Aparıcı Leyla Mustafayeva özünün və qızı Selcanın adını rəsmi olaraq kosmik səfərə yollayır.

Milli.Az xəbər verir ki, o, instaqram səhifəsində aldığı biletin fotusunu paylaşaraq səfərin 2026-cı ilin aprelində baş tutacağını qeyd edib.

Məsələ ilə bağlı saytımıza açıqlama verən aparıcı bunları bildirib:

"Qızım və mənim adım xüsusi SD karta yazılacaq və "Orion" uçuş aparatının içində kosmosa göndəriləcək. Bu, Artemis 2, NASA-nın Aya insanlı uçuş planının ilk mərhələsində baş tutacaq. Cismim gedə bilməsə də, ruhum bunu edəcək. İnşallah ki. adımız apreldə kosmosa gedəcək".

Qeyd edək ki, Leyla Mustafayeva bir müddət əvvəl yaşadığı evin həyətindən meteorit tapmışdı.