Azərbaycan kinoteatrlarında rus dilində nümayiş etdirilən filmlərin sayı əhəmiyyətli dərəcədə azalıb.

 Bu barədə "Minval Politika" məlumat yayıb.

Qeyd olunur ki, əvvəllər 13 nümayişdən yalnız 4-ü türk dilində, qalanları isə rus dilində olurdu. İndi vəziyyət tamamilə əksinədir. Belə ki, cəmi 4 film rus dilində, əksəriyyəti isə türk dilində nümayiş olunur.

Ekspertlər bildirirlər ki, bu qərar başadüşüləndir. Çünki ölkə əhalisinin böyük əksəriyyəti rus dilini bilmir, amma türk dilini rahat başa düşür. Nəticədə bu keçid kinoteatrlara tamaşaçı auditoriyasını genişləndirməyə və film nümayişlərini daha əlçatan etməyə imkan verir.

Bundan əlavə, bu dəyişiklik Azərbaycanda türk dilinin getdikcə daha geniş qəbul olunmasını, rusdilli auditoriyanın isə azalmasını əks etdirir və ölkədə mədəni sahədə daha geniş transformasiyaların göstəricisidir.