Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistanın basdırdığı minalarının “kütləvi qırğın silahı funksiyası daşıdığını” bildirib.

Manset.az xəbər verir ki, bu barədə Prezidentin köməkçisi sosial şəbəkədə yazıb.

“Azərbaycanda mina terroru qalmaqdadır”, – o qeyd edib. Hikmət Hacıyevin sözlərinə görə, 2020-ci ildən bəri təxminən 400 Azərbaycan vətəndaşı mina partlayışlarının qurbanı olub.

“Bu minalar Ermənistan tərəfindən Azərbaycan ərazilərinin işğalı zamanı qəsdən və hər tərəfdə basdırılıb. Bir çox hallarda minalar hər hansı hərbi zərurət olmadan – yalnız mülki şəxsləri hədəf almaq və məcburi köçkünlərin öz ata-baba torpaqlarına təhlükəsiz qayıdışını qəsdən gecikdirmək üçün qoyulub. Bu xüsusda, minalar kütləvi qırğın silahı funksiyası daşıyır və ciddi təhlükə yaradır”, – o vurğulayıb.

The Terror of Landmines in Azerbaijan Persists

Since 2020, nearly 400 Azerbaijani citizens have fallen victim to landmine explosions. These mines were deliberately and extensively planted by Armenia during its occupation of Azerbaijani territories. In many cases, the mines were… pic.twitter.com/kQorGjJ3YN

— Hikmet Hajiyev (@HikmetHajiyev) May 31, 2025