Ermənistan Avrasiya İqtisadi İttifaqının xarici iqtisadi əlaqələrinin coğrafiyasının genişləndirilməsinə xüsusi əhəmiyyət verir və bunu təşkilatın qlobal iqtisadiyyatda rolunun daha da gücləndirilməsi üçün əsas amil kimi qiymətləndirir.

Musavat.com erməni mediasına istinadla xəbər verir ki, bunu Ermənistanın baş naziri Nikol Paşinyan dekabrın 11-də Avrasiya Hökumətlərarası Şurasının iclasında bildirib.

“Yeni azad ticarət sazişlərinin bağlanması nəinki dialoqu gücləndirir, həm də rəqabət qabiliyyətinin artmasına töhfə verir, ölkələrimizdə iqtisadi artım üçün yeni imkanlar açır. İqtisadi əməkdaşlığın digər mühüm elementi nəqliyyat və logistika sektorudur.

Nəqliyyat infrastrukturunun şaxələndirilməsi ticarət dövriyyəsinin artmasına əlavə təkan verə bilər. Bu kontekstdə qeyd etmək istərdim ki, regionda baş verən müsbət dəyişikliklər iqtisadi əməkdaşlığın dərinləşməsi üçün yeni imkanlar açır”, - Paşinyan deyib.

Ermənistanın baş naziri əlavə edib ki, regional kommunikasiyaların qarşısının alınması regional əlaqələrin genişləndirilməsi və daha böyük regionun bütün ölkələri üçün iqtisadi dayanıqlığın gücləndirilməsi üçün mühüm amilə çevrilə bilər.

“Bu baxımdan, Prezident İlham Əliyevin Azərbaycan ərazisindən Ermənistana təyinatlı yüklərin tranzitinin qarşısının alınması ilə bağlı qərarını alqışlamaq istərdim. Bu, regionumuzda sülhün və sabitliyin bərqərar olmasında mühüm nailiyyətlərdən biridir”, - Paşinyan qeyd edib.