Türkiyənin hakim Ədalət və İnkişaf Partiyasının (AKP) sədr müavini, eyni zamanda partiyanın Türk Dövlətləri ilə Əlaqələr Baş İdarəsinin rəhbəri Kürşad Zorlu Xocalı faciəsinin 34-cü ildönümü münasibətilə Bakıda anım mərasimində iştirak edib.

Kanal 20 TV xəbər verir ki, türkiyəli rəsmi paytaxtda yerləşən Ana harayı abidəsini ziyarət edərək soyqırımı qurbanlarının xatirəsini ehtiramla yad edib.

Məlumata görə, abidə önünə gül dəstələri düzülüb, faciə qurbanlarının əziz xatirəsinə hörmət və həmrəylik ifadə olunub. Ziyarətdə Türkiyədən olan digər nümayəndələr də iştirak ediblər.

Qeyd edək ki, Xocalı faciəsinin ildönümü ilə əlaqədar hər il Azərbaycanda və müxtəlif ölkələrdə anım tədbirləri keçirilir.