Kanal 20 TV xəbər verir ki, Real Madridin futbolçusu oyundan sonra irqçiliklə bağlı diqqətçəkən açıqlamalar verib. O, rasistləri qorxaq adlandırıb və onların cəzalandırılmalı olduğunu vurğulayıb.

“Rasistlər hər şeydən əvvəl qorxaqdırlar. Onlar nə qədər zəif olduqlarını göstərmək üçün köynəklərini ağızlarına qoymalıdırlar”, – deyə futbolçu bildirib.

Futbolçu əlavə edib ki, bu cür şəxslər bəzən onları cəzalandırmalı olan insanlar tərəfindən qorunur:

“Amma onların nəzəri olaraq cəzalandırmaq öhdəliyi olan başqalarının himayəsi var”.

O, yaşananların öz və komandasının həyatında ilk dəfə olmadığını qeyd edib:

“Bu gün baş verənlərin heç biri mənim və komandamın həyatında yeni deyil”.

Bundan əlavə, qol sevincinə görə sarı vərəqə almasına da təəccübləndiyini deyib:

“Qolu qeyd etdiyim üçün sarı vərəqə aldım. Hələ də niyə olduğunu başa düşmürəm”.

Futbolçu oyundan sonra tətbiq olunan protokolu da tənqid edib:

“Bu sadəcə pis icra olunmuş və heç bir məqsədə xidmət etməyən prosedur idi”.

O, belə hallarda gündəmə gəlmək istəmədiyini, amma danışmağın vacib olduğunu vurğulayıb:

“Belə hallarda ön planda olmağı sevmirəm, xüsusilə də böyük qələbədən sonra başlıqlar Real Madrid haqqında olmalı idi. Amma bu barədə danışmaq vacibdir”.

Kanal 20 TV xəbər verir ki, futbolçunun açıqlamaları futbol dünyasında irqçiliklə mübarizənin yenidən gündəmə gəlməsinə səbəb olub.