“Konstitusiya və Suverenlik İli” münasibətilə elan edilən amnistiya çərçivəsində 3 846 məhkum barəsində qərar icra olunub. Kanal 20 TV-nin məlumatına görə, bu barədə Ədliyyə Nazirliyi “Report”un sorğusuna cavabında bildirib.

Amnistiya nəticəsində 1 799 nəfər azadlıqdan məhrum etmə, 1 764 nəfər isə azadlıqdan məhrum etmə ilə əlaqədar olmayan cəzalardan azad edilib. Daha 283 nəfərin cəzası 6 ay azaldılıb.

Azad edilənlər arasında Vətən müharibəsi iştirakçıları və yaşı 60-dan yuxarı olan şəxslər də var. Amnistiya aktının icrası hazırda davam etdirilir.