Azərbaycanda akkreditə olunmuş diplomatlar, attaşelər və hərbi rəhbərlərdən ibarət nümayəndə heyəti Laçında “Hoçazfilm” kinostudiyasını ziyarət ediblər.

"Report" xəbər verir ki, nümayəndə heyəti azad edilmiş ərazilərə səfər çərçivəsində kinostudiyanın pavilyonlarında yaradılan şəraitlə tanış olublar.

"Hoçazfilm" studiyası iki inzibati bina və çəkiliş pavilyonundan ibarətdir. Studiyanın adı Laçın rayonunun əsas simvollarından biri hesab edilən Hoçaz qayalarının adından götürülüb.