Fransa millisinin hücumçusu Kilian Mbappe dünya çempionatlarında vurduğu qolların sayına görə braziliyalı əfsanə Peleni geridə qoyub.

AZƏRTAC xəbər verir ki, Mbappe turnirin qrup mərhələsinin ilk turunda Seneqal ilə oyunda fərqlənərək dünya çempionatlarındakı qollarının sayını 13-ə çatdırıb. Bununla da o, Pelenin 12 qolluq göstəricisini üstələyib.

Mbappe bu göstərici ilə Just Fontaine və Lionel Messi ilə eyni sırada qərarlaşıb. Siyahıda onu yalnız Gerd Müller (14 qol), Ronaldo (15) və Miroslav Kloze (16) qabaqlayır.

Mbappe Fransa millisinin heyətində 2018-ci ildə dünya çempionu olub, 2022-ci il mundialında isə gümüş medal qazanıb.