ABŞ Mərkəzi Komandanlığının (CENTCOM) qüvvələri iyunun 27-də İranda birdən çox hədəfə əlavə zərbələr endirib.

AZƏRTAC xəbər verir ki, bu barədə komandanlığın yaydığı məlumatda deyilir.

Bildirilir ki, dünənki ABŞ-ın İranın “M/V Ever Lovely” gəmisinə hücumuna cavab olaraq endirdiyi zərbələrdən sonra İrana atəşkəs razılaşmasına əməl etmək şansı verilib.

“Lakin bu səhər saat 4:30-da (Şərq vaxtı ilə) kamikadze dronu ilə “M/T Kiku” gəmisinə zərbə endildikdən sonra bu şansın verilməməsi qərarına gəlindi. CENTCOM qüvvələri bu gün İranın kommersiya gəmiçiliyinə qarşı davam edən təcavüzünə birbaşa cavab olaraq zərbələr endirib. ABŞ hərbi təyyarələri İranın hərbi müşahidə infrastrukturunu, rabitə sistemlərini, hava hücumundan müdafiə obyektlərini, dron saxlama qurğularını və mina yerləşdirmə imkanlarını hədəf alıb”,- deyə açıqlamada qeyd olunur.

Bildirilir ki, kommersiya gəmilərinin Hörmüz boğazından tranziti davam edir.