İran İslam İnqilabı Keşikçiləri Korpusunun Hərbi Dəniz Qüvvələri tərəfindən verilən yazılı açıqlamada bildirilir ki, son 24 saat ərzində neft tankerləri, konteyner gəmiləri və digər kommersiya gəmiləri də daxil olmaqla 28 gəmi Hörmüz boğazından donanmanın koordinasiyası və təhlükəsizliyi altında keçib.

AZƏRTAC İran mediasına istinadla xəbər verir ki, açıqlamada Hörmüz boğazından keçidlərin “ağıllı” nəzarət vasitəsilə idarə olunduğu bildirilir.

Digər məlumatda qeyd olunur ki, İran Hörmüz boğazından keçiddə Çin və Rusiya gəmilərinə üstünlük veriləcəyini bildirib.