Kanal 20 TV xəbər verir ki, futbolçu Canluka Prestianni Vinisius Juniorla bağlı baş verən insidentdən sonra açıqlama yayıb.

Prestianni bildirib ki, heç bir halda braziliyalı ulduza qarşı irqi təhqir işlətməyib:

“Aydınlaşdırmaq istəyirəm ki, mən heç vaxt Vini Jr-a qarşı irqi ifadələr işlətməmişəm. Təəssüf ki, o, eşitdiyini düşündüyü sözləri yanlış anlayıb,” – deyə futbolçu qeyd edib.

O əlavə edib ki, heç vaxt heç kimə qarşı irqçi münasibət sərgiləməyib və yaşananlardan təəssüflənir:

“Mən heç vaxt heç kimə qarşı irqçi olmamışam və Real Madrid oyunçularından aldığım təhdidlərə görə çox üzgünəm,” – deyə Prestianni vurğulayıb.

Qeyd edək ki, Vinisius Juniorun iştirakı ilə bağlı yaşanan son olay futbol ictimaiyyətində geniş müzakirələrə səbəb olub.