Kanal 20 TV xəbər verir ki, gec saatlarda aktiv olan və gec yatan şəxslərin ürək-damar sağlamlığı göstəriciləri daha zəif ola bilər. “Brigham and Women’s Hospital” və “Harvard Medical School” alimlərinin 300 mindən çox insan üzərində apardığı araşdırma göstərib ki, axşam xronotipinə malik şəxslərdə infarkt və insult riski 16 faiz daha yüksəkdir.

Tədqiqatçılar bunu daxili bioloji saatlarla cəmiyyətin həyat ritmi arasındakı uyğunsuzluqla əlaqələndirirlər. Alimlər bildirirlər ki, düzgün yuxu rejimi, fiziki aktivlik və çevik iş qrafiki riskləri əhəmiyyətli dərəcədə azalda bilər.