ABŞ hakimiyyəti ölkənin maraqlarını qorumaq məqsədilə ordunun kosmosdan istifadəsini daha açıq şəkildə müzakirə olunan siyasətin bir hissəsinə çevirməyə çalışır.

AZƏRTAC xəbər verir ki, bu barədə “The Wall Street Journal” qəzeti məlumat yayıb.

Nəşrin məlumatına görə, orbital silahlar barədə açıqlamalar ABŞ ordusunun kosmosdan istifadəsini normallaşdırmağa yönəlmiş daha geniş kampaniyanın tərkib hissəsidir. ABŞ rəsmiləri belə imkanların açıq müzakirəsinin çəkindirici təsir göstərə biləcəyini hesab edirlər.

Rəsmilər bildiriblər ki, bu yanaşma hər hansı konkret beynəlxalq hadisə və ya hazırkı hərbi əməliyyatla bağlı deyil.