28 dekabr — Dünya Kino Günüdür

Bu gün dünyada Dünya Kino Günü qeyd olunur. Tarix 1895-ci