Almaniyada “Amazon” şirkətinə qanunsuz qiymət siyasəti tətbiq etdiyi iddiası ilə 59 milyon avro məbləğində cərimə kəsilib.

Kanal 20 TV xəbər verir ki, xarici mediaya istinadən yayılan məlumata görə, araşdırmalar zamanı platformanın üçüncü tərəf satıcılarının qiymətlərinə müdaxilə etdiyi müəyyən edilib.

Bildirilib ki, “Amazon” məhsul qiymətlərini “yüksək” hesab etdiyi hallarda həmin məhsulları satışdan çıxarıb və ya platformada görünürlüğünü məhdudlaşdırıb. Bu isə satıcıların qiymət təyin etmə azadlığını sıxışdıran şəffaf olmayan mexanizmlər kimi qiymətləndirilib.

Qeyd olunur ki, Almaniyada onlayn satış bazarının təxminən 60%-ni özündə cəmləşdirən “Amazon”un bu addımları rəqabət qaydalarının pozulması kimi dəyərləndirilib.