Yasamalda “Şamaxinka” yol qovşağında hərəkət artıq işıqforla tənzimlənir
Yasamal rayonu ərazisində, Moskva prospektinin “Şamaxinka” kimi tanınan hissəsində yol hərəkətinin təşkili ilə bağlı yenilik tətbiq olunub.
Kanal 20 TV xəbər verir ki, Daxili İşlər Nazirliyinin Nəqliyyatı İntellektual İdarəetmə Mərkəzi tərəfindən ərazidə yeni işıqfor sistemi quraşdırılıb.
Məlumata əsasən, ümumilikdə 13 svetofor dirəyində nəqliyyat və piyada bölmələri quraşdırılaraq istifadəyə verilib. Yeni işıqforlar Moskva prospektinin 20 Yanvar küçəsi ilə kəsişməsində, eləcə də yaxınlıqda yerləşən geriyədönmə sahəsində nəqliyyatın hərəkət növbəliliyini tənzimləyir.
Qeyd olunur ki, layihə Azərbaycan Yerüstü Nəqliyyat Agentliyi (AYNA) tərəfindən hazırlanıb və həyata keçirilən dəyişikliklər yol hərəkəti iştirakçılarının təhlükəsizliyinin artırılmasına xidmət edir.


Digər xəbərlər
31 Mart-Azərbaycan xalqının tarixi yaddaş günü
İşğaldan azad olunan ərazilərdə buraxılış imtahanı keçirilib
Ötən gün cinayət törətməkdə şübhəli bilinən 68 nəfər saxlanılıb
QHT nəzdində “Emilim – Talassemiyalı Xəstələrə Dəstək Mərkəzi” yaradılıb
Assosiasiya: Gəlmə və daxili turizm əməliyyatları ƏDV-dən azad edilməlidir

