Türkiyə terrorla 41 illik mübarizəni zəfərlə bitirdi.

Bu sözləri Türkiyənin milli müdafiə naziri Yaşar Gülər mayın 13-də Azərbaycan Prezidenti İlham Əliyevin qəbulunda olarkən deyib.

Yaşar Gülər bundan sonra Türkiyədə sülh olacağına əminliyini bildirib və PKK-nın ləğvinin bölgə üçün əhəmiyyətinə toxunub.

Türkiyənin milli müdafiə naziri qardaş Azərbaycanın Silahlı Qüvvələri ilə əlaqələri genişləndirmək üçün gələcəkdə də əllərindən gələni edəcəklərini deyib.