrılmaz hüquqlarını rəsmən qoruma altına alır. Tavini Huiraatira hərəkatının çoxillik siyasi mübarizəsi nəticəsində əldə olunan bu qələbə regionun iqtisadi və siyasi müstəqilliyi yolunda atılmış ən böyük addımdır.</p>
<p>Qətnamədə Polineziya xalqının hüquqlarını təsbit edən və Fransa Polineziyası nümayəndə heyətinin BMT Baş Assambleyasında öz resurslarını müdafiə etməsi üçün güclü hüquqi əsas yaradan strateji bəndlər yer alıb. Sənədə əsasən, Maohi Nui xalqının öz torpaqları, laqunları, hava məkanı, dəniz dibi və okean ərazilərindəki bütün təbii sərvətlərə sahib olmaq, onlara nəzarət etmək və sərəncam vermək hüququ yenidən təsdiqlənir. Bölgənin MİZ-inə daxil olan dəniz dibi faydalı qazıntıları, metallar və bioloji resurslar üzərində tam suverenlik elan edilir və Fransa dövlətinin bu resursları birtərəfli qaydada istismar etmə iddiaları rədd edilir. Qətnamədə Fransanın 1966-1996-cı illərdə bölgədə apardığı nüvə sınaqlarının ətraf mühitə və əhalinin sağlamlığına vurduğu ağır zərərlər diqqətə çatdırılır, rəsmi Parisdən ədalətli kompensasiya ödənilməsi tələb olunur. İdarəedici dövlət olan Fransaya, BMT qətnamələrinə uyğun olaraq bölgənin müstəqillik prosesində beynəlxalq missiyalarla əməkdaşlıq etməsi üçün birbaşa çağırış edilir.</p>
<p>Qətnamənin qəbul edilməsi təşəbbüsü Tavini Huiraatira hərəkatının sədri və Fransa Polineziyasının keçmiş prezidenti Oskar Manutahi Temaruya məxsusdur. O, 2025-ci il dekabrın 3-də müvafiq qətnamə layihəsini Fransa Polineziyası Assambleyasına təqdim edib. Layihə dekabrın 5-də Assambleyanın institusional, beynəlxalq məsələlər və bələdiyyələrlə əlaqələr komissiyasında müzakirə olunaraq üzvlərin əksəriyyətinin dəstəyini qazanıb. Sənədin məruzəçiləri Tevaipaea Hoiore və Allen Salmon olub.</p>
<p>Tavini Huiraatira qətnaməni dəstəkləyən bütün deputatlara təşəkkürünü bildirərək siyasi qüvvələr arasında əldə olunmuş razılaşmanı yüksək qiymətləndirib və qeyd edib ki, okean və onun sərvətləri Maohi xalqının tarixi irsi və gələcəyidir. Bu sərvətlərə dair qərar qəbul etmək hüququ yalnız həmin xalqa məxsus olmalıdır.</p>
<p>Xatırladırıq ki, Bakı Təşəbbüs Qrupu Maohi xalqının öz müqəddəratını təyinetmə hüququnun və təbii sərvətləri üzərində suverenliyinin beynəlxalq səviyyədə müdafiəsini ardıcıl olaraq dəstəkləyir. BTQ Tavini Huiraatira hərəkatı ilə əməkdaşlıq çərçivəsində bu məsələlərin beynəlxalq platformalarda, o cümlədən BMT çərçivəsində gündəmə gətirilməsinə töhfə verib.</p>
]]><p>Türkiyə Respublikasının Prezidenti Rəcəb Tayyib Ərdoğan Zəfər Günü münasibətilə Prezident İlham Əliyevi təbrik edib.</p>
<p>AZƏRTAC xəbər verir ki, Türkiyə Prezidentinin dövlətimizin başçısına ünvanladığı məktubda deyilir: “Otuz il işğal altında olan qədim Azərbaycan torpaqlarının azadlığa qovuşduğu Zəfər Gününün altıncı ildönümü münasibətilə Zati-aliniz başda olmaqla, bütün azərbaycanlı qardaş və bacılarıma xalqım adından və öz adımdan ən səmimi təbriklərimi çatdırıram.</p>
<p>Böyük Zəfərlə taclandırılan Azərbaycanın ədalətli mübarizəsi bütün Türk dünyası üçün də qürur mənbəyinə çevrilib. İşğaldan azad edilmiş ərazilərin yenidən qurulması və dirçəldilməsi prosesinin sürətlə irəliləməsi hamımızda qürur hissi oyadır.</p>
<p>Şuşa Bəyannaməsi ilə ən yüksək səviyyəyə çatdırdığımız "Bir millət, iki dövlət" anlayışına əsaslanan sarsılmaz dostluq və qardaşlıq tellərimizdən aldığımız güclə həm ikitərəfli münasibətlərimizdə, həm də beynəlxalq aləmdə bundan sonra da sıx əməkdaşlıq və həmrəylik şəraitində işləyəcəyimizə tam əminəm.</p>
<p>Regionumuzda davamlı sülhün, əmin-amanlığın və sabitliyin bərqərar olması üçün əlaqələndirilmiş şəkildə həyata keçirdiyimiz işlər nəticəsində Cənubi Qafqaz artıq münaqişə və qeyri-sabitlik bölgəsi kimi deyil, əməkdaşlıq və inkişaf bölgəsi kimi tanınır.</p>
<p>Vətənlərinin müstəqilliyi uğrunda mübarizədə canlarından keçən qəhrəman şəhidlərimizə Allahdan rəhmət diləyir, onların əziz xatirələrini hörmət və ehtiramla yad edir, qazilərimizə minnətdarlığımı bildirirəm”.</p>
<p>Prezident Rəcəb Tayyib Ərdoğan Prezident İlham Əliyevə cansağlığı və xoşbəxtlik, qardaş Azərbaycan xalqına firavan və dinc gələcək arzulayıb, ən səmimi diləklərini çatdırıb.</p>
]]><p>44 günlük Vətən müharibəsində qazanılan tarixi Zəfər Azərbaycan xalqının yaddaşında qəhrəmanlıq, birlik və fədakarlıq salnaməsi kimi yaşayır. Bu Zəfərin əldə olunmasında iştirak edən hər bir hərbçinin döyüş yolu, xatirələri və yaşantıları gələcək nəsillər üçün mühüm örnəkdir.</p>
<p>Bakı Xoreoqrafiya Akademiyasının İncəsənət fakültəsində Xalq çalğı alətləri ixtisası üzrə qarmon alətində təhsil alan Vətən müharibəsi iştirakçısı Bilal Qədirli AZƏRTAC-a açıqlamasında bildirib ki, 2019-cu ilin iyul ayında həqiqi hərbi xidmətə yollanaraq Azərbaycan Respublikası Silahlı Qüvvələrinin Quru Qoşunlarının N saylı hərbi hissəsində xidmətə başlayıb. Hərbi xidmət müddətində bilik və bacarıqlarını təkmilləşdirərək üzərinə düşən vəzifələri məsuliyyətlə yerinə yetirməyə çalışıb. Bilal Qədirli xatırladıb ki, 2020-ci il sentyabrın 26-dan 27-nə keçən gecə düşmənin atəşkəsi pozaraq növbəti təxribata əl atdığı məlum olub. Azərbaycan Ordusunun döyüş hazırlığı və ayıq-sayıqlığı nəticəsində təxribatın qarşısı alınıb, bundan sonra torpaqlarımızın işğaldan azad edilməsi uğrunda Vətən müharibəsi başlayıb. O bildirib: “Həmin günlər hər birimiz üçün həyatımızın ən məsuliyyətli və unudulmaz anları idi. Qarşımızda müqəddəs məqsəd dayanırdı: düşmənin işğalı altında olan torpaqlarımızı azad etmək, xalqımızın 30 illik həsrətinə son qoymaq və üçrəngli bayrağımızı doğma yurd yerlərimizdə dalğalandırmaq. Biz bu yolda bütün gücümüzü və iradəmizi səfərbər etmişdik”.</p>
<p>Müsahibimiz vurğulayıb ki, Zəfərə aparan yol heç də asan olmayıb. Vətənin hər qarışı uğrunda ağır və gərgin döyüşlər aparılıb. Döyüş meydanında qarşılaşdıqları yorğunluq, soyuq, fiziki və mənəvi çətinliklərə baxmayaraq, Vətən sevgisi, torpaqları azad görmək arzusu və qələbəyə inam onları mübarizəyə ruhlandırıb. “Döyüş meydanında hər bir əsgər və zabit bir yumruq kimi birləşmişdi. Orada şəxsi maraqlar deyil, yalnız bir amal və məqsəd – Vətən torpağının azadlığı var idi. Hər bir döyüşçü bu müqəddəs məqsədə çatmaq üçün öz canını, sağlamlığını və həyatını təhlükəyə atırdı. Hər azad edilən kənd, hər yüksəklik, torpağımızın hər qarışı bizə yeni güc və qələbəyə daha böyük inam verirdi”, – deyə o bildirib.</p>
<p>Bilal Qədirli qeyd edib ki, döyüşçülər hər zaman xalqın dəstəyini və dualarını hiss ediblər. Arxalarında bütöv bir xalqın dayandığını bilmək onlara əlavə güc verib. Nəhayət, Ali Baş Komandanın rəhbərliyi, Azərbaycan Ordusunun qəhrəmanlığı və xalqın birliyi nəticəsində tarixi Zəfər əldə olunub. Onun sözlərinə görə, 2020-ci il noyabrın 8-də Şuşanın azad edilməsi müharibənin taleyini müəyyənləşdirən ən mühüm hadisələrdən biri olub. Bu Qələbə xalqımıza böyük sevinc, qürur və fəxr hissi yaşadıb, 30 illik torpaq həsrətinə son qoyub. Vətən müharibəsi iştirakçısı hesab edir ki, bu gün əsas vəzifələrdən biri Zəfərin hansı çətinliklər, fədakarlıqlar və qəhrəmanlıqlar hesabına əldə edildiyini gələcək nəsillərə çatdırmaqdır. Gənclər Vətən torpaqlarının azadlığı uğrunda igid oğullarımızın canlarından keçdiyini, sağlamlıqlarını itirdiyini və böyük fədakarlıqlar göstərdiyini bilməlidirlər.</p>
<p>“8 Noyabr hər bir döyüşçünün yaddaşında silinməz izlər buraxan, ömrümüzün sonuna qədər qürurla xatırlayacağımız bir tarixdir. Bu gün yalnız hərbi qələbənin deyil, milli birliyimizin, xalqımızın sarsılmaz iradəsinin və Vətən sevgisinin təntənəsidir. 8 Noyabr əbədi qürur və şərəf günümüzdür”, – deyə Bilal Qədirli vurğulayıb. Qeyd edib ki, hərbi xidmətdən və Vətən müharibəsindən sonra təhsilini davam etdirmək, milli musiqi sənətimizi dərindən öyrənmək və gələcəkdə bu sahəyə töhfə vermək onun üçün xüsusi əhəmiyyət daşıyır.</p>
]]><p>Rusiyanın Oryol və Saratov vilayətlərində gecə saatlarında edilən hava hücumları nəticəsində sənaye və anbar obyektlərinə, eləcə də yaşayış binalarına ziyan dəyib.</p>
<p>AZƏRTAC xəbər verir ki, Oryol vilayətinin qubernatoru Andrey Klıçkovun məlumatına görə, gecə ərzində bölgə üzərində üç raket və iki dron məhv edilib.</p>
<p>O əlavə edib ki, hücum nəticəsində Oryol vilayətindəki ticarət müəssisələrinin anbarlarına və sənaye obyektlərinə, eləcə də bölgənin digər rayonlarında yerləşən üç fərdi evə qismən ziyan dəyib.</p>
<p>Baş verən yanğın söndürülüb. İlkin məlumatlara görə, itki yoxdur.</p>
<p>Saratov vilayətinin qubernatoru Roman Busarqin bildirib ki, bu vilayətdə dron hücumu nəticəsində bir neçə yaşayış binasına ziyan dəyib; itki yoxdur.</p>
<p>Zədələnmiş binaların sakinlərinə kömək göstərmək üçün Saratovdakı Zavodskoy rayonu administrasiyasında təcili yardım mərkəzi yaradılıb. Vətəndaş sorğuları üçün qaynar xətt də fəaliyyət göstərir.</p>
]]><p>Azərbaycanda noyabrın 8-də gözlənilən hava şəraiti açıqlanıb.</p>
<p>Milli Hidrometeorologiya Xidmətindən AZƏRTAC-a bildirilib ki, Bakıda və Abşeron yarımadasında arabir yağış yağacağı gözlənilir. Yarımadanın bəzi yerlərində intensiv olacağı ehtimalı var. Şimal-qərb küləyinin güclənəcəyi gözlənilir.</p>
<p>Havanın temperaturu gecə 7-12° isti, gündüz 12-14° isti olacaq. Atmosfer təzyiqi 756 mm civə sütunundan 763 mm civə sütununa yüksələcək. Nisbi rütubət 70-80 % təşkil edəcək.</p>
<p>Azərbaycanın rayonlarında bəzi yerlərdə arabir yağıntılı olacağı gözlənilir. Ayrı-ayrı yerlərdə intensiv xarakterli olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Bəzi yerlərdə arabir duman. Arabir güclənən qərb küləyi əsəcək.</p>
<p>Havanın temperaturu gecə 7-11° isti, gündüz 14-17° isti, dağlarda gecə 3° şaxtadan 2°-dək isti, gündüz 2-6° isti olacaq.</p>
]]><p>Tarixi dövrə nəzər salsaq görərik ki, Şərqdə ilk Demokratik Respublika olan Azərbaycan Xalq Cümhuriyyəti milli dövlətçilik ənənələrinin formalaşması baxımından, mühüm rol oynamış və müstəqil dövlətə xas olan atributlar təsis edilmişdir. 1918-ci il noyabrın 9-da isə Azərbaycan Xalq Cümhuriyyəti Nazirlər Şurasının Bakıda keçirilən iclasında üçrəngli Dövlət Bayrağımız qəbul edilmişdir. 1920-ci il aprelin 28-də Azərbaycan Xalq Cümhuriyyətinin süqut etməsi və Sovet hakimiyyətinin qurulması ilə üçrəngli bayrağımızın yüksəklikdə dalğalanmasına sədd qoyulsa da, bu, xalqın təfəkküründə dərin iz salmışdır. Azərbaycanın üçrəngli bayrağı milli şüurun oyanışı ilə yenidən xalqımızın milli müstəqilliyinin və iradəsinin ifadəsi kimi dalğalanmağa başladı. Ümummilli Lider Heydər Əliyevin uzaqgörən zəkası və əzmi ilə Naxçıvanda dalğalandırıldı. 1990-cı illərin çətin, ağır günlərində Ulu Öndər Heydər Əliyevin rəhbərliyi ilə Naxçıvanda mühüm dövlətçilik fəaliyyəti həyata keçirilərək, milli dövlətçilik ənənələrinin əsası qoyuldu. Azərbaycan Xalq Cümhuriyyətinin yadigarı olan həmin bayraq 1990-cı il noyabrın 17-də Naxçıvan Muxtar Respublikası Ali Məclisinin sədri, xalqımızın Ümummilli Lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı kimi təsdiq edilib. 1991-ci il fevralın 5-də Azərbaycan Respublikası Ali Soveti bu bayrağın yenidən Azərbaycanın Dövlət bayrağı kimi qəbul edilməsi haqqında qərar qəbul edib.</p>
