Rusiya ordusu Luqansk vilayətinin 99,7, Donetskin 79, Zaporojyenin 74 və Xersonun isə 76 faizinə nəzarət edir.

Bu barədə məlumat TASS-da yer alıb. 

Rusiya Silahlı Qüvvələrinin Baş Qərargah rəisi Valeri Gerasimov bildirib ki, Luqanskın tam nəzarətə alınması üçün 60 kv. km-dən az ərazi qalıb.

Gerasimov həmçinin bildirib ki, Rusiya ordusu Ukraynanın Sumı vilayətində 210 kv. km ərazini və 13 yaşayış məntəqəsini də nəzarətdə saxlayır.

Baş Qərargah rəisi vurğulayıb ki, 2025-ci ilin martından etibarən Rusiya ordusu Ukraynada ümumi sahəsi 3,5 min kv. km olan 149 yaşayış məntəqəsini nəzarət altına alıb.