İspaniyanın “Real Madrid” komandasının qapıçısı Tibo Kurtua ötən gün La Liqanın VIII turunun “Atletiko” ilə keçirilmiş derbi oyununda zədələnib.

AZƏRTAC xəbər verir ki, bu barədə Madrid təmsilçisinin baş məşqçisi Karlo Ançelotti matçdan sonra təşkil olunmuş mətbuat konfransında məlumat verib. O, belçikalı qolkiperdə əzələ probleminin olduğunu açıqlayıb.

Qarşılaşma 1:1 hesablı heç-heçə ilə yekunlaşıb.

Qeyd edək ki, "Real Madrid” oktyabrın 2-də Çempionlar Liqasının əsas mərhələsində "Lill"lə (Fransa) qarşılaşacaq. Həmin görüşdə qapını Andrey Luninin qoruyacağı gözlənilir.