Dövlət İmtahan Mərkəzi tərəfindən 20 aprel 2025-ci il tarixində keçirilmiş ümumi orta təhsil səviyyəsi üzrə buraxılış imtahanının nəticələri dünən açıqlanıb. İmtahanda yüksək nəticə göstərən şagirdlərin adları da ictimaiyyətə təqdim olunub.

KANAL 20 TV  modern.az-a istinadən xəbər verir ki, bu il keçirilən imtahanda maksimum nəticə – 300 bal toplayanlar sırasında Respublika Fizika-Riyaziyyat və İnformatika Təmayüllü Liseyin iki istedadlı şagirdi də yer alıb.
Maksimum nəticə göstərən 9a sinif şagirdi Cəfərov Fərid Qüdrət oğlu və 9b sinif şagirdi Əliyeva Aysu Vüqar qızı olub. 

Qeyd edək ki, 300 bal ümumi orta təhsil səviyyəsi üzrə buraxılış imtahanlarında toplanıla biləcək ən yüksək nəticə sayılır və bu göstəriciyə hər il respublika üzrə yalnız az sayda şagird nail olur.