<p>Ölkəmizdə qürurverici bir haldır ki, Dövlət Bayrağı Günü qeyd olunur. Ulu Öndər Heydər Əliyevin siyasi kursunu uğurla davam etdirən Azərbaycan Prezidenti İlham Əliyev dövlət rəmzlərinə böyük diqqət göstərir. Ən yüksək zirvələrdə dalğalanan üçrəngli bayrağımız Azərbaycan dövlətinin gücünü və xalqımızın milli birliyini nümayiş etdirir. Azərbaycan Prezidenti çıxışlarının birində "Bayrağımız qürur mənbəyimizdir. Bizim bayrağımız canımızdır, ürəyimizdir" - deyə bildirib. Azərbaycan Prezidenti İlham Əliyevin 17 noyabr 2009-cu il Sərəncamı ilə Dövlət Bayrağı Günü ölkəmizdə 9 noyabr tarixində qeyd olunmağa başladı. Ən yüksək zirvələrdə dalğalanan üçrəngli bayrağımız Azərbaycan dövlətinin gücünü və xalqımızın milli birliyini nümayiş etdirir. Bu gün Azərbaycan Ordusunun sahib olduğu güc də Onun bayrağımıza olan dərin məhəbbətindən və sədaqətindən qaynaqlanır. Azərbaycan əsgəri vətənimizin suverenliyinin və ərazi bütövlüyünün qorunması ilə bağlı şərəfli əsgəri vəzifəsini yerinə yetirməyə başlayarkən, müqəddəs bayrağımıza and içir. Vətən torpağının bütövlüyü uğrunda şəhidliyə hazır olan Azərbaycan əsgəri o bayrağa sarılaraq, şərəfli mübarizəyə qoşulub. Vətən torpaqlarının işğaldan azad olunması uğrunda övladını qurban vermiş valideynlər şəhid cənazəsinə bükülmüş müqəddəs bayraqla təskinlik tapırlar. "Bayraqları bayraq yapan üstündəki qandır, Torpaq, uğrunda ölən varsa, vətəndir". 44 günlük Vətən müharibəsində biz bunun bir daha şahidinə çevrildik. Bu gün işğaldan azad olunaən ərzilərimizdə üçrəngli bayrağımız məğrur-məğrur dalğalanır. Xalqın və dövlətin maraqlarına uyğun hərtərəfli müstəqil siyasət həyata keçirən, sürətli və davamlı inkişaf yolu ilə uğurla addımlayan suveren Azərbaycanın üzərində əzəmətlə dalğalanan üçrəngli bayrağımız hər bir vətəndaşımızın qəlbində qürur və fərəh hissi doğurur. Bayraq gününüz mübarək!</p>
<p> </p>
<p><strong>Natəvan Əsədova, Riyaziyyat üzrə fəlsəfə doktoru</strong></p>
]]><p>Azərbaycan Respublikasının Prezidenti İlham Əliyev və birinci xanım Mehriban Əliyeva noyabrın 6-da Zəngilan Şəhər Təhsil Kompleksinin açılışında iştirak ediblər.</p>
<p>AZƏRTAC xəbər verir ki, Azərbaycan Prezidentinin 2022-ci ildə imzaladığı müvafiq Sərəncama əsasən, Zəngilan şəhərində 960 şagird yerlik tam orta ümumtəhsil məktəb binasının layihələndirilməsi və tikintisinə başlanılıb. 2025-ci ildə layihədə konseptual dəyişiklik edilərək, təhsil müəssisəsi Zəngilan Şəhər Təhsil Kompleksi olaraq peşəyönümlü tədris müəssisəsi kimi yenidən layihələndirilib.</p>
<p>Kompleksdə məktəbəhazırlıq, biologiya, informatika, çağırışaqədərki hazırlıq, “STEAM-STARTERS”, “STEAM-SCIENCE LAB”, “STEAM CHALLENG” otaqları, robot zonaları, laboratoriyalar, dərzi, santexnika çilingəri və elektrik montyoru emalatxanaları yaradılıb. Burada, həmçinin kitabxana, idman və akt zalları, yeməkxana da müəllim-tələbə heyətinin ixtiyarına veriləcək.</p>
<p>Ümumi ərazisi 1,6 hektar olan kompleksin həyətində də geniş abadlıq işləri aparılıb, açıq idman meydançası və qaçış zolağı yaradılıb.</p>
<p>Qeyd edək ki, Prezident İlham Əliyevin rəhbərliyi ilə ölkəmizdə həyata keçirilən uğurlu təhsil siyasəti nəticəsində son illərdə yüzlərlə yeni məktəb binası tikilib, mövcud təhsil müəssisələri isə əsaslı təmir olunub. Bu siyasətin mühüm istiqamətlərindən biri də işğaldan azad olunmuş torpaqlarımızda “Böyük Qayıdış” Proqramı çərçivəsində hərtərəfli infrastrukturun yaradılmasıdır ki, təhsil müəssisələri də burada xüsusi yer tutur. Zəngilanda yeni təhsil kompleksinin istifadəyə verilməsi doğma torpaqlarına qayıdan ailələrin övladları üçün hər cür şəraitin yaradıldığının, onların keyfiyyətli təhsil almalarına göstərilən diqqət və qayğının əyani təzahürüdür. Müasir tədris imkanlarına malik bu kompleks gənc nəslin bilikli, savadlı yetişməsinə, onların peşə vərdişlərinin inkişafına mühüm töhfə verəcək.</p>
<p>X X X</p>
<p>Bu gün Zəngilan şəhərində 160 yerlik körpələr evi-uşaq bağçasının da açılışı olub.</p>
<p>Qeyd edək ki, körpələr evi-uşaq bağçası “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın icrası ilə bağlı inşa olunub.</p>
<p>Burada uşaqların təlim-tərbiyəsi ilə məşğul olmaq, onların asudə vaxtlarının səmərəli təşkili, həmçinin balacaların ilkin bacarıqlarının üzə çıxarılması üçün hərtərəfli şərait yaradılıb. Körpələr evi-uşaq bağçasında oyun, yataq, kompüter, tibb otaqları və idman zalı da var. Musiqi, rəqs və akt zalları da balacaların ixtiyarına veriləcək. Körpələr evi-uşaq bağçasının həyətində abadlıq işləri həyata keçirilib, balacaların açıq havada istirahəti üçün zəruri şərait yaradılıb.</p>
]]><p>Bakı Olimpiya Stadionu (BOS) su təchizatı sistemindən götürülmüş nümunələrin ayrı-ayrı laboratoriyalarda aparılan analizlərinin nəticələrini açıqlayıb.</p>
<p>AZƏRTAC-ın xəbərinə görə, BOS-un bununla bağlı yaydığı açıqlamada xatırladılıb ki, UEFA Çempionlar Liqası turnirinin Liqa mərhələsi çərçivəsində oktyabrın 20-də Bakı Olimpiya Stadionunda (BOS) keçirilmiş “Sabah” – “Borussiya Dortmund” (Almaniya) oyunundan sonra qonaq komandanın rəsmilərindən biri mətbuata verdiyi açıqlamada stadionun paltardəyişmə otaqlarında yerləşən duş kabinlərindən istifadə etmədiklərini, BOS-un su təchizatı sistemində “legionella” bakteriyasının ola biləcəyi ehtimalını səsləndirmişdi.</p>
<p>“Hər hansı mənbəyə və ya laborator analizin nəticələrinə istinad olunmadan belə əsassız fikirlərin bildirilməsi təəccüb və təəssüf hissi keçirməyimizə səbəb olmuş, öz növbəmizdə mətbuata açıqlama verərək səslənən iddiaların həqiqəti əks etdirmədiyini, BOS-un su təchizatı sisteminin müvafiq keyfiyyət standartlarına cavab verdiyini, bu məsələ ilə bağlı arenanın qüvvədə olan sertifikata malik olduğunu vurğulamışdıq. Eyni zamanda, cari mövsümdə UEFA Çempionlar Liqası turniri çərçivəsində Bakı Olimpiya Stadionunda məşqlər və oyunlar keçirmiş “Sabah” və “Slaviya Praqa” (Çexiya) komandaları tərəfindən bu məsələ ilə əlaqədar hər hansı iradla qarşılaşmadığımızı bildirmişdik.</p>
<p>Bakı Olimpiya Stadionunun su təchizatı sisteminin standartlara cavab verdiyini təsdiqləyən və hazırda qüvvədə olan laborator analiz nəticələrinə malik olmağımıza baxmayaraq, bu məsələdə ictimaiyyətin əminliyini bir qədər də möhkəmləndirmək məqsədilə BOS-dan yenidən götürülmüş su nümunələrinin ayrı-ayrı laboratoriyalarda analizi aparılıb və nəticələr daha əvvəl səsləndirdiyimiz fikirləri növbəti dəfə təsdiqləyib”, - deyə açıqlamada bildirilib.</p>
<p>Qeyd edilib ki, “MediClub” Tibb Klinikası və “Azərbaycan Dövlət Su Ehtiyatları Agentliyi”nin Mərkəzi Laboratoriyası tərəfindən aparılmış analizin nəticələri Bakı Olimpiya Stadionunun su təchizatı sistemində hər hansı problemin olmadığının növbəti sübutudur.</p>
<p>“Borussiya Dortmund” klubunun nümayəndəsi tərəfindən bu məsələ ilə əlaqədar səsləndirilmiş fikir əsassızdır, “Barselona” isə mövzu ilə bağlı narahat olmaya bilər”, - deyə BOS-un açıqlamasında qeyd edilib.</p>
]]><p>Noyabrın 6-da Milli Məclisin İqtisadi siyasət, sənaye və sahibkarlıq komitəsinin növbəti iclası keçirilib.</p>
<p>AZƏRTAC xəbər verir ki, komitə sədri Azər Əmiraslanov gündəliyə üç məsələnin daxil edildiyini bildirib. Komitə sədri dövlət büdcəsi zərfinə daxil olan qanun layihələri barədə danışıb. Deyib ki, büdcə zərfi iqtisadiyyatın inkişafını və iqtisadi fəallığın artırılmasını təmin edən mexanizmləri, stimullaşdırıcı tədbirləri, habelə vergi güzəştlərini özündə ehtiva edir.</p>
<p>Maliyyə Nazirliyi Aparat rəhbərinin müavini Asif Qasımov gündəliyin birinci məsələsi - Mülki Prosessual Məcəllədə, Miqrasiya Məcəlləsində, “Şəhid adının əbədiləşdirilməsi və şəhid ailələrinə edilən güzəştlər haqqında” Azərbaycan Respublikasının Qanununda, 1994-cü il 8 fevral tarixli 782 nömrəli Qanunu ilə təsdiq edilmiş “Azərbaycan Respublikasının Konsul Nizamnaməsi”ndə, “Pasportlar haqqında”, “Azərbaycan Respublikası vətəndaşının şəxsiyyət vəsiqəsi haqqında”, “İstehlakçıların hüquqlarının müdafiəsi haqqında”, “Müflisləşmə və iflas haqqında”, “Yol hərəkəti haqqında”, “Qaçqınların və məcburi köçkünlərin (ölkə daxilində köçürülmüş şəxslərin) statusu haqqında”, “Məcburi köçkünlərin və onlara bərabər tutulan şəxslərin sosial müdafiəsi haqqında”, “Valideyn himayəsindən məhrum olmuş uşaqların sosial müdafiəsi haqqında”, “Notariat haqqında”, “Dövlət rüsumu haqqında”, “İcra haqqında”, “Hüquqi şəxslərin dövlət qeydiyyatı və dövlət reyestri haqqında”, “Daşınmaz əmlakın dövlət reyestri haqqında”, “Baytarlıq haqqında”, “Fitosanitar nəzarəti haqqında” və “Torpaqların dövlət ehtiyacları üçün alınması haqqında” qanunlarda dəyişiklik edilməsi barədə qanun layihəsini birinci oxunuşda təqdim edib.</p>
<p>Qeyd edilib ki, qanun layihəsində edilən dəyişikliklər dövlət rüsumlarının tətbiqi ilə bağlı qanunvericilikdə mövcud olan pərakəndəliyin aradan qaldırılması, hüquqi normaların vahid yanaşma əsasında tənzimlənməsi və hüquq tətbiqi praktikasında yaranan çətinliklərin aradan qaldırılmasını nəzərdə tutur. Bu məqsədlə dövlət rüsumundan azadolma və güzəştlərlə bağlı müddəaların vahid qanunda cəmləşdirilməsi, digər normativ hüquqi aktlarda təkrarlanan və ya fərqli yanaşmalara səbəb olan normaların uyğunlaşdırılması təklif edilir. Eyni zamanda, artıq və ya düzgün tutulmamış dövlət rüsumlarının elektron informasiya sistemi vasitəsilə geri qaytarılması mexanizminin qanunvericiliklə tənzimlənməsi, habelə baytarlıq sahəsində göstərilən xidmətlər üzrə dövlət rüsumlarının tətbiqinə yenidən baxılması nəzərdə tutulur.</p>
