Ukrayna nizamlanması üzrə növbəti sammitlərdə Avropa Rusiya, ABŞ və Ukrayna ilə birgə danışıqlar masası arxasında olmalıdır.

 Fransa prezidenti Emmanuel Makron belə hesab etdiyini açıqlayıb.  

O, fikrini Bormes-les-Mimosas kommunasında (respublikanın cənub bölgəsindəki Var departamenti) II Dünya Müharibəsi zamanı ölkənin cənubunun nasist işğalından azad edilməsinin 81-ci ildönümü şərəfinə keçirilən mərasimdən əvvəl açıqlayıb.

Onun çıxışını Yelisey Sarayının X əhifəsində yayımlanıb: "Növbəti sammitlərdə təkcə Ukraynanın deyil, Avropanın da danışıqlar masası arxasında olması fikrini müdafiə etmək niyyətindəyəm. Rusiya və ABŞ-la birlikdə, çünki söhbət avropalıların təhlükəsizliyindən gedir".

Onun sözlərinə görə, ABŞ prezidenti Donald Trampın Vladimir Zelenski ilə Vaşinqtonda görüşündə Avropa liderləri “Ukraynanın maraqları ilə yanaşı, öz maraqlarını da müdafiə edəcəklər”: "Sabah biz ora təkcə Zelenskini müşayiət etmək üçün deyil, avropalıların maraqlarını müdafiə etmək üçün gedirik".//Musavat.com//