Azərbaycan Respublikası Prezidentinin xüsusi tapşırıqlar üzrə nümayəndəsi Xələf Xələfov fevralın 25-də Almaniya Federativ Respublikasına səfər edib.

Kanal 20 TV xəbər verir ki, səfər çərçivəsində X.Xələfov Bundestaqda və Almaniyanın Xarici İşlər Nazirliyində bir sıra görüşlər keçirib.

Görüşlər zamanı Azərbaycan–Almaniya ikitərəfli münasibətlərinin mövcud vəziyyəti müzakirə olunub, müxtəlif sahələr üzrə əməkdaşlığın genişləndirilməsi perspektivləri ətrafında fikir mübadiləsi aparılıb.

Eyni zamanda, regionda davamlı sülhün təmin olunması, sabitlik və təhlükəsizliyin möhkəmləndirilməsi istiqamətində Azərbaycanın həyata keçirdiyi təşəbbüslər diqqətə çatdırılıb. Azərbaycan–Ermənistan münasibətlərinin normallaşması prosesi ilə bağlı məsələlər də müzakirə mövzusu olub.

Tərəflər qarşılıqlı maraq doğuran digər regional və beynəlxalq məsələlər ətrafında da fikir mübadiləsi aparıblar.