<p>Sonra Dövlət Vergi Xidmətinin rəisi Orxan Nəzərli gündəliyin növbəti məsələsi – Meşə, Cinayət, Vergi, İnzibati Xətalar məcəllələrində, “Yerin təki haqqında”, “Tullantılar haqqında”, “Heyvanlar aləmi haqqında”, “Ətraf mühitin mühafizəsi haqqında”, “Tibbi sığorta haqqında”, “Avtomobil yolları haqqında”, “Xüsusi mühafizə olunan təbiət əraziləri və obyektləri haqqında”, “Büdcə sistemi haqqında”, “Dövlət borcu haqqında”, “Gömrük tarifi haqqında”, “Yaşıllıqların mühafizəsi haqqında”, “Nağdsız hesablaşmalar haqqında”, “Hesablama Palatası haqqında”, “Dövlət satınalmaları haqqında” və “Balıqçılıq haqqında” qanunlarda dəyişiklik edilməsi barədə qanun layihəsini birinci oxunuşda təqdim edib.</p>
<p>O, Vergi Məcəlləsinə təklif olunan dəyişikliklərin vergi inzibatçılığının təkmilləşdirilməsi, biznes və investisiya mühitinin yaxşılaşdırılması, sahibkarlığın stimullaşdırılması, vergitutma bazasının genişləndirilməsi və fiskal dayanıqlılığın təmin edilməsinə yönəldiyini bildirib. Qeyd olunub ki, dəyişikliklər sahibkarlarla aparılan müzakirələr və onların təklifləri nəzərə alınmaqla hazırlanıb. Yeni yanaşmaların sahibkarların maliyyə və inzibati yükünün azaldılmasına, vergi nəzarətinin gücləndirilməsinə və iqtisadi fəallığın artırılmasına xidmət edəcəyi vurğulanıb.</p>
<p>Dövlət Vergi Xidmətinin Vergi siyasəti baş idarəsinin rəisi Nicat İmanov qanun layihəsinin slaydlarla müşayiət olunan təqdimatında 2027-ci ilin büdcə-vergi siyasəti çərçivəsində vergi qanunvericiliyinə təklif olunan dəyişikliklərin əsas istiqamətləri, müxtəlif iqtisadi sahələr üzrə vergi güzəştləri, sahibkarlığın və investisiyaların təşviqi, vergitutma bazasının genişləndirilməsi, vergi nəzarətinin gücləndirilməsi və vergi inzibatçılığının təkmilləşdirilməsi barədə ətraflı məlumat verib.</p>
<p>Hesablama Palatasının Hüquqi təminat və keyfiyyətə nəzarət şöbəsinin müdiri Nuranə Səfərova və Dövlət Gömrük Komitəsinin Daxilolmalara Nəzarət Baş İdarəsinin rəisi Faiq Orucov da qanun layihəsinin aidiyyəti istiqamətləri üzrə çıxış ediblər.</p>
<p>Gündəliyin sonuncu məsələsi - Əmək, Mülki Prosessual, Ailə, Mülki, Seçki, Rəqabət məcəllələrində, “Hərbi qulluqçuların statusu haqqında”, “Azərbaycan Respublikasında vətəndaşların pul gəlirlərinin və əmanətlərinin indeksləşdirilməsi haqqında”, “Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında”, “Həmkarlar ittifaqları haqqında”, “Sosial sığorta haqqında”, “Əhalinin sağlamlığının qorunması haqqında”, “Hərbi xidmətkeçmə haqqında” Əsasnamənin təsdiq edilməsi barədə”, “Gömrük orqanlarında xidmət haqqında” Əsasnamənin təsdiq edilməsi barədə”, “Dövlət vergi orqanlarında xidmət haqqında Əsasnamənin təsdiq edilməsi barədə”, “Azərbaycan Respublikasının daxili işlər orqanlarında xidmət keçmə haqqında Əsasnamənin təsdiq edilməsi barədə”, “Yaşayış minimumu haqqında”, “Sosial müavinətlər haqqında”, “Təhsil haqqında”, “Hərbi vəzifə və hərbi xidmət haqqında”, “Məktəbəqədər təhsil haqqında”, “İşsizlikdən sığorta haqqında”, “Ümumi təhsil haqqında”, “Siyasi partiyalar haqqında”, “Diplomatik xidmət haqqında” və “Xüsusi icra məmurları haqqında” Azərbaycan Respublikasının qanunlarında dəyişiklik edilməsi barədə qanun layihəsinə (birinci oxunuş) haqqında Dövlət Əmək Müfəttişliyi Xidmətinin rəisi Vəli Quliyev məlumat verib. O, qanun layihəsində əmək münasibətlərinin tənzimlənməsinin təkmilləşdirilməsi məqsədilə dəyişikliklərin nəzərdə tutulduğunu söyləyib.</p>
<p>İclasda komitənin sədri Azər Əmiraslanov, komitənin sədr müavini Azər Badamov, üzvləri Ziyad Səmədzadə, Əli Məsimli, Tahir Mirkişili, Aydın Hüseynov, Vüqar Bayramov, Əlibala Məhərrəmzadə çıxış edərək təklif olunan dəyişikliklərlə bağlı fikirlərini bildiriblər, qeydlərini və suallarını səsləndiriblər.</p>
<p>Maliyyə Nazirliyi Aparat rəhbərinin müavini Asif Qasımov, Dövlət Vergi Xidmətinin rəisi Orxan Nəzərli, Vergi siyasəti baş idarəsinin rəisi Nicat İmanov qaldırılan məsələlərə aydınlıq gətiriblər.</p>
<p>İclasda qanun layihələri birinci oxunuşda Milli Məclisin plenar iclasına tövsiyə olunub.</p>
]]><p>Bakı Şəhəri üzrə Təhsil İdarəsinin (BŞTİ) tabeliyindəki təhsil müəssisələrində 8 Noyabr – Zəfər Gününün altıncı ildönümü ilə əlaqədar silsilə tədbirlər keçirilib.</p>
<p>Bu barədə AZƏRTAC-a BŞTİ-dən bildirilib.</p>
<p>Tədbirlər çərçivəsində Zəfər Gününə həsr olunmuş xüsusi dərslər, forum, konfrans, simpozium, dəyirmi masa və seminarlar təşkil edilib, şagirdlərin Zəfər Muzeyinə ekskursiyaları reallaşdırılıb, müxtəlif müsabiqə, sərgi və festivallar keçirilib. Həmçinin idman yarışları, yeniyetmə və gənclər arasında vətənpərvərlik mövzusunda tədbirlər təşkil olunub, konsert və tamaşalar nümayiş etdirilib.</p>
<p>Tədbirlərdə BŞTİ-nin, rayon icra hakimiyyətlərinin, müxtəlif idarə və təşkilatların nümayəndələri, şəhid ailələri, qazilər, təhsil müəssisələrinin pedaqoji kollektivləri, şagirdlər və valideynlər iştirak ediblər. Tədbirlər ölkəmizin ərazi bütövlüyü və suverenliyi uğrunda canlarından keçmiş şəhidlərimizin xatirəsinin yad edilməsi ilə başlayıb. Məktəblilərə Vətən müharibəsində əldə olunan tarixi Qələbənin əhəmiyyəti barədə ətraflı məlumat verilib, Zəfər Gününə aparan tarixi yol, Ali Baş Komandan İlham Əliyevin qətiyyəti, Azərbaycan Ordusunun qəhrəmanlığı, hərbçilərimizin şücaəti və xalqımızın birliyi xüsusi vurğulanıb. Gənc nəslə Vətənə sevgi, milli-mənəvi dəyərlərə bağlılıq, tariximizə hörmət və dövlətçilik ənənələrinə sədaqət kimi mühüm keyfiyyətlərin aşılanmasının əhəmiyyəti diqqətə çatdırılıb. Tədbirlərin keçirilməsində əsas məqsəd Zəfər tarixinin təhsilalanlar arasında təbliği, gənc nəslin vətənpərvərlik ruhunda tərbiyəsi, Vətən müharibəsinin tarixi əhəmiyyətinin və qazanılmış Zəfərin yaddaşlarda yaşadılmasından ibarətdir.</p>
]]><p>2020-ci il sentyabrın 27-də başlayan Vətən müharibəsi Azərbaycan xalqının birliyini, Ordumuzun gücünü və əsgər-zabitlərimizin misilsiz qəhrəmanlığını bütün dünyaya nümayiş etdirdi. 44 gün davam edən müharibədə Vətənimizin ərazi bütövlüyü uğrunda canından keçərək adını tariximizə yazan igidlərimizdən biri də Vətən Müharibəsi Qəhrəmanı, şəhid polkovnik-leytenant Anar Əliyevdir. Döyüşlərdə göstərdiyi şücaət, peşəkar hərbçi və cəsur komandir kimi fəaliyyəti ilə seçilən Anar Əliyev qəhrəmanlığı ilə xalqımızın yaddaşında əbədi yer tutub.</p>
<p>Vətən Müharibəsi Qəhrəmanı Anar Əliyevin qızı, Bakı Dövlət Univesitetinin Tarix fakültəsinin II kurs tələbəsi Nigar Əliyeva AZƏRTAC-a müsahibəsində atasının döyüş yolundan, Vətənə və doğma Kəlbəcərə bağlılığından, eləcə də onunla bağlı unudulmaz xatirələrindən danışıb. O, atasının ailədə qayğıkeş, mehriban insan, hər kəsin güvən yeri olduğunu bildirib.</p>
<p>N.Əliyeva atasının hərbçi kimi də peşəkarlığı və cəsarəti ilə seçildiyini, daim ön sıralarda olan komandir olduğunu vurğulayıb. Onun sözlərinə görə, əslən Kəlbəcərdən olan atasının ən böyük arzularından biri doğma torpağına Azərbaycan bayrağını sancmaq idi: “Vətən anlayışı onun üçün, bəlkə də, ilk növbədə Kəlbəcər demək idi. Atam Kəlbəcər azad olunduqdan sonra bizimlə birlikdə doğma yurduna gedəcəyini, oranın hər qarışını ailəsi ilə birgə gəzəcəyini düşünürdü. Təəssüf ki, bu, ona qismət olmadı. Ancaq arzusu gerçəkləşdi, onun adına Kəlbəcərə bayraq sancıldı və bu gün həmin torpaqlarımız azaddır. Mən Qarabağa dəfələrlə səfər etmişəm. Hər dəfə oraya gedəndə elə hiss edirəm ki, atam yanımdadır”.</p>
<p>O, atasının Kəlbəcərlə bağlı xatirələrini ailəsi ilə tez-tez bölüşdüyünü, doğma yurdlarındakı evlərindən və orada keçirdiyi günlərdən böyük sevgi ilə danışdığını xatırlayıb. Sonradan ailə üzvləri də həmin yerlərə səfər edib, ata evlərini görüblər. Hazırda isə evdən yalnız daşlar qalıb. Atası ilə son görüşünü xatırlayan Nigar Əliyeva bildirib ki, 2020-ci il oktyabrın 11-də Anar Əliyev müharibəyə yollanıb. Həmin gün günorta saatlarında evə gələrək bəzi əşyalarını götürüb tələsik getdiyini deyən müsahibimiz atasının döyüşlərə qatılacağını ailəsinə bildirmədiyini söyləyib: “Həmin an bunun son görüşümüz olduğunu bilmirdim. Bu, ömrümün ən ağır xatirələrindən biridir”.</p>
<p>O, müharibə zamanı atası ilə cəmi bir dəfə telefonla danışa bildiyini, həmin söhbətdə onun səsinin yorğun gəldiyini, döyüşlərin gərginliyinin hiss olunduğunu qeyd edib.</p>
<p>N.Əliyeva atasının Xocavənd rayonunun Tuğ kəndi istiqamətində gedən döyüşlərdə şəhid olduğunu bildirib.</p>
<p>Müsahibimiz atasının şəhid olması xəbərini necə öyrəndiklərini də kövrək xatirələrlə bölüşüb. O, bu xəbəri qəbul etməyin çox çətin olduğunu, təxminən bir il ərzində atasının şəhid olması ilə barışa bilmədiyini söyləyib. Həmin dövrün həm özü, həm anası, həm də qardaşı üçün son dərəcə ağır keçdiyini vurğulayıb. Anasının kədərini və qardaşının keçirdiyi sarsıntıları görməyin ona da ağır təsir etdiyini bildirib.</p>
<p>Xidməti dövründə Anar Əliyevin göstərdiyi rəşadəti və qarşıya qoyulmuş döyüş tapşırığını yerinə yetirdiyində qəhrəmanlığı Prezident, Ali Baş Komandan İlham Əliyev tərəfindən yüksək qiymətləndirilib. Dövlət başçısının müvafiq sərəncamları ilə polkovnik-leytenant ölümündən sonra ən yüksək fəxri ad - “Vətən Müharibəsi Qəhrəmanı” adına və bir neçə döyüş medalına, o cümlədən “Vətən uğrunda” və “Şuşanın işğaldan azad edilməsi” medallarına layiq görülüb.</p>
<p>N.Əliyeva bu yüksək mükafatın atasının qəhrəmanlığına və hərbi peşəkarlığına verilən layiqli qiymət olduğunu bildirib: “Atamın adı hər zaman yoluma işıq salır. Getdiyim hər yerdə Anar Əliyevin qızı olduğumu söyləmək mənim üçün böyük qürurdur. Onun adını hər zaman özümlə yaşatmaq mənə güc verir. Atamın yoxluğu ilə bağlı kədərim böyükdür, amma onun qızı olmağımdan duyduğum qürur da bir o qədər böyükdür”.</p>
]]><p>Böyük Britaniyanın Avropa İttifaqı (Aİ) ilə daha sıx iqtisadi əlaqələr qurması ölkədə iqtisadi artımı sürətləndirə bilər.</p>
<p>AZƏRTAC xəbər verir ki, bunu İngiltərə Bankının rəhbəri Endryu Beyli BBC-yə müsahibəsində bildirib. Onun sözlərinə görə, Britaniyanın ən yaxın ticarət tərəfdaşları ilə mal və xidmət mübadiləsinin asanlaşdırılması iqtisadiyyat üçün müsbət nəticələr verə bilər.</p>
<p>Beylinin açıqlaması Baş nazir Endi Börnhemin Avropa İttifaqı ilə münasibətlərə yenidən baxılması təşəbbüsü fonunda səsləndirilib. Baş nazir Aİ ilə daha yaxın əməkdaşlıqdan tutmuş ölkənin yenidən ittifaqa üzv olmasına qədər müxtəlif variantların nəzərdən keçirilməsini təklif edib.</p>
<p>İngiltərə Bankının rəhbəri vurğulayıb ki, dövlət rəsmisi kimi uzun illərdir “Brexit” məsələsində siyasi mövqe bildirməkdən çəkinir. Bununla belə, o, Avropa ölkələri ilə ticarət maneələrinin azaldılmasının iqtisadi artıma müsbət təsir göstərə biləcəyini qeyd edib.</p>
