Suriyanın şimal-qərb bölgələrində, xüsusən Latakiya, İdlib və Hama əyalətlərində baş verən şiddətli yağışlar ciddi daşqınlara səbəb olub.

Kanal 20 TV-yə SANA-ya istinadən verilən məlumata görə, hadisə nəticəsində Suriya Qızıl Aypara Cəmiyyətinin bir könüllüsü və iki uşaq həyatını itirib. Eyni zamanda, xilasetmə işləri aparan dörd nəfər yaralanıb.

Məlumatda bildirilir ki, Latakiyanın kəndlərində xilasetmə əməliyyatları zamanı könüllü həlak olub. Onlarla ailə isə daşqınlardan təhlükəsiz ərazilərə təxliyə edilib. Qeyd edək ki, bir gün əvvəl Latakiyanın şimalında yerləşən Ayn-İssa rayonunda iki uşaq da həyatını itirmişdi.

Hadisə bölgədə humanitar vəziyyətin yenidən diqqət mərkəzinə gəlməsinə səbəb olub.