ABŞ-ın Boston şəhərində federal məhkəmə Harvard Universiteti üçün 2,2 milyard dollara yaxın federal qrantların bərpa edilməsi barədə qərar çıxarıb.

AZƏRTAC-ın məlumatına görə, qərara əsasən, 14 aprel 2025-ci il tarixindəki məktub əsasında Harvard Universitetinin maliyyələşdirilməsinin dondurulması ləğv edilib. 84 səhifəlik qərarda universitetin son illərdə antisemitizmdən əziyyət çəkdiyi bildirilsə də, bunun qrantın dayandırılması ilə heç bir əlaqəsinin olmadığı təsdiqlənib.

Bu qərar 2 milyard dollardan çox qrantı dondurulması ilə bağlı Tramp administrasiyasının məktubuna qarşı Harvard Universitetinin məhkəmə iddiasına cavab olaraq verilib.