<p>Açıqlama İngiltərə Bankının üç ildən artıq müddətdə ilk dəfə uçot dərəcəsini artırmasından sonra verilib. Bank inflyasiyanın yüksəlməsinin qarşısını almaq məqsədilə faiz dərəcələrini artırıb. Beyli xəbərdarlıq edib ki, İranda müharibənin davam etməsi əlavə faiz artımlarını zəruri edə bilər. Maliyyə naziri Con Hili isə münaqişənin Britaniya ailələrinin maliyyə vəziyyətinə ciddi təsir göstərdiyini bildirib.</p>
]]><p>Vişeqrad Dördlüyünün (V4) dövlət başçıları Slovakiyanın Trençin şəhərində keçirilən sammitdə Avropa İttifaqının (Aİ) genişlənməsinə dəstək verib, lakin Ukraynadakı müharibə ilə bağlı fikir ayrılıqlarını gizlətməyiblər.</p>
<p>AZƏRTAC xəbər verir ki, Macarıstan, Slovakiya, Çexiya və Polşanın liderlərinin iştirakı ilə təşkilatın yaradılmasının 35 illiyinə həsr olunan görüşdə Avropa Komissiyasının Prezidenti Ursula Fon der Layen də iştirak edib. Müzakirələrdə Avropa İttifaqının genişlənməsi, Avropanın təhlükəsizliyi, Ukrayna və enerji qiymətləri mövzuları əhatə olunub.</p>
<p>Macarıstan Prezidenti Andraş Baka genişlənmənin dörd ölkənin maraqlarına uyğun olduğunu bildirib, lakin qəbulun bütün namizədlər üçün eyni meyarlar əsasında, layiqliliyə görə aparılmasının vacibliyini vurğulayıb.</p>
<p>Slovakiya Prezidenti Peter Pellegrini Monteneqronu ən hazır namizəd adlandırıb və ölkənin 2028-ci ildə üzv ola biləcəyini bildirib.</p>
<p>Çexiya prezidenti Petr Pavel Rusiyaya qarşı sanksiyaların saxlanılmasını istəyib, Pellegrini isə diplomatik həll çağırışı edib.</p>
<p>Liderlər qış ərzində Ukrayna əhalisinə texniki avadanlıq və sığınacaqların tikintisi ilə dəstək verəcəklərini razılaşdırıblar.</p>
<p>Polşa Prezidenti Karol Navrotski isə Avropa İttifaqının qərarlarında V4-ün təsirinin daha da artırılmasını təklif edib.</p>
]]><p> Sosial layihə təbiətə sevgi, inklüzivlik və birlik duyğularını özündə birləşdirib. Festivalın təşkilində əsas məqsəd, ekoloji fəaliyyət, gənclərin cəmiyyətə inteqrasiyasına dəstək olmaq, onların istedadlarını üzə çıxarmaqdı.Tədbirin ən maraqlı və yaddaqalan mərhələlərindən biri yeniyetmələrin quş evcikləri və heyvanlar üçün sığınacaqlar hazırlaması olub. Onlar evcikləri rəngləyərək Mərkəzi Nəbatat Bağına hədiyyə ediblər. Bu təşəbbüs uşaqlarda heyvanlara və quşlara qayğı, təbiətə sevgi, əməyə hörmət kimi dəyərlərin formalaşmasına xidmət edib.Festivalın digər maraqlı və xüsusi diqqət çəkən proqramlarından biri isə yoqa təlimi olub. Yoqaçı Rinat Alimov Daun sindromlu yeniyetmələr üçün bir saatlıq xüsusi təlim keçib. Meditasiya musiqisinin müşayiəti ilə baş tutan yoqa iştirakçıların maraq və sevincinə səbəb olub. Bu proqram festivalın yalnız ekoloji deyil, həm də fiziki və emosional rifahı dəstəkləyən sosial layihə olduğunu nümayiş etdirib.Tədbirin Bakı Şəhər İcra hakimiyyətinin dəstəyi ilə Mərkəzi Nəbatat Bağında təşkil olunması festivalın ideyası ilə uyğunluq təşkil edib. Payızın rəngləri, təbiətin füsunkar mənzərəsi və açıq havanın yaratdığı xoş atmosfer tədbirin ümumi ruhunu daha da zənginləşdirib. Festivalda yaradıcılıq qabiliyyəti və xüsusi istedadı olan yeniyetmələr üçün şərait yaradılıb. Onların rəsm sərgisi ilə yanaşı, musiqi, rəqs və digər yaradıcı çıxışları tədbirin ən yaddaqalan məqamlarından olub. Gənclərin özünəməxsus enerjiləri və sevinc dolu anları iştirakçılara xoş ovqat bəxş edib.Tədbirdə rəsmi qonaqlar da iştirak edib. Milli Məclisin deputatı Ceyhun Məmmədov çıxış edərək, belə sosial layihələrin gerçəkləşməsini yüksək qiymətləndirdiyini bildirib. Bunun yeniyetmələrin inkişafında mühüm rol oynadığına diqqət çəkib. Təşkilatçılara fəaliyyətlərində uğurlar arzulayıb. “Əlil Qadınlar Cəmiyyəti” İctimai Birliyinin rəhbəri Məhluqə Rəhimova çıxışında vurğulayıb ki, sosial məsuliyyət yalnız maddi dəstəklə məhdudlaşmır. Bəzən bir uşağın sevincinə şərik olmaq, onun bacarığına inanmaq, cəmiyyətə inteqrasiyasına şərait yaratmaq ən böyük dəstəkdir. Əməkdar jurnalist, media eksperti Mətanət Ağamirli “Təbiətin Dostları Festivalı”nın əhəmiyyətindən danışıb. Layihədə yaxından iştirak edən valideynlərə və yeniyetmələrə uğurlar arzulayıb. Həssas qrupdan olan istedadlı gənclərin ekoloji fəaliyyətlərə cəlb olunmasını yüksək dəyərləndirib. Daxili İşlər Nazirliyinin sabiq inspektoru Kəmalə Ələkbərova çıxış edib. O, xüsusi qayğıya ehtiyacı olan yeniyetmələrin cəmiyyətə inteqrasiyasında, onların sosial fəallığının artırılmasında və bərabər imkanlarla təmin olunmasında belə festivalların mühüm rol oynadığını vurğulayıb.Sonra çıxış üçün “Təbiətin Dostları Festivalı”nın layihə rəhbəri, “Nurlu Sabah” Gənclərə Qayğı İctimai Birliyi ilə “Bu gün tv Media Qurumu”nun təsisçisi, Əməkdar jurnalist Elnarə Dərziyeva səhnəyə dəvət olunub. O, qonaqlara təşəkkürünü bildirdikdən sonra festivalın əsas tərəfdaşlarından olan UAFA Uşaqlara Dəstək təşkilatının Valideyn Birliyinin rəhbəri dəyərli Zəhra Xələfovaya tədbirin təşkilindəki roluna görə minnətdarlığını bildirib. E.Dərziyeva festivalın gənc iştirakçılarının və valideynlərinin əməyini yüksək qiymətləndirirərək, başda Z.Xələfova olmaqla təşkilat adından hazırlanan sertifikatları onlara təqdim edib.</p>
<p>Sonra layihənin reallaşmasında tərəfdaş və dəstəkçilərin rolu qeyd olunub. Elnarə Dərziyeva festivalın əsas sponsorunun “Ziraat Bank Azərbaycan” olduğunu xüsusi vurğulayıb. Sözügedən şirkətin “Təbiətin Dostları Festivalı”na nümunəvi tərəfdaşlıq nümayiş etdirdiyini bildirib. “Onların bu təşəbbüsə verdiyi dəstək yalnız maliyyə dəstəyi deyil, həm də uşaqların sevincinə, təbiətin qorunmasına və daha həssas, daha qayğıkeş cəmiyyət quruculuğuna verilən dəyərli töhfədir” – deyə, E.Dərziyeva əlavə edib. Sonra “Ziraat Bank Azərbaycan”ın Marketinq və Kommunikasiya Departamentinin direktoru Aynur Mirzəyeva səhnəyə dəvət olunub. O, çıxış edərək, belə bir sosial layihədə tərəfdaş olmaqdan məmnunluqlarını ifa edib. “Ziraat Bank Azərbaycan” olaraq, cəmiyyətin rifahına, ekoloji düşüncənin formalaşmasına və həssas qruplardan olan uşaqların, yeniyetmə və gənclərin sosial həyatında fəal iştirakına töhfə verməyin korporativ sosial məsuliyyətdən doğduğunu vurğulayıb. Sonra “Nurlu Sabah” Gənclərə Qayğı İctimai Birliyi və “Bu gün TV Media Qurumu” adından hazırlanan təşəkkürnamə A.Mirzəyevaya təqdim olunub. Dadlı təamları ilə “Təbiətin Dostları Festivalı”na dəstək göstərən “Hacıbəy” restoranının rəhbər heyəti də tədbirdə iştirak edib. Restoranın rəhbəri Qumru Məmmədova və Fateh Əsmərə çıxış üçün söz verilib. Onlara festivala hər zaman tərəfdaş olacaqlarını xüsusi vurğulayıblar. Sonra hər iki şəxsə təşəkkürnamə təqdim olunub.Festivala dəstək göstərən hər zövqə uyğun hədiyyə seçimləri ilə tanınan “Alo hədiyyələr” şirkətinin rəhbəri Rəvan Müşrəfanova və tədbir iştirakçılarına təqdim etdikləri hədiyyələrə görə, “İlğım” MMC-nin kollektivinə minnətdarlıq bildirilib, təşəkkürnamə verilib. Layihə çərçivəsində quş evciklərinin və heyvan sığınacaqlarının hazırlanmasında dəstək göstərən “Qardaşlar” mebel şirkətinə və “Ekosan” boya satışı mağazasına minnətdarlıq bildirilib.</p>
<p>Qeyd edək ki, “AzTekstil” şirkətinin festivala göstərdiyi diqqət və dəstək də bu gözəl təşəbbüsün həyata keçirilməsinə töhfə verib. Geyimlərin hazırlanmasında kömək olan şirkət təşkilat tərəfindən təşəkkürnaməyə layiq görülüb.Sonra festivalın aparıcısı, “Bakısella” şirkətinin direktoru Fidan Orucəliyevaya söz verilib. O, belə bir sosial layihənin aparıcısı olmaqdan məmnunluğunu bildirib. Tədbirdə iştirak edən valideynlərə, gənclərə, layihə rəhbəri Elnarə Dərziyevaya uğurlar arzulayıb. Daha sonra yeni yaratdıqları və rəhbəri olduğu “Bakısella” şirkətinin fəaliyyəti haqqında ümumi məlumat verib. Fidan Orucəliyevanın tədbirdə iştirakı yüksək qiymətləndirilib. O, təşkilat tərəfindən təşəkkürnamə və sertifikatla mükafatlandırılıb. “Təbiətin Dostları Festivalı”na dəstək göstərən digər özəl qurum və təşkilatlar – Hindistan Respublikasının Azərbaycandakı səfirliyinə, yoqa təlimçisi İlhamə Şirinovaya, maraqlı təlimi ilə festivala rəng qatan yoqaçı Rinat Alimova, Əlil Qadınlar Cəmiyyəti və Əlillərin Beynəlxalq Əməkdaşlığı Uğrunda İctimai Birliyinə, “Günəş” reklam şirkətinə, “Snerjipro” və “Amper” MMC-yə, göstərdikləri dəstəyə görə minnətdarlıq bildirilib.Gənclərin inkişafı, sağlam həyat tərzinin təşviqi və sosial təşəbbüslərin dəstəklənməsi dövlətimizin prioritet istiqamətlərindəndir. Bu istiqamətdə həyata keçirilən layihələrdə Gənclər və İdman Nazirliyinin dəstəyi xüsusi əhəmiyyət daşıyır. Təbiətin qorunması, ekoloji maarifləndirmə və inklüziv iştirakçılıq ideyalarını birləşdirən festivalımıza tərəfdaş olduğuna görə, Gənclər və İdman Nazirliyinə minnətdarlıq bildirilib. Nazirliyin Gənclərlə iş şöbəsinin aparıcı məsləhətçisi Zeynəddin Azaqova festivalın təşkilatçıları adından təşəkkürnamə təqdim olunub.Sonra Mərkəzi Nəbatat Bağının direktor müavini Gülşən Cəfərova çıxış edərək, bu gündən etibarən təbiətin dostları elan olunan 40 nəfərlik iştirakçı heyəti – Daun sindromlu yeniyetmələrlə valideynləri təbrik edib. Təşkilatçılara uğurlar arzulayıbSonra Mərkəzi Nəbatat Bağının rəhbərliyi festivalda aktivlik nümayiş etdirən gəncləri də diqqətdə saxlayıb. Onlara hədiyyələr təqdim edib. Layihənin rəhbəri Elnarə Dərziyeva tədbirin keçirilməsi üçün yaratdıqları şəraitə, eyni zamanda, iştirakçıların aktivliyinə və təşkilatçıların əməyinə verilən yüksək qiymətə görə, Gülşən Cəfərovaya və kollektivin digər üzvlərinə dərin minnətdarlığını bildirib. Mərkəzi Nəbatat Bağına təşəkkürnamə təqdim edib.Tədbirin ərsəyə gəlməsində yaxından iştirak edən könüllülər də diqqətdən kənarda qalmayıb. Onlar da təbiətin qorunmasında, mühafizəsində göstərdikləri aktiv iştiraka görə, sertifikatla təltif olunublar. Eyni zamanda, gəncləri şən mahnılarıyla təbrikə gələn, tədbirin nəğməli qonaqları – müğənni Aynur Qarabağlı ilə saz ifaçısı Orxan Cəfərov da könüllü dəstəyə görə mükafatlandırıblar. Tədbirin təşkilatçısı Elnarə Dərziyeva layihə haqqında ümumi məlumat verib. O, bildirib ki, “Təbiətin Dostları Festivalı” 4 fəsli əhatə edən, təbiəti və sosial məsuliyyəti bir araya gətirən silsilə layihədir. Festivalın hər mərhələsində fərqli sosial qruplardan olan uşaqların, yeniyetmə və gənclərin iştirakı nəzərdə tutulur. Layihənin növbəti mərhələsinin qış fəslində, fevral ayında keçirilməsi planlaşdırılır.““Təbiətin Dostları Festivalı” bir daha göstərdi ki, təbiəti qorumaq üçün hər kəsin edə biləcəyi bir yaxşılıq var. Bir quş evciyi hazırlamaq, bir heyvana sığınacaq yaratmaq, bir uşağın, gəncin sevincinə səbəb olmaq və ona özünü dəyərli hiss etdirmək – bütün bunlar daha gözəl dünyanın qurulmasına atılan addımlardır. Çünki təbiətə sevgi, mərhəmət və insanlıq bir araya gələndə daha sağlam, daha qayğıkeş və daha inklüziv cəmiyyət formalaşır. Şüarımızda da qeyd olunduğu kimi, “Yaşıl dünya, sağlam gələcək naminə”, gəlin, əlimizdən gələni əsirgəməyək” – deyə, E.Dərziyeva tədbiri bu fikirlərlə yekunlaşdırıb.</p>
