Rusiya Prezidenti Vladimir Putin amerikalı həmkarı Donald Trampla danışıqları faydalı və konstruktiv adlandırıb.

AZƏRTAC xəbər verir ki, bu barədə Putin danışıqların yekunlarına dair iki ölkə liderlərinin birgə mətbuat konfransında deyib.

"Danışıqlarımız qarşılıqlı hörmət və konstruktiv atmosferdə keçdi. Onlar çox əsaslı və faydalı oldu", - deyə Putin qeyd edib.

Əlavə edib ki, Rusiya Ukraynanın təhlükəsizliyinin təmin edilməsinin vacibliyi fikri ilə razılaşır və Moskva bu istiqamətdə işləməyə hazırdır.