Mayın 30-da İranın qərbində yerləşən İlam vilayətində “İlam” Universitetinin 17 tələbəsi yataqxanada qazdan zəhərlənib.

Trend-in məlumatına görə, bunu İranın İlam Tibb Elmləri Universitetinin fövqəladə hallar və təcili yardım idarəsinin müdiri Həmid Səfərpur ölkənin yerli mediasına açıqlamasında bildirib.

Onun sözlərinə görə, tələbələrdən 12 nəfərə ambulator xidmət göstərilib, 5 nəfər isə “Razi” xəstəxanasına köçürülüb.

Səfərpur hadisənin yataqxananın qazanxanasında qazın sönməsi və qazın binaya yayılması nəticəsində baş verdiyini deyib.

Qeyd edək ki, İranın “İlam” Universitetinin təxminən 7 min tələbəsinin olduğu bildirilir.