]]><p>Türkiyə Böyük Millət Məclisi (TBMM) Pakistan və Səudiyyə Ərəbistanı ilə imzalanmış Məkkə Birgə Müdafiə Sazişinin təsdiq edilməsinə dair qanun layihəsini qəbul edib.</p>
<p>AZƏRTAC xəbər verir ki, 16 maddədən ibarət saziş üç ölkə arasında kollektiv müdafiə mexanizmlərinin yaradılmasını, hərbi əməkdaşlığın dərinləşdirilməsini, kəşfiyyat məlumatlarının mübadiləsini və müdafiə sənayesi sahəsində birgə proqramların həyata keçirilməsini nəzərdə tutur.</p>
<p>Sənəd 2026-cı il avqustun 7-də Məkkədə Türkiyə Prezidenti Rəcəb Tayyib Ərdoğan, Səudiyyə Ərəbistanının vəliəhdi Məhəmməd bin Salman və Pakistanın Baş naziri Şahbaz Şərif tərəfindən imzalanıb.</p>
<p>Sazişin şərtlərinə əsasən, tərəflər sənəd qüvvəyə mindikdən sonra ilk 10 il ərzində ondan çıxa bilməzlər. Bu müddət başa çatdıqdan sonra isə tərəflərdən hər biri ən azı üç ay əvvəlcədən yazılı bildiriş verməklə sazişdən çıxa bilər.</p>
<p>Saziş oktyabrın 21-də TBMM-yə təqdim edilib, oktyabrın 27-də isə parlamentin Xarici Əlaqələr Komitəsi tərəfindən təsdiqlənərək plenar iclasın gündəliyinə daxil edilib.</p>
]]><p>Kanal20tv.az xəbər verir ki, bu fikirləri Milli Məclisin deputatı Samir Vəliyev deyib.</p>
<p>Onun sözlərinə görə, 2020-ci il noyabrın 8-də xalqımızın tarixinə ən parlaq və möhtəşəm qələbələrdən biri yazıldı. Azərbaycan hərbçiləri dağlar qoynunda yerləşən Şuşa şəhərini erməni işğalçılarından azad etdi. Prezident İlham Əliyevin Sərəncamı ilə həmin tarixi hadisənin baş verdiyi gün - noyabrın 8-i Zəfər Günü elan edildi. 2021-ci il yanvarın 14-də isə dövlət başçısı, Müzəffər Ali Baş Komandan İlham Əliyev Şuşa şəhərində Azərbaycanın üçrəngli Dövlət Bayrağını ucaltdı. Prezident, Müzəffər Ali Baş Komandan İlham Əliyev Şuşanın azad edilməsinin və 8 noyabrın tarixi əhəmiyyətini belə səciyyələndirirdi: “Şuşa indi azaddır! Biz Şuşaya qayıtmışıq! Biz bu tarixi Qələbəni döyüş meydanında qazandıq. 2020-ci il noyabrın 8-i Azərbaycan tarixində əbədi qalacaqdır. Bu tarix əbədi yaşayacaq. Bu, bizim şanlı Qələbəmizin, zəfərimizin günüdür! Bu qələbəni biz döyüş meydanında qazandıq, danışıqlar masası arxasında yox. Mən dəfələrlə demişəm, bütün bəyanatlara rəğmən ki, bu münaqişənin - Ermənistan-Azərbaycan Dağlıq Qarabağ münaqişəsinin hərbi həll yolları da vardır və bu gün biz bunu döyüş meydanında sübut edirik”.</p>
<p>Deputat bildirib ki, bəziləri düşünürdü ki, Azərbaycan 2020-ci il noyabrın 10-da üçtərəfli Bəyanatla təsbit edilmiş status-kvonu dəyişməyə cürət etməyəcək və Şuşanın azad edilməsi ilə kifayətlənəcək. Hadisələrin sonrakı gedişi bu cür düşünənlərin yanıldığını göstərdi. 2023-cü ilin sentyabrın 19-20-də Zəfər yürüşünün davamı olan antiterror əməliyyatı uğurla nəticələndi. Cəmi 23 saat 48 dəqiqə davam edən antiterror əməliyyatı Ali Baş Komandanın qətiyyətini, dəmir yumruğun yerində olduğunu, Ordumuzun gücünü bir daha nümayiş etdirdi. Düşmən üç il əvvəl olduğu kimi, yenə ağ bayraq qaldıraraq təslim olmağa məcbur edildi. Bununla da Qarabağda terrorçuların və separatçı rejimin mövcudluğuna birdəfəlik son qoyuldu;</p>
<p>“Beləliklə, xalqımız uzun illər davam edən ayrılıqdan sonra doğma Şuşaya qayıtdı. Bu qayıdışla Şuşaya yeni ruh, yeni nəfəs gəldi. Azadlığına qovuşmuş qədim şəhər artıq böyük quruculuq, təmir-bərpa işlərinin, möhtəşəm tədbirlərin şahidinə çevrilib. Düşmən tapdağından azad edilmiş Şuşanın yeni inkişaf dövrü başlayıb. Ötən dövr ərzində Şuşa şəhərində bir sıra mühüm infrastruktur layihələri icra olunub” – deyən Samir Vəliyev əlavə edib ki, bu ilin 23 oktyabr ayınadək Şuşa şəhərində 377 ailə olmaqla, 1.411 nəfər, Böyük Qaladərəsi kəndində 17 ailə olmaqla, 78 nəfər, Kiçik Qaladərəsi kəndində 26 ailə olmaqla, 90 nəfər – cəmi 420 ailə, 1579 nəfər məskunlaşıb. Hazırda tarixi şəhərimizdə quruculuq işləri sürətlə davam edir.</p>
<p>“Cəmi altı ildir ki, işğaldan azad olunmasına baxmayaraq, Şuşa mühüm beynəlxalq tədbirlərin keçirildiyi məkana çevrilib, bir sıra beynəlxalq təşkilatlar tərəfindən mədəniyyət və turizm paytaxtları seçilib. 2022-ci il isə ölkəmizdə “Şuşa İli” elan olunub. Beləliklə, qədim Şuşa şəhəri öz sahiblərinə qovuşub və bu şəhər ildən ilə daha da gözəlləşir, inkişaf edir” – deyə deputat vurğulayıb.</p>
]]><p>“Bakıda keçirilən “AIREX 2026” beynəlxalq daşınmaz əmlak və tikinti sərgisi Azərbaycanın tikinti, şəhərsalma, qiymətləndirmə və daşınmaz əmlak sektorlarının beynəlxalq əməkdaşlığının genişləndirilməsi baxımından mühüm platforma rolunu oynayır. Yerli və xarici yaşayış, kommersiya layihələrinin təqdimatı, sahə mütəxəssisləri və beynəlxalq nümayəndələrin iştirakı ilə investorlar və sahibkarlar üçün birbaşa görüşlərin keçirilməsi sərginin əhəmiyyətini əks etdirir. Sərgiyə maraq böyükdür. “PASHA Property Management” şirkətinin təşkilatçılığı ilə keçirilən Birinci Azərbaycan Beynəlxalq Daşınmaz Əmlak Sərgisində 47 yerli, 14 xarici olmaqla ümumilikdə 61 şirkətin iştirak etməsi də bu marağın göstəricisidir”.</p>
<p>Kanal 20tv.az xəbər verir ki, bu fikirləri Milli Məclisin deputatı Samir Vəliyev deyib.</p>
<p>Onun sözlərinə görə, “Şəhərsalma və Memarlıq İli”nə təsadüf edən belə bir beynəlxalq tədbirlərin keçirilməsi Azərbaycanın əmlak bazarı və tikinti sektoru, infrastruktur və innovasiya sahəsi üzrə iştirakçılar üçün mühüm əhəmiyyət daşıyır. Tədbir müasir şəhərsalma həllərinin, dayanıqlı tikinti prinsiplərinin və rəqəmsal texnologiyaların müzakirəsi Azərbaycanın urbanizasiya proseslərinin, infrastruktur inkişafının və daşınmaz əmlak bazarının beynəlxalq təcrübə ilə uzlaşdırılması üçün əlavə imkanlar yaradır. Noyabrın 4-də Prezident İlham Əliyevin, birinci xanım Mehriban Əliyevanın və qızları Leyla Əliyevanın Bakı Ekspo Mərkəzində keçirilən “AIREX 2026” - Birinci Azərbaycan Beynəlxalq Daşınmaz Əmlak Sərgisi ilə tanış olması da tədbirin önəmindən xəbər verir.</p>
<p>Deputat bildirib ki, xarici investorların yerli bazara marağının artması əmlak haqqında etibarlı məlumatlara, şəffaf qiymətləndirmə mexanizmlərinə və beynəlxalq standartlara uyğun peşəkar xidmətlərə tələbatı da artırır. Bir sözlə, tədbir tikinti sektoruna aid ən qabaqcıl texnologiyalar, yeni inşaat modelləri üzrə təcrübələrin bölüşülməsi, təchizatçılar və tikinti peşəkarlarının yeni işgüzar əlaqələrinin qurulması, potensial tərəfdaşlıq şəbəkəsinin genişləndirilməsi baxımından əlverişli fürsət və imkanlar deməkdir.</p>
<p>Millət vəkili deyib ki, sərgi çərçivəsində təşkil olunan beş panel iclasda Azərbaycanın şəhərsalma perspektivləri, yeni yaşayış və infrastruktur layihələri, brend rezidensiyalar, premium yaşayış konsepsiyaları, şəhər və məhəllələrin planlaşdırılması, dayanıqlı tikinti və müasir texnologiyaların tətbiqi məsələləri diqqət mərkəzində olub. Bu isə ölkəmizin tikinti biznesi təmsilçiləri ilə xarici investorlar arasında potensial tərəfdaşlığın qurulması baxımından mühüm fürsət deməkdir.</p>
<p>“Hazırda “Böyük Qayıdış” proqramı çərçivəsində işğaldan azad edilmiş ərazilərdə uğurla aparılan genişmiqyaslı bərpa və quruculuq işləri regionun simasını köklü şəkildə dəyişir. Müasir şəhərsalma konsepsiyalarına uyğun şəhərlər salınır, yeni məktəblər, xəstəxanalar, yol-nəqliyyat və kommunikasiya infrastrukturu inşa olunur, iş yerləri açılır, yaşıl enerji zonaları və sənaye parkları yaradılır. Qarabağ artıq yalnız milli qürurumuzun rəmzi deyil, həm də XXI əsrin dayanıqlı inkişaf məkanı kimi sərginin mühüm istiqamətlərindən biri də işğaldan azad edilmiş ərazilərdə həyata keçirilən bərpa və yenidənqurma işlərinin qlobal təqdimatıdır” – deyə Samir Vəliyev vurğulayıb.</p>
]]><p>Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva noyabrın 4-də Bakı Ekspo Mərkəzində keçirilən “AIREX 2026” - Birinci Azərbaycan Beynəlxalq Daşınmaz Əmlak Sərgisi ilə tanış olublar.</p>
<p>Kanal 20tv.az xəbər verir ki, “PASHA Property Management” şirkətinin təşkilatçılığı ilə keçirilən Birinci Azərbaycan Beynəlxalq Daşınmaz Əmlak Sərgisində 47 yerli, 14 xarici olmaqla ümumilikdə 61 şirkət iştirak edir.</p>
<p>Qeyd edək ki, dövlətimizin başçısının Sərəncamı ilə 2026-cı il ölkəmizdə “Şəhərsalma və Memarlıq İli” elan olunub. Sərginin təşkili ölkəmizdə daşınmaz əmlak, memarlıq və tikinti sahələrinin inkişafına dövlət səviyyəsində göstərilən diqqəti bir daha nümayiş etdirir. Sərgi mənzil almaq, yaşayış şəraitini yaxşılaşdırmaq və daşınmaz əmlaka investisiya yatırmaq istəyən şəxsləri, böyük investorları, şirkətlərin təmsilçilərini və sektorun peşəkarlarını vahid platformada birləşdirir, əmlak bazarının iştirakçıları arasında dialoqun genişləndirilməsi, təcrübə mübadiləsi və yeni əməkdaşlıq imkanlarının müzakirəsi baxımından mühüm rol oynayır.</p>
<p>x x x</p>
<p>Prezident İlham Əliyev, birinci xanım Mehriban Əliyeva və qızları Leyla Əliyeva “PMD Group” şirkətinin stendi ilə tanış oldular.</p>
<p>Məlumat verildi ki, “PMD Group” 2013-cü ildən bəri daşınmaz əmlaka investisiya, layihələrin inkişafı və idarə edilməsi istiqamətində fəaliyyət göstərir. Şirkət yaşayış, kommersiya və ictimai-sosial təyinatlı layihələr icra edir. “PMD Group” layihələri konsepsiyadan tikintiyə və idarəetməyə qədər əhatə edən dörd istiqamət üzrə xidmət göstərir. Tikinti və layihələrin idarə edilməsi, memarlıq və dizayn, daşınmaz əmlakın idarə olunması, satışı və icarəsi, logistika və anbar xidmətləri şirkətin fəaliyyət istiqamətlərinə daxildir. “PMD Group” və ona daxil olan şirkətlər tərəfindən paytaxtdakı Zəfər parkının inşası həyata keçirilib, Bakı və Abşeronla yanaşı, işğaldan azad edilmiş rayonlarımızda da bir sıra layihələr icra olunub və hazırda bu işlər davam edir.</p>
<p>x x x</p>
<p>Bildirildi ki, “PASHA Holding”in tərkibinə daxil olan “PAŞA Real Estate Qrup” daşınmaz əmlaka investisiya qoyuluşu, layihələrin inkişafı və əmlak aktivlərinin idarə edilməsi sahələrində fəaliyyət göstərir. Qrup Azərbaycanda və daha beş ölkədə – Türkiyə, ABŞ, Monteneqro, Gürcüstan və Özbəkistanda nüfuzlu beynəlxalq brendlərlə əməkdaşlıq çərçivəsində layihələr həyata keçirir. Azərbaycanın aparıcı daşınmaz əmlak şirkətlərindən biri olan “PAŞA Real Estate Qrup” beynəlxalq standartlara uyğun layihələri ilə Bakının müasir memarlıq simasının formalaşmasına töhfə verir. Onun layihələri tanınmış beynəlxalq memarlıq şirkətləri ilə əməkdaşlıq çərçivəsində reallaşdırılır. Qrupun fəaliyyət istiqamətləri daşınmaz əmlak layihələrinin inkişafını, hotel, yaşayış və ticarət obyektlərinin idarə olunmasını, həmçinin beynəlxalq hotel brendləri ilə əməkdaşlığı əhatə edir.</p>
