Almaniyada havanın temperaturu üzrə yeni rekord qeydə alınıb
Almaniyada davam edən isti hava dalğası fonunda gecə temperaturu üzrə yeni rekord qeydə alınıb.
AZƏRTAC xəbər verir ki, Almaniya Meteorologiya Xidmətinin (DWD) məlumatına görə, Saksoniya əyalətinin Bautsen rayonundakı Kubşüts yaşayış məntəqəsində ötən gecə havanın temperaturu 29,4 dərəcə təşkil edib. Bununla da 2003-cü ilin avqustunda Reynland-Pfalts əyalətinin Vaynbit bölgəsində qeydə alınmış 27,2 dərəcəlik əvvəlki rekord yenilənib. DWD gecə qeydə alınan rekord göstəricinin bölgənin orta dağlıq relyefi və cənub küləklərinin yaratdığı təsirlərlə əlaqəli olduğunu açıqlayıb.
Ölkədə gündüz temperaturu üzrə də rekordlar yenilənməkdə davam edir. Ötən gün Saksoniya-Anhalt əyalətinin Yerixover Land rayonundakı Drevits meteoroloji stansiyasında 41,5 dərəcə qeydə alınıb ki, bu da Almaniya tarixində indiyədək müşahidə olunan ən yüksək hava temperaturudur.
Meteoroloqlar isti hava şəraitinin bazar günü də davam edəcəyini, bazar ertəsindən etibarən isə havanın tədricən sərinləşəcəyini və əksər bölgələrdə 30 dərəcədən aşağı düşəcəyini proqnozlaşdırırlar.


Digər xəbərlər
ASALA-nın qənimi Abdullah Çatlı kim olub? - ARAŞDIRMA
Kiyevə ballistik raket zərbələri endirilib, dağıntılar var
ABŞ uranı ələ keçirmək üçün İrana minlərlə əsgər göndərə bilər
Azərbaycanda hava şəraiti yağmursuz keçib
Türkiyə meşə yanğınları ilə mübarizə aparılması üçün İspaniyaya təyyarələr göndərib
İran ordusu müharibənin genişlənəcəyi ilə bağlı xəbərdarlıq edib
Xəbər lenti
Ən çox oxunan