İran nümayəndə heyəti aprelin 22-də İslamabadda keçirilməsi planlaşdırılan ABŞ ilə danışıqlarda iştirak etməyəcək.

AZƏRTAC xəbər verir ki, bu barədə “Tasnim” xəbər agentliyi məlumat yayıb.

Məlumata görə, İran tərəfi bu qərarı ilə bağlı Pakistanı əvvəlcədən məlumatlandırıb.

Mənbələrin bildirdiyinə görə, çərşənbə günü keçiriləcək danışıqlarda iştirak etməmək qərarı “qəti” xarakter daşıyır. Agentlik, həmçinin qeyd edib ki, Tehran hazırda məsləhətləşmələrdə iştirakını bərpa etmək üçün heç bir perspektiv görmür. Buna səbəb kimi isə ABŞ-nin “məqbul razılaşmanın əldə olunmasına mane olması” göstərilir.