<p>x x x</p>
<p>Dövlətimizin başçısı, birinci xanım və qızları “Sea Breeze”in stendinə baxdılar, həyata keçirilmiş işlər və perspektiv layihələrlə tanış oldular.</p>
<p>Qeyd edildi ki, “Sea Breeze” 1000 hektardan çox ərazini əhatə edir. Gələcəkdə isə bu rəqəmin 1850 hektaradək artırılması nəzərdə tutulur. Burada tamamlanmış və həyata keçirilən layihələrin sayı 50-dən artıqdır. “Sea Breeze”də artıq 60 mindən çox rezident (sakin) var. Bütövlükdə isə layihə tam icra olunduqdan sonra “Sea Breeze”də 500 min sakin yaşayacaq.</p>
<p>Ərazidə icra edilən əhəmiyyətli layihələrdən biri 200 hektardan çox sahəsi olan “Fire Island” adasıdır. Layihə çərçivəsində beynəlxalq standartlara uyğun müasir infrastrukturun yaradılması planlaşdırılır. Buraya uzunluğu təxminən 5,5 kilometr olan və 18 döngədən ibarət Formula 1 yarış trekinin inşası da daxildir.</p>
<p>“Sea Breeze”in flaqman layihəsi “Caspian Dream Liner”dir. Bu, süni yarımadada yerləşən apart-hotel layihəsidir.</p>
<p>Təxminən 50 hektar ərazini əhatə edən “Aypara” “Sea Breeze”in ən böyük və diqqətçəkən layihələrindəndir. Burada beşulduzlu hotellərin inşası nəzərdə tutulur. Bununla yanaşı, ərazidə brend mağazaların yerləşəcəyi ticarət küçələri, çoxfunksiyalı arena, həmçinin hündürlüyü 323 metr olacaq qüllə inşa ediləcək.</p>
<p>Əsas məqsəd “Sea Breeze”in beynəlxalq səviyyəli müasir şəhər kimi inkişafını davam etdirmək, xarici investisiyaları cəlb etmək, yeni iş yerləri yaratmaq, o cümlədən Azərbaycanın turizm və iqtisadi potensialının inkişafına töhfə verməkdir.</p>
<p>x x x</p>
<p>Həmçinin məlumat verildi ki, 15 ilə yaxın təcrübəsi olan “Baku City Residences” şirkəti yaşayış və kommersiya məqsədilə daşınmaz əmlakın inşası və satışı üzrə fəaliyyət göstərir. Şirkətin layihələrində müasir memarlıq, əlverişli yerləşmə və əhatəli infrastruktur birləşir. Layihələrin icrasında keyfiyyət, dizayn və müasir şəhər həyatının tələbləri əsas götürülür. İndiyədək şirkət tərəfindən bir neçə layihə reallaşdırılıb. Gələcəkdə “Bakı Ağ Şəhər”in sahilyanı məhəlləsində “Baku Bay” layihəsinin inşası nəzərdə tutulur.</p>
<p>x x x</p>
<p>Prezident İlham Əliyev, birinci xanım Mehriban Əliyeva və qızları Leyla Əliyeva sərgidə Mənzil İnşaatı Dövlət Agentliyinin (MİDA) stendi ilə də tanış oldular.</p>
<p>Diqqətə çatdırıldı ki, Agentlik ölkədə vətəndaşların mənzil şəraitinin yaxşılaşdırılması məqsədilə yaradılıb. Onun fəaliyyətinin əsas istiqaməti aztəminatlı və ortagəlirli ailələr üçün əlçatan, ekoloji təmiz və enerjiyə qənaət edən yaşayış komplekslərinin inşasıdır.</p>
<p>MİDA fəaliyyəti dövründə respublika üzrə ümumilikdə 20 layihəni icra edib. Bunlardan 7-si Bakıda, 3-ü Qarabağda, digər 10-u isə Gəncə, Abşeron, Sumqayıt, Lənkəran, Şirvan, Yevlax, Naxçıvan, Şəmkir və Salyandadır. Layihələrə binalarla yanaşı, məktəblər, bağçalar, tibb mərkəzinin inşası da daxildir.</p>
<p>Agentlik tərəfindən güzəştli mənzil layihələrindən Bakıda 5, regionlarda isə 6 layihə tamamlanıb. Hazırda agentlik paytaxt və bölgələrimizi əhatə edən 6 layihədən 3-nün icrasına başlayıb, 3 yaşayış kompleksi isə layihələndirmə mərhələsindədir.</p>
<p>x x x</p>
<p>Dövlətimizin başçısı, birinci xanım və qızları Leyla Əliyeva “Fortis Development” şirkətinin stendi ilə tanış oldular.</p>
<p>Bildirildi ki, şirkət yaşayış və kommersiya obyektlərinin tikintisi ilə yanaşı, tarixi və memarlıq abidələrinin bərpası, bina fasadlarının yenilənməsi və ictimai məkanların abadlaşdırılması ilə məşğul olur və 10 ildən artıq təcrübəsi var. İndiyədək şirkət tərəfindən paytaxtda Şəhriyar və Səadət parklarının abadlaşdırılması, Balaxanı qəsəbəsində abadlıq işləri, Mərdəkan qəsəbəsində Pir Həsən ziyarətgahının və Əmircan qəsəbəsində İmam məscidinin təmir-bərpası, COP29 ərəfəsində Bakıda 40-dan çox binanın bərpası həyata keçirilib. Şirkət tərəfindən mədəni irs layihələri də icra edilib.</p>
<p>x x x</p>
<p>Memarlıq, planlaşdırma və interyer dizaynı sahələrində fəaliyyət göstərən “Chapman Taylor” şirkəti 1959-cu ildə Londonda yaradılıb. “Chapman Taylor” beynəlxalq memarlıq şirkəti kimi 100-dən çox ölkədə layihələr həyata keçirib, 300-dən çox memarlıq mükafatı qazanıb. Şirkət ölkəmizdə də bir sıra layihələr icra edib. Şuşa, Cəbrayıl, Xankəndi və Naxçıvan şəhərlərinin Baş planlarının müəllifi olan “Chapman Taylor” bu şəhərlərlə yanaşı, Bakı, Gəncə, Ağdam, Füzuli və Qusarda bir çox yaşayış və ictimai binaların layihələndirilməsini həyata keçirib.</p>
<p>Şirkət tərəfindən Şuşa, Cəbrayıl, Xankəndi, Füzuli və Ağdamda yaşayış məhəllələrinin inşası, mövcud binaların fasadlarının yenilənməsi və digər sosial layihələr icra olunub, bir neçə layihə isə icra mərhələsindədir.</p>
<p>x x x</p>
<p>Birləşmiş Ərəb Əmirliklərinin “Modon Holding”i də sərgidə iri ekspozisiya ilə təmsil olunur. Şirkət innovasiyalara yönəlmiş fəaliyyət sahəsində ixtisaslaşıb, istehsal proseslərinin rəqəmsallaşdırılması və müasir standartlara keçid istiqamətində müxtəlif proqramlar reallaşdırır. Təklif edilən təşviq mexanizmləri arasında məsləhət xidmətləri, maliyyələşdirmə proqramları, yerli məzmunun inkişafına dəstək tədbirləri, həmçinin sənaye infrastrukturu və hazır istehsal sahələrinin təqdim edilməsi yer alır. Şirkət sərgidə Böyükşor gölü ərazisinin inkişaf planının konsepsiyasını təqdim edib.</p>
<p>x x x</p>
<p>“Bakı Ağ Şəhər” layihəsi dünyada müasir şəhərsalma konsepsiyasının ən parlaq nümunələrindən biridir. İcrasına Prezident İlham Əliyevin və birinci xanım Mehriban Əliyevanın iştirakı ilə 2011-ci il dekabrın 24-də başlanılan layihə ekoloji cəhətdən təmiz, dayanıqlı və “Ağıllı şəhər” prinsipləri əsasında hazırlanıb. Burada şəhərsalmanın ən son yenilikləri tətbiq olunub. Əvvəllər “Qara şəhər” kimi tanınan bu ərazi 150 ildən çox müddətdə neft sənayesi tullantıları ilə çirklənib. Azərbaycan Prezidentinin təşəbbüsü ilə isə burada dünya miqyasında nadir ekoloji layihə icra olunaraq müasir yaşayış massivi yaradılıb. Yaşayış binaları MDB ölkələri arasında ilk dəfə olaraq BREEAM - beynəlxalq ekoloji sertifikatlaşdırma standartına və CRREM - karbon risklərinin qiymətləndirilməsi tələblərinə uyğun layihələndirilib. Geniş daxili küçələri, yaşıllıq sahələri, müasir beynəlxalq heykəltaraşlıq nümunələri ilə seçilən “Bakı Ağ Şəhər” paytaxtın iş, yaşayış və istirahət üçün ən müasir məkanına çevrilib.</p>
<p>“Bakı Ağ Şəhər” layihəsinin inkişafı çərçivəsində Azərbaycan Respublikası Dövlət Neft Şirkəti (SOCAR) ilə birlikdə neft sənayemizin zəngin tarixinə, onun dünya energetika sektorunda aparıcı roluna həsr olunmuş yeni muzey binası konsepsiyası hazırlanıb. Muzeydə keçmişdə ekoloji fəlakətlə üz-üzə olan “Qara şəhər”in müasir və dayanıqlı “Baku White City” şəhər məkanına transformasiyanın tarixi nümayiş olunacaq. Binada sərgi zalı, kitabxana, ofis otaqları, restoran və kafelər nəzərdə tutulur. Layihə çərçivəsində şəhərə və sahilə mənzərəsi olan 90 metrlik müşahidə qülləsi yaradılacaq.</p>
<p>“Bakı Ağ Şəhər” layihəsinin əsas rəmzlərindən biri olan “Gilavar” kompleksi ictimai məkanları, əyləncə obyektlərini, iaşə müəssisələrini, yaxta klublarını və təxminən 185 metr hündürlüyündə 49 mərtəbəli yaşayış binasını birləşdirir.</p>
<p>Layihə “ADEC” şirkəti və “Bürc-Xəlifə” layihəsinin müəllifi, hündürmərtəbəli binaların memarlığı üzrə dünya lideri Amerikanın məşhur SOM bürosu ilə birgə hazırlanıb.</p>
<p>“Ağ şəhər”, eyni zamanda, incəsənət və mədəniyyət həvəskarlarının da sevimli məkanına çevrilib. Belə ki, dünyanın tanınmış heykəltaraşları öz əsərlərinin burada quraşdırılmasında maraqlıdırlar. Bu xüsusda məşhur amerikalı heykəltaraş Robert Sammers tərəfindən yaradılan “Qarabağ atları” heykəltaraşlıq kompleksini, Zaman meydanında məşhur rəssam Konstantin Krik tərəfindən məhz “Bakı Ağ Şəhər” üçün hazırlanmış 7 saatdan ibarət "Seven Public Clocks" kompozisiyasını, məşhur heykəltaraş Cozef Klibanskinin "Buludların üstündə" adlı bürünc kompozisiyasını, müasir britaniyalı heykəltaraş Saymon Qadcenin "Nur axtarışında" heykəlini qeyd etmək olar.</p>
<p>x x x</p>
<p>“Housing Development Corporation” (HDC) Maldivin məkan və iqtisadi transformasiyasını aparan əsas dövlət müəssisəsidir. HDC “ağıllı”, inklüziv və dayanıqlı şəhərlərin salınmasında iştirak edir, əsas inkişaf layihələrinin idarəetməsini həyata keçirir. Şirkətin stendində logistika üçün mərkəzləşdirilmiş Sənaye Kəndi, yüksəktutumlu Cənub Limanı Ticarət Zonası və digər layihələr təqdim olunur. “Housing Development Corporation” sərgidə iştirak etməklə turizmdən əlavə, Maldivin kommersiya daşınmaz əmlakını, yaşıl texnologiyaları, “ağıllı” kommunal infrastrukturu və dəniz ticarəti sahələrindəki investisiya imkanlarını təqdim edir.</p>
<p>x x x</p>
<p>“Silk Development” Gürcüstanda yaşayış və hotel layihələri həyata keçirən aparıcı şirkətdir. Batumidəki Silk Towers şirkətin əsas layihələrindəndir. Şirkətin stendində yaşayış, lüks hotel və çoxfunksiyalı layihələrdən ibarət portfel, dünyada tanınmış memarların layihələndirdiyi obyektlər, uzunmüddətli dəyərə hesablanmış və yüksəkgəlirli mülkiyyət modellərini təqdim edilir. “Silk Development”in bu sərgidə iştirakda məqsədi Xəzər regionunda fəaliyyətini genişləndirmək, investorlar, strateji tərəfdaşlar və brokerlərlə birbaşa əlaqə qurmaqdan ibarətdir.</p>
<p>x x x</p>
<p>Çoxfunksiyalı yaşayış kompleksi olan “Luna Garden” Bakının dinamik inkişaf edən ərazilərindən birində, metronun “Koroğlu” stansiyasının və Böyükşor gölünün yaxınlığında yerləşir. “Koroğlu” stansiyasının yeni çıxışı birbaşa kompleksin ərazisindədir ki, bu da sakinlərin rahatlığının təmin edilməsində mühüm rol oynayır. Layihə 6,7 hektar ərazini əhatə edir və 9 binadan ibarətdir. Ərazinin 60 faizi yaşıllıq sahələri üçün nəzərdə tutulub.</p>
<p>x x x</p>
<p>2003-cü ildən Azərbaycanın tikinti və daşınmaz əmlak sektorunda fəaliyyət göstərən “Kristal” Bakı və Sumqayıt şəhərlərində müasir standartlara cavab verən, yüksəkkomfortlu yaşayış komplekslərinin inşasını həyata keçirir. Şirkət öz layihələrində məktəb, uşaq bağçası, park, ticarət və digər sosial infrastruktur obyektlərini bir araya gətirən “şəhər içində şəhər” konsepsiyasını əsas götürür. Bu yanaşma sakinlər üçün rahat, funksional və müasir yaşayış mühitinin formalaşdırılmasına xidmət edir. “Kristal”ın bu istiqamətdə həyata keçirdiyi layihələr sırasında “City Garden Nərimanov”, “Park Yasamal” və “Highland Residence” kimi yaşayış kompleksləri xüsusi yer tutur.</p>
