Kanal 20 TV xəbər verir ki, Ajans.az-ın etibarlı mənbələrdən əldə etdiyi məlumata görə, deputat Günay Ağamalı Zabrat yolu ərazisində yol-nəqliyyat hadisəsi törədib.

Bildirilir ki, o, sürət həddini aşaraq öndə hərəkətdə olan avtomobilə çırpılıb. Hadisənin baş verməsinə səbəb kimi isə avtomobilin avtobus zolağına daxil olması göstərilir.

Deputatın səhhəti ilə bağlı hələlik rəsmi məlumat yoxdur. Məlumata əsasən, Günay Ağamalı hadisə yerindən başqa avtomobillə uzaqlaşıb.

Hadisə ilə bağlı aidiyyəti qurumların rəsmi açıqlaması gözlənilir.