Kanal 20 TV xəbər verir ki, Bəhreynin hava hücumundan müdafiə (HHM) sistemləri regionda artan gərginlik fonunda ölkə ərazisinə yönəlmiş çoxsaylı hava hücumlarının qarşısını alıb.

Krallığın müdafiə qüvvələrinin komandanlığının yaydığı məlumata əsasən, İran ərazisindən Bəhreyndəki obyektlərə doğru buraxılan 45 raket və 9 pilotsuz uçuş aparatı (PUA) HHM vasitələri tərəfindən aşkarlanaraq məhv edilib.

Bildirilib ki, müdafiə sistemləri hücumları vaxtında zərərsizləşdirərək strateji obyektlərin təhlükəsizliyini təmin edib. Hadisə ilə bağlı əlavə təhlükəsizlik tədbirlərinin görüldüyü qeyd olunur.