Türkiyə Prezidenti Administrasiyasının İctimaiyyətlə Əlaqələr Departamenti bəzi mətbuat orqanlarında yer alan “Türkiyənin Pakistana 6 təyyarə dolusu silah göndərməsi” ilə bağlı iddiaların doğru olmadığını açıqlayıb.

AZƏRTAC xəbər verir ki, departamentin Dezinformasiya ilə Mübarizə Mərkəzi (DMM) Türkiyədən hərəkət edən bir yük təyyarəsinin yanacaq ehtiyacı səbəbindən Pakistana endiyini və bunun ardından müəyyən olunan marşrut üzrə hərəkətinə davam etdiyini bildirib. Mərkəz səlahiyyətli şəxs və qurumların açıqlamaları xaricində yayılan spekulyativ xəbərlərə etibar olunmaması ilə bağlı xəbərdarlıq edib.