Türkiyədə yaşayan azərbaycanlı məşhur aktrisa Nəsrin Cavadzadə evlənib.

Bu barədə Oxu.Az Türkiyə KİV-ə istinadən xəbər verir.

Məlumata görə, aktrisa Kadir Taner Uçar adlı şəxslə Bodrumda gizlin şəkildə ailə həyatı qurub.

Aktrisanın toyu ilə bağlı paylaşdığı fərqli fotolar gündəm olub. O, hətta "Dolce" adlı pudel itinə də kəpənək (bant şəklində qalstuk) taxaraq fotosunu paylaşıb.

Nəsrin Cavadzadə, həmçinin özünün və ərinin arxalarını çevirmiş halda olan şəkillərini də dərc etməklə yanaşı, sosial şəbəkələrdə nikahın ilk videogörüntüləri də yayılıb.