“Azərbaycan Dəmir Yolları” QSC (ADY) regionlararası istiqamət üzrə daha bir yeni marşrutu istifadəyə verməyə hazırlaşır.

Kanal 20 TV.az -ın  məlumatına görə, bu barədə ADY rəsmi açıqlama yayıb. Bildirilib ki, rahat və komfortlu səyahətin təmin edilməsi məqsədilə Azərbaycanın iki mədəniyyət və turizm mərkəzini birləşdirəcək müasir sərnişin qatarı yaxın günlərdə istifadəyə veriləcək.

Yeni marşrut sərnişinlərə daha sürətli, təhlükəsiz və komfortlu səyahət imkanı yaradacaq. Layihə çərçivəsində xidmət keyfiyyətinin artırılması və regionlararası nəqliyyat əlaqələrinin gücləndirilməsi nəzərdə tutulur.

ADY tərəfindən marşrutun istiqaməti, hərəkət qrafiki və bilet satışı ilə bağlı ictimaiyyətə əvvəlcədən ətraflı məlumat təqdim ediləcəyi bildirilib.