Nazir: Qarşıdakı dövr üçün makroiqtisadi proqnozlar konservativ yanaşma əsasında hazırlanıb 
 

16:27 / 16.11.2026 Oxunub: 535

 

Qarşıdakı dövr üçün makroiqtisadi proqnozlar qlobal qeyri-müəyyənlik nəzərə alınmaqla konservativ yanaşma əsasında hazırlanıb.

AZƏRTAC xəbər verir ki, bunu iqtisadiyyat naziri Mikayıl Cabbarov "Azərbaycan Respublikasının 2027-ci il dövlət büdcəsi haqqında" qanun layihəsinin Milli Məclisin plenar iclasında müzakirəsi zamanı bildirib.

Nazir qeyd edib ki, proqnozlarda büdcə siyasətində son illərdə həyata keçirilən fiskal optimallaşdırma prinsipi əsas götürülüb: “Bunlara - əsaslı xərclərin səmərəliliyinin artırılması, resurslardan qənaətlə istifadə və daha az xərclə daha yüksək nəticənin əldə edilməsi aid edilə bilər. Bu şərtlər daxilində 2027-ci ildə ÜDM-in 2,7 faiz artacağı gözlənilir. 2027–2030-cu illər üzrə orta illik iqtisadi artımın 3,3 faiz, qeyri-neft-qaz sektorunda isə 4,4 faiz olacağı proqnozlaşdırılır”.

“Bu dövrdə qeyri-neft-qaz sənayesində orta illik artımın 7 faizdən, informasiya və rabitədə 11 faizdən, turizmdə isə 8 faizdən yüksək, nəqliyyatda təqribən 5 faiz, kənd təsərrüfatında isə 2,8 faiz olacağı proqnozlaşdırılır. Qeyri-neft-qaz sektorunun ÜDM-də payının 2025-ci ildəki 71,5 faizdən 2030-cu ildə 82 faizə yüksəlməsi proqnozlaşdırılır”, - deyə o bildirib.



Digər xəbərlər

Xəbər lenti

22 Noyabr 2026
21 Noyabr 2026
20 Noyabr 2026
19 Noyabr 2026
18 Noyabr 2026
17 Noyabr 2026

Ən çox oxunan

Hadisə

MÜSAHİBƏ