2025-ci ilin əvvəlindən MDB və Asiya regionundan Rusiyaya ən çox səfərlər icra olunan ölkələrin ilk beşliyi məlum olub.

KANAL 20 TV RİA-Novosti-yə istinadən xəbər verir ki, bu müddətdə 1,8 milyondan çox özbək Rusiya sərhədini keçib. Onların 70 faizi (1,3 milyon) iş məqsədi ilə gəlib, demək olar ki, 16 faizi (291 min) şəxsi səfərlər edib, 1,5 faizi isə təhsil almağı planlaşdırır.

Gələnlərin sayına görə ikinci yerdə 1,5 milyon nəfərlə Qazaxıstan vətəndaşlarıdır. Onların yarıdan çoxu, yəni 1 milyonu şəxsi səfərlər edib, 7,9 faizi iş, 3,2 faizi isə təhsil məqsədi ilə gedib.

Üçüncü yeri 800 min nəfərdən çox olan Tacikistan vətəndaşları tutur, onlardan 600 mini səfərin əsas məqsədi kimi işi qeyd edib.

Bu il Çindən Rusiyaya 760 mindən çox insan gedib. Onlardan 317 mini turist, 20 faizə yaxını (137 min) işgüzar səfər, 9,5 faizi iş, 6,2 faizi təhsil məqsədi ilə gedib.

Tez-tez ziyarət edənlər arasında Qırğızıstan vətəndaşları da var  - onların sayı yarım milyon nəfərdir. Bu vətəndaşlardan 346 mini iş üçün gedib, 88 mini isə şəxsi ziyarət edib.

Rusiyaya gələnlərin sayına görə ilk onluğu Abxaziya, Ermənistan, Azərbaycan, Belarus və Monqolustan tamamlayır. Onların sayı açıqlanmır.