Məlumata görə, minik avtomobilinin qaz xəttinə çırpılması nəticəsində rayondan keçən D-159-luq qaz xətti yararsız hala düşüb. Hadisə təhlükəsizlik baxımından bir sıra yaşayış məntəqələrində qazın verilişinin müvəqqəti dayandırılmasına səbəb olub.

Qəza nəticəsində Vərməziyar, İbadulla, Qışlaqabbas, Ərəbyengicə, Qarahəsənli, Tumaslı və Diyadin kəndləri qazsız qalıb.

Hazırda müvafiq qurumlar tərəfindən qaz xəttində bərpa işləri aparılır. İşlər yekunlaşdıqdan sonra sözügedən ərazilərə təbii qazın verilişi bərpa olunacaq.