<p>“Kristal” fəaliyyətində innovativ tikinti texnologiyalarının tətbiqinə, enerji səmərəliliyinin artırılmasına, ekoloji məsuliyyətə və dayanıqlı şəhərsalma prinsiplərinə xüsusi önəm verir. Sərgidə şirkətin təqdim etdiyi əsas yeniliklərdən biri müasir panel fasad sistemidir. Bu texnologiya yüksək istilik izolyasiyası, enerji itkilərinin azaldılması və binaların enerji səmərəliliyinin yüksəldilməsi baxımından mühüm üstünlüklərə malikdir.</p>
<p>x x x</p>
<p>Prezident İlham Əliyev, birinci xanım Mehriban Əliyeva və qızları Leyla Əliyeva Qarabağ Dirçəliş Fondunun stendinə də baxdılar.</p>
<p>Qeyd olundu ki, Fond işğaldan azad edilmiş ərazilərin bərpası və yenidən qurulmasına maliyyə dəstəyi göstərir, investisiya cəlb edir, dövlət-özəl tərəfdaşlığını təşviq edir və maarifləndirmə layihələri həyata keçirir. Fondun sərgidə iştirakının məqsədi onun fəaliyyət istiqamətləri və işğaldan azad edilmiş ərazilərdə aparılan irimiqyaslı bərpa-quruculuq işləri barədə ictimaiyyətin məlumatlılığının artırılması, ianəçilik mədəniyyətinin təbliğidir.</p>
<p>“Qarabağın Dirçəlişi: Azərbaycan İntibahının Hekayəsi” innovativ kitab layihəsi də maraqla qarşılanır. Fondun sifarişi ilə hazırlanmış kitabda Qarabağ həqiqətləri və Azərbaycan Prezidentinin rəhbərliyi ilə aparılan bərpa-quruculuq işləri əks olunub.</p>
<p>Stenddə, həmçinin “Qarabağın inciləri” - Qarabağın tarixi-mədəni irsini, bərpa olunan abidələri və Zəfərdən sonra inşa edilmiş infrastruktur obyektlərini tanıdan rəmzi maarifləndirici oyun, “Qarabağ quiz” - Qarabağın tarixi, mədəniyyəti, görkəmli şəxsiyyətləri və Vətən müharibəsi haqqında interaktiv viktorina və beynəlxalq ictimaiyyətin diqqətini mina təhlükəsinə yönəltmək məqsədilə Fondun sifarişi ilə hazırlanan “Ölümcül Miras” sənədli filmi barədə də məlumat verilir.</p>
<p>x x x</p>
<p>Qeyd edək ki, noyabrın 6-dək davam edəcək sərgiyə media dəstəyini Azərbaycan Dövlət İnformasiya Agentliyi (AZƏRTAC) həyata keçirir.</p>
]]><p>ABŞ Prezidenti Donald Tramp Ukrayna ilə bağlı genişmiqyaslı razılaşmanın əldə olunacağını bildirib.</p>
<p>AZƏRTAC xəbər verir ki, Tramp açıqlamasında razılaşmanın yalnız Ukrayna ilə məhdudlaşmayacağını, Avropanın digər ölkələrini də əhatə edə biləcəyini söyləyib.</p>
<p>“Razılaşma olacaq. Bu, böyük bir razılaşma olacaq və təkcə Ukraynanı əhatə etməyəcək. Hətta deyə bilərəm ki, bütün Avropanı da əhatə edə bilər. Bu, böyük və möhtəşəm bir razılaşma olacaq. Hər kəs bundan məmnun qalacaq”, – deyə Amerika lideri vurğulayıb.</p>
]]><p>Korsika Assambleyası Fransa hakimiyyətini adanın muxtar statusu ilə bağlı danışıqları davam etdirmək məqsədilə yerli deputatlarla görüş keçirməyə çağırıb.</p>
<p>AZƏRTAC xəbər verir ki, müvafiq qətnamə noyabrın 5-də Korsika Assambleyasının fövqəladə iclasında qəbul edilib. Məqsəd 2026-cı ilin sonunadək Fransa parlamentinə təqdim edilə biləcək siyasi razılaşma əldə etməkdir.</p>
<p>Fransanın Baş naziri Sebastyən Lökornü danışıqların davam etdirilməsi üçün noyabrın 9-da Korsika nümayəndə heyətini Parisə dəvət edib. Lakin adanın icra şurasının rəhbəri Jil Jovanangeli lazımi zəmanətlər verilmədən görüşdə iştirak etməyəcəklərini bildirib.</p>
<p>Qeyd edək ki, Korsikanın muxtariyyəti ilə bağlı Paris və Ajaccio arasında danışıqlar 2022-ci ilin martından aparılır. Muxtariyyət layihəsi Fransa parlamentinin aşağı palatasında ilkin mərhələdə təsdiqlənsə də, Senatın dəstəyini qazana bilməyib. Mübahisəli məsələlər arasında Korsikada müəyyən müddət yaşayanlara xüsusi hüquqların verilməsi və Korsika dilinin fransız dili ilə yanaşı rəsmi status alması da var.</p>
]]><p>Azərbaycan və İtaliya Müdafiə nazirlikləri arasında imzalanan ikitərəfli hərbi əməkdaşlıq planına əsasən, iki ölkənin hərbi-mülki əməkdaşlıq (CIMIC) üzrə hərbi ekspertlərinin, eləcə də Müdafiə Nazirliyinin baş idarə, idarə və qoşun növlərinin hərbi qulluqçularının iştirakı ilə təlim keçirilib.</p>
<p>Müdafiə Nazirliyinin mətbuat xidmətindən AZƏRTAC-a verilən məlumata görə, Şəxsi Heyət Baş İdarəsinin Mətbuat və İctimaiyyətlə Əlaqələr İdarəsində təşkil olunan təlim çərçivəsində iştirakçılara hərbi əməliyyatların planlaşdırılması və icrası prosesində hərbi-mülki əməkdaşlığın (CIMIC) rolu və əhəmiyyəti, mülki əhali və müvafiq qurumlarla qarşılıqlı fəaliyyətin təşkili, eləcə də mülki infrastrukturla bağlı məsələlər barədə ətraflı məlumat verilib.</p>
<p>Təlim zamanı italiyalı hərbi ekspertlər tərəfindən hərbi-mülki əməkdaşlığın əsas prinsipləri, tətbiq mexanizmləri və beynəlxalq təcrübəyə dair geniş təqdimat keçirilib, təlim qrupları tərəfindən praktiki tapşırıqlar icra edilib. Həmçinin Azərbaycan və İtaliya tərəfləri arasında bu sahədə qabaqcıl təcrübənin öyrənilməsi və qarşılıqlı mübadiləsi, əməkdaşlığın inkişaf perspektivləri müzakirə olunub. İştirakçıların sualları ekspertlər tərəfindən cavablandırılıb.</p>
]]><p>Ötən gün axşam saatlarından başlayaraq Şimal bölgəsində hava şəraiti kəskin dəyişib, dağlıq ərazilərə qar yağıb.</p>
<p>AZƏRTAC-ın bölgə müxbiri xəbər verir ki, qar əsasən Quba, Qusar və Xızı rayonlarının dağlıq kəndlərində qeydə alınıb.</p>
<p>Xınalıq kənd sakinlərinin bölgə müxbirinə verdiyi məlumata görə, səhər saatlarında kənddə qar örtüyünün qalınlığı 15 santimetrə çatıb.</p>
<p>Qar yağması ilə əlaqədar bölgənin dağlıq ərazilərində havanın temperaturu aşağı düşərək mənfi göstəricilərə enib.</p>
]]><p>Dünya bazarında Azərbaycan nefti cüzi bahalaşıb.</p>
<p>AZƏRTAC xəbər verir ki, “Azeri Light” markalı neftin bir barelinin qiyməti 0,03 dollar və ya 0,03 faiz artaraq 106,84 dollar olub.</p>
<p>Qeyd edək ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.</p>
]]><p><a href="https://azertag.az/" rel="noopener" target="_blank">AZƏRTAC</a> xəbər verir ki, mükafatlandırma mərasimi Rusiya Xalq Birliyi Günü ərəfəsində Moskvadakı Mərkəzi Yazıçılar Evində keçirilib.</p>
<p>Müsabiqənin nəticələrinə əsasən, S.Əliyevə “Xalq yazıçısı” ədəbi mükafatının finalçısı diplomu təqdim olunub.</p>
<p>Mükafat istedadlı müəllifləri üzə çıxarmaq və onlara dəstək göstərmək məqsədilə Rusiya Yazıçılar İttifaqı tərəfindən təsis edilib. Müsabiqə beş nominasiya üzrə keçirilir: “Mənim Rusiyam”, “Sevgi haqqında hər şey”, “Canlı təbiət”, “Uşaqlıq dünyası” və “Gənclərə söz”.</p>
<p>S.Əliyev ixtisasca həkim-stomatoloqdur. O, tibbi fəaliyyəti ilə yanaşı, ədəbi yaradıcılıqla da məşğul olur. 2018-ci ildən Rusiya Yazıçılar İttifaqının üzvüdür.</p>
<p>Onun əsərləri arasında “Tövbə”, “Son gün”, “Mənim evim Şuşa”, “Rəfiqələrin məktubları” və digər kitablar var.</p>
]]><p>“ZuRaYa” Global Medical Marketing & Strategy şirkətinin təşkilatçılığı ilə baş tutan tədbir Azərbaycan Respublikasının Dövlət Himninin səsləndirilməsi ilə başlayıb.</p>
<p>Daha sonra “ZuRaYa” Global Medical Marketing & Strategy şirkətinin rəhbəri, tibbi marketoloq Zülfiyyə Əliyevanın çıxışı ilə konfransın rəsmi açılışı elan olunub.</p>
<p>Zülfiyyə Əliyeva çıxışında qadınların sağlamlıq sahəsində maarifləndirilməsinin əhəmiyyətinə toxunaraq bildirib ki, sağlamlıq haqqında düzgün biliklərin erkən yaşlardan formalaşması həm fərdin, həm də gələcək nəslin sağlamlığının qorunmasında mühüm rol oynayır. O vurğulayıb ki, qadınların tibbi maarifləndirilməsi onların gələcəkdə sağlam ailə təməlinin qurulmasına da töhfə verir.</p>
<p>“Bir qadının sağlamlığı cəmiyyətin sağlamlığı deməkdir!” fikrini əsas mesaj kimi diqqətə çatdıran Zülfiyyə Əliyeva xanımları öz sağlamlıqlarına məsuliyyətlə yanaşmağa, mütəmadi müayinələrdən keçməyə və sağlam həyat tərzini prioritet seçməyə çağırıb.</p>
<p>Konfransda müxtəlif tibb sahələrini təmsil edən mütəxəssislər, səhiyyə nümayəndələri və iştirakçılar bir araya gəliblər. Tədbirin əsas məqsədi süd vəzi patologiyalarının diaqnostikası və müalicəsində müasir yanaşmaların müzakirəsi, tibbi bilik və təcrübə mübadiləsinin aparılması olub.</p>
<p>Konfransda onkoloq-cərrah-mammoloq Dr. Latifə Məhərrəmova, pediatr Dr. Müsənbər Səfərova, ümumi cərrah Dr. Abbas İmanov, onkoginekoloq Dr. Aygün Osmanova, radioloq Dr. Vüsalə Məhərrəmova və onkodietoloq Nəzrin Kərimli çıxış ediblər.</p>
<p>Çıxışlarda süd vəzi xəstəliklərinin erkən aşkarlanması, müasir diaqnostika üsulları, müalicə strategiyaları, profilaktik yanaşmalar və xəstələrə kompleks tibbi dəstəyin əhəmiyyəti diqqətə çatdırılıb.</p>
<p>Tədbir çərçivəsində qadın sağlamlığının qorunması, tibbi maarifləndirmənin gücləndirilməsi və müxtəlif ixtisas sahələri arasında əməkdaşlığın inkişaf etdirilməsinin vacibliyi vurğulanıb.</p>
<p>Tədbirin sonunda iştirakçılar Çəhrayı Oktyabrın simvolu olan çəhrayı şarları havaya buraxaraq qadın sağlamlığına dəstək və həmrəylik mesajı veriblər.</p>
<p>Qeyd edək ki, konfrans “ZuRaYa” Global Medical Marketing & Strategy şirkətinin rəhbəri, tibbi marketoloq Zülfiyyə Əliyevanın təşəbbüsü ilə təşkil olunub.</p>
<p><img alt="" src="https://azermedia.az/wp-content/uploads/2026/11/WhatsApp-Imageee-2026-11-03-at-10.15.24-300x200.jpeg" style="height:200px; width:300px" /><img alt="" src="https://azermedia.az/wp-content/uploads/2026/11/WhatsApp-Image-2026-11-v03-at-10.15.23-300x200.jpeg" style="height:200px; width:300px" /></p>
<p><img alt="" src="https://azermedia.az/wp-content/uploads/2026/11/WhatsApp-Image-20ddd26-11-03-at-10.15.24-300x200.jpeg" style="height:200px; width:300px" /> <img alt="" src="https://azermedia.az/wp-content/uploads/2026/11/WhatsApp-Image-2026-11-03-annt-10.15.23-200x300.jpeg" style="height:300px; width:200px" /> <img alt="" src="https://azermedia.az/wp-content/uploads/2026/11/WhatsApp-Image-2026-11-03-at-10.1rr5.24-300x200.jpeg" style="height:200px; width:300px" /> <img alt="" src="https://azermedia.az/wp-content/uploads/2026/11/WhatsApp-Image-2026-11-03-at-10.15.2uu4-300x200.jpeg" style="height:200px; width:300px" /> <img alt="" src="https://azermedia.az/wp-content/uploads/2026/11/WhatsApp-Image-2026-11-03-at-10.15.23-300x200.jpeg" style="height:200px; width:300px" /> <img alt="" src="https://azermedia.az/wp-content/uploads/2026/11/WhzzatsApp-Image-2026-11-03-at-10.15.23-200x300.jpeg" style="height:300px; width:200px" /></p>
