Avqustda dünya bazarlarında ən çox dəyər artımı robusta və arabika qəhvə növlərində qeydə alınıb, ən çox dəyər itirən isə taxta-şalban və mis olub.

"RİA Novosti"yə istinadən xəbər verilir ki, bunu "ICE Futures", "CME Group" şirkətlərinin və Şanxay Metal Birjasının məlumatlarının təhlili göstərir.

Robustanın qiyməti bir ayda 1.5 dəfə, arabikanın qiyməti isə 29% artıb. Həmçinin London birjasında şəkər, ABŞ bazarında isə soya paxlası 4.9% bahalaşıb. Metallar arasında maqnit istehsalında istifadə edilən neodim bir ay ərzində 20% bahalaşaraq ən böyük artım göstərib. Litium 9.2%, molibden isə 7.7% bahalaşıb.

Eyni zamanda, enerjidaşıyıcılarının qiymətləri ucuzlaşıb: Nyu-York əmtəə birjasında benzin 13.2%, WTI markalı neft 8.5%, "Brent" markalı neft isə 8% ucuzlaşıb. Digər mallar arasında ən çox taxta-şalban - 19.2%, mis 18.3%, portağal suyu isə 13.7% dəyər itirib. //Oxu.Az//