Kanal 20 TV saytı xəbər verir ki, Azərbaycan çempionu “Qarabağ” bu gün UEFA Çempionlar Liqasının pley-off mərhələsində tarix yazmaq üçün meydana çıxır. Komanda ilk dəfə iştirak etdiyi bu mərhələdə İngiltərənin “Nyukasl” klubunu qəbul edəcək.

Görüş Tofiq Bəhramov adına Respublika Stadionunda saat 21:45-də başlayacaq. Matçı Norveçli FIFA referisi Espen Eskos idarə edəcək.

Qeyd edək ki, cütün cavab oyunu fevralın 25-də keçiriləcək. Bu pley-off mərhələsinin qalibi isə 1/8 finalda İngiltərənin “Çelsi” və ya İspaniyanın “Barselona” klubu ilə üz-üzə gələcək.