]]><p>Özdağ verdiyi açıqlamada son dövrlərdə Türkiyə ilə Azərbaycan arasına nifaq salınmasına yönəlmiş cəhdlərdəndanışaraq, bu gərginliyə səbəb olan ilk əlamətlər ortaya çıxan andan etibarən, təxminən bir aydır ki, ictimaiyyəti buməsələ ilə bağlı məlumatlandırdığını, xəbərdar etdiyini və atılması zəruri olan addımlarla bağlı, eyni zamanda Türkdünyasının təəssübkeşi kimi öz qiymətləndirmələrini bölüşdüyünü bildirib.</p>
<p><strong>Özdağ fikirlərini belə ifadə edib:</strong></p>
<p>“Əgər xəbərdarlıqlarım vaxtında nəzərə alınsaydı və lazımi addımlar atılsaydı, vəziyyətin bu həddə çatmasının qarşısınıalmaq mümkün olardı və Azərbaycan Prezidenti iştirak etmədən Türk Dünyası Zirvəsinin keçirilməsi vəziyyəti iləüzləşməzdik. Lakin yol verilmiş səhvləri düzəltmək üçün hələ də gec deyil. Azərbaycanda 29 Oktyabrın böyük coşqu iləqeyd edilməsi və Azərbaycan Prezidentinin Respublika Günü münasibətilə ünvanladığı təbrik mesajında Türkiyə-Azərbaycan strateji tərəfdaşlığına güclü vurğu etməsi Azərbaycan rəhbərliyinin Türkiyəyə qarşı narazı olmadığını vədialoqa açıq olduğunu göstərir.</p>
<p>Eyni zamanda, Türk Dövlətləri Təşkilatının Zirvə görüşündə Prezident Ərdoğanın Azərbaycanın xarici işlər naziriCeyhun Bayramova göstərdiyi xüsusi diqqət və verdiyi səmimi mesajlar da yerində idi. Xüsusilə Prezident Ərdoğanın“Türk dünyasının ailə fotosunda ayrılığa yer yoxdur. Əzəldən-əbədə qədər qardaşıq” sözləri doğru və mənalı mesajdır.</p>
<p>Onsuz da Türkiyə ilə Azərbaycan arasında qalıcı bir problemin olması da düşünülə bilməz. Mövcud siyasi şəraitdənqaynaqlanan bəzi məsələlər, yanlış anlaşılmalar və fanatik şəxslərin açıqlamaları müvəqqətidir, onların təsiri çox çəkməz.</p>
<p><strong>“AZƏRBAYCANIN QARDAŞIMIZ OLDUĞU QƏDƏR MÜSTƏQİLDÖVLƏT OLDUĞU DA DƏRK EDİLMƏLİDİR”</strong></p>
<p>Türkiyə-Azərbaycan münasibətlərində gec-tez sağlam düşüncə və qardaşlıq qalib gələcək. Lakin bunun baş verməsi üçün,əlbəttə, heç birimizin unutmamalı və dərs çıxarmalı olduğu bəzi mühüm məqamlar var.</p>
<p>Birincisi, Azərbaycanın qardaş ölkə olduğu qədər müstəqil dövlət olduğu da dərk edilməlidir. Azərbaycan öz daxiliişlərini özünün uyğun bildiyi şəkildə tənzimləyir. Xarici əlaqələrində də öz maraqları istiqamətində istədiyi dövlətləəməkdaşlıq etmək onun ən təbii haqqıdır. Biz Azərbaycanın dəyərini üçüncü bir ölkə ilə münasibətlərinə görə müəyyənetmirik. Əksinə, üçüncü ölkələrin dəyərini Azərbaycanla münasibətlərinə görə müəyyən edirik.</p>
<p>İkincisi, Qarabağ Zəfəri Azərbaycan xalqının və ordusunun qələbəsidir. Qarabağ müharibəsini əvvəldən axıra qədəryaxından izləmiş biri kimi bildirmək istəyirəm ki, Azərbaycan əsgərinin bu müharibədə göstərdiyi cəsarət və qəhrəmanlıqyaxın dövrün dünya hərb tarixinə damğa vuracaq səviyyədədir. Xüsusilə sıldırım dağlarla əhatə olunmuş Şuşanın azadedilməsi filmlərə mövzu olmağa layiq dastansı qəhrəmanlıq hekayəsidir.</p>
<p><strong>“TÜRK RESPUBLİKALARI İLƏ BAĞLIQİYMƏTLƏNDİRMƏLƏRİMİZİ DƏ DƏYİŞMƏLİYİK”</strong></p>
<p>AK Parti iqtidarı 24 illik hakimiyyəti dövründə ən doğru qərarlarından birini verərək Qarabağ müharibəsindəAzərbaycana güclü dəstək göstərib. Mən bu barədə indiyədək həmişə müsbət fikirlər bildirmişəm. Əslində, bu, həm milli,həm də siyasi baxımdan onsuz da atılmalı olan addım idi.</p>
<p>Deməli, bu qələbədə bizim də payımız varsa, bu, bizim üçün yalnız qürur mənbəyidir. Nitekim Azərbaycan xalqı vərəhbərliyi də qələbənin qürurunu bizimlə səxavətlə bölüşüb. Qələbə tədbirlərində Azərbaycan bayrağı ilə yanaşı, Türkiyəbayrağı da dalğalandırılıb.</p>
<p>Qələbədən sonra Azərbaycan 10 noyabrda keçirilməsi nəzərdə tutulan Zəfər Bayramının tarixini “Atatürkün vəfatınınildönümündə bayram qeyd edilməz” deyərək 8 noyabra dəyişib, Prezident Ərdoğanı da fəxri qonaq kimi ən hörmətliyerdə qəbul edib. Bütün bunlar Azərbaycan xalqının və rəhbərliyinin qələbənin əldə olunmasında göstərdiyimiz dəstəyənə qədər minnətdar olduğunun göstəricisidir.</p>
<p>Bundan artığını istəmək nə doğru, nə də ədalətlidir.</p>
<p>Üçüncüsü, həm Azərbaycan, həm də digər Türk respublikaları ilə bağlı qiymətləndirmələrimizi dəyişməliyik. Türkiyədəbu mövzuda aparılan müzakirələr təəssüf ki, əksər hallarda qardaşlıq və pafoslu vətənpərvərlik ritorikası səviyyəsindəqalır.</p>
<p><strong>“TÜRK RESPUBLİKALARININ GEOSİYASİ REALLIĞIBİZİMKİNDƏN FƏRQLİDİR”</strong></p>
<p>Azərbaycanın və digər Türk respublikalarının tarixini, siyasi sistemlərini, ictimai quruluşlarını, geosiyasi mövqelərini vəehtiyaclarını bilmədən, bunları nəzərə almadan aparılan pafoslu müzakirələr bizi reallıqdan uzaqlaşdıra bilər.</p>
<p>Hər bir Türk respublikasının geosiyasi reallığı bizimkindən fərqlidir. Dost və düşmən anlayışları, təhdid qavrayışları vəəməkdaşlıq ehtiyacları bir-birindən fərqlənir. Bunların heç biri ilə bağlı “Sən niyə bu ölkə ilə əməkdaşlıq edirsən və yaetmirsən?” demək haqqına sahib deyilik.</p>
<p>Dördüncüsü, Azərbaycan da daxil olmaqla, bütün Türk respublikaları müstəqilliklərinə, suverenliklərinə və milliqürurlarına bizim qədər bağlıdırlar. Çünki onlar da türkdürlər. Bu səbəbdən Türk respublikalarına münasibətimizdə sevgivə qardaşlıq duyğuları ilə yanaşı, hörmət və anlayış hisslərinə də yer verməliyik.</p>
<p>Eyni zamanda, xarici siyasətin yalnız emosiyalar əsasında deyil, rasional yanaşma və qarşılıqlı maraqlar əsasında idarəedilməli olduğunu da dərk etməliyik.</p>
<p>Beşincisi, Azərbaycan və Türkiyə yalnız eyni soydan gələn iki ölkə deyil. Eyni zamanda, geosiyasi baxımdan bir-birinitamamlayan, uzunmüddətli ortaq maraqlara malik iki dövlətdir. Bu səbəbdən Azərbaycanla münasibətlərimizinpozulmasına çalışanlar, Türkiyənin də geosiyasi baxımdan zəifləməsinə çalışırlar deməkdir.</p>
<p>Azərbaycan haqqında mənfi düşünən birinin Türkiyə haqqında müsbət düşünməsi mümkün deyil. Sosial şəbəkələrdəAzərbaycan əleyhinə danışan və yazan şəxslərin hesablarına daxil olub paylaşımlarına baxın. Bu şəxslərin Türkiyə,Cümhuriyyət və Atatürk haqqında bircə müsbət paylaşımına belə rast gəlməzsiniz.</p>
<p><strong>“BİR İNSANIN ŞKTC-YƏ VƏ TÜRK RESPUBLİKALARINAMÜNASİBƏTİ BİR LAK MUS KAĞIZIDIR”</strong></p>
<p>Azərbaycanla aramıza salınmaq istənilən nifaqın aradan qaldırılması mümkündür və hətta heç də çətin deyil. Bunun üçünPrezident Ərdoğan və Prezident Əliyev tərəfindən atılacaq bir neçə addım kifayət edəcək.</p>
<p>İlk növbədə, iki qardaş ölkə arasında nifaq salan şəxslərə və sosial media hesablarına qarşı qanunvericiliyin nəzərdətutduğu hüquqi tədbirlər görülməlidir.</p>
<p>Hər iki ölkənin rəhbərliyindən və parlamentlərindən qardaşlığımızı və strateji tərəfdaşlıq münasibətlərimizi vurğulayansəmimi mesajların verilməsi aradakı incikliyin aradan qaldırılmasına töhfə verəcək.</p>
<p>Son olaraq, Prezident Ərdoğanın noyabrın 8-də Bakıda keçiriləcək Zəfər Bayramı tədbirlərində iştirak etmək üçünAzərbaycana səfər etməsi, ölkəmizə dəstəyimizi və strateji müttəfiqliyimizə sadiqliyimizi vurğulaması böyük fayda verər.</p>
<p>“Azərbaycanın dünyada yeganə həqiqi ailəsi Türk dünyasıdır” deyən Prezident Əliyevin Prezident Ərdoğanı ZəfərBayramı tədbirlərinə dəvət edəcəyinə inanıram.</p>
<p>Əziz vətəndaşlarım, bunu heç vaxt unutmayın: bir insanın Azərbaycana, Şimali Kipr Türk Cümhuriyyətinə (ŞKTC) vəTürk respublikalarına münasibəti bir lakmus kağızıdır. Bunlar haqqında pis danışan şəxs Türkiyənin və Türk millətinindostu ola bilməz.<br /> Azərbaycan bizim can qardaşımızdır və əbədi olaraq belə qalacaq”.</p>
<p><strong>Ankaheber.net</strong></p>
]]><p>Oman Sultanı Heysəm bin Tariq Al Səid Çinlə ticarət və investisiya sahələrində preferensial saziş imzalamaqda maraqlı olduğunu bildirib.</p>
<p>AZƏRTAC Oman Xəbər Agentliyinə istinadla xəbər verir ki, bu fikri Oman Sultanı Pekində Çin Xalq Respublikasının Sədri Si Cinpinlə görüşündə irəli sürüb.</p>
<p>Sultan Heysəm bin Tariq Al Səid vurğulayıb ki, Oman bu sazişin ticarət və investisiya sahəsində yeni imkanlar açacağına, iki ölkə arasında iqtisadi və investisiya əlaqələrinin genişlənməsinə töhfə verəcəyinə əmindir.</p>
<p>O, həmçinin Omanın Çinlə ticarət dövriyyəsini artırmaq və birgə investisiya fondları vasitəsilə bərpaolunan enerji, süni intellekt, rəqəmsal texnologiyalar, kosmos və müdafiə sənayesi sahələrində layihələr həyata keçirmək niyyətində olduğunu vurğulayıb.</p>
<p>Heysəm bin Tariq Al Səid qeyd edib ki, Çin Omanın birinci ticarət tərəfdaşıdır. Ötən illər ərzində Çin şirkətlərinin Omandakı birbaşa investisiyalarının həcmi 33 milyard yuanı ötüb.</p>
<p>Xatırladaq ki, Oman Sultanının Çinə bazar günü başlanan ikigünlük səfəri ölkələr arasında1978-ci ildə diplomatik əlaqələrin qurulmasından bəri ilk səfərdir.</p>
]]><p>Noyabrın 1-də Azərbaycan Dövlət Akademik Milli Dram Teatrında Bakı Beynəlxalq İncəsənət Festivalı (BIAF-2026) çərçivəsində “Zikra: xatirələr gecəsi” tamaşası nümayiş olunub.</p>
<p>AZƏRTAC xəbər verir ki, Azərbaycan Respublikasının Birinci vitse-prezidenti Mehriban Əliyeva və ailə üzvləri tamaşaya baxıblar.</p>
<p>Səudiyyə Ərəbistanının Əl-Ula şəhərində yerləşən və müasir incəsənətə həsr olunmuş beynəlxalq mədəniyyət məkanı “Wadi AlFann”ın sifarişi ilə hazırlanan “Zikra: xatirələr gecəsi” tamaşası çoxsaylı mükafatlara layiq görülmüş rejissor və xoreoqraf Əkrəm Xanın ən son yaradıcılıq işidir.</p>
<p>Müasir rəqs və klassik hind rəqsinin özünəməxsus hərəkət dilini bir araya gətirən Əkrəm Xan bu layihədə vizual rejissor Mənal Əl-Dovayan ilə əməkdaşlıq edib.</p>
<p>Tamaşada qadınlar bir gecəlik bir araya gələrək özlərindən əvvəl yaşamış insanların ruhlarını oyatmağa çalışırlar. Müqəddəs mərasim və ortaq xatirələrin yada salınması vasitəsilə onlar zamanın sərhədlərini aşaraq keçmişlə bu günü birləşdirir, mənəvi yenilənmə aktını gerçəkləşdirirlər.</p>
<p>Tamaşanın orijinal musiqisi hindəsilli amerikalı müğənni və bəstəkar Aditya Prakaş tərəfindən bəstələnib.</p>
<p>Tamaşanın vizual dünyası “Wadi AlFann”ın rəssamı Mənal Əl-Dovayan tərəfindən yaradılıb. O, 60-cı Venesiya Biennalesində Səudiyyə Ərəbistanı pavilyonunda nümayiş etdirilən irimiqyaslı multimedia instalyasiyası ilə tanınır.</p>
<p>“Zikra” layihəsində rəssam ənənəvi sənətkarlıq nümunələrini müasir formalarla birləşdirib. Təbii boyalar səhranın rəng çalarlarını əks etdirir, Əl-Ulanın irsindən qaynaqlanan həndəsi naxışlar isə hər bir obrazın rolunu və simvolik mənasını vurğulayır.</p>
<p>Qeyd edək ki, səhnə əsəri Əl-Ulanın qədim miflərindən və möhtəşəm təbiət mənzərələrindən ilhamlanaraq hazırlanıb. Tamaşanın məkan üçün xüsusi olaraq yaradılmış dünya premyerası 2025-ci ilin yanvarında nümayiş etdirilib.</p>
]]>
