Xocalı faciəsinin 34-cü ildönümü ilə əlaqədar ölkə rəhbərliyi faciə qurbanlarının xatirəsini yad edib.

Kanal 20 TV xəbər verir ki, Azərbaycanın Baş naziri Əli Əsədov, Milli Məclisin sədri Sahibə Qafarova, Prezident Administrasiyasının rəhbəri Samir Nuriyev, müdafiə naziri Zakir Həsənov, xarici işlər naziri Ceyhun Bayramov, eləcə də Prezidentin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev və digər rəsmi şəxslər Xocalı soyqırımı abidəsini ziyarət ediblər.

Anım mərasimində faciə qurbanlarının əziz xatirəsi dərin ehtiramla yad olunub. Rəsmilər abidənin önünə gül dəstələri düzərək soyqırımı qurbanlarına hörmətlərini ifadə ediblər.

Qeyd edək ki, hər il fevralın 26-da Xocalı faciəsi qurbanlarının xatirəsi ölkə üzrə silsilə tədbirlərlə anılır.