Tramp administrasiyası federal qurumlara Harvard Universiteti ilə təxminən 100 milyon dollar dəyərində müqavilələri ləğv etməklə bağlı müraciət ünvanlayıb.

AZƏRTAC-ın məlumatına görə, Ümumi Xidmətlər Administrasiyası adından göndərilən məktubda agentliklər universitetlə müqavilələri nəzərdən keçirməyə və alternativ qurumlarla əlaqələrə başlamağa çağırılır.

Qeyd edək ki, ABŞ Prezidenti Donald Tramp Harvard Universitetini liberalizm və antisemitizm yuvası adlandırıb. Universitet aprelin 21-də administrasiyanın universitetin rəhbərliyi, idarəetmə və qəbul siyasətində dəyişiklik edilməsi ilə bağlı çağırışları barədə məhkəmə iddiası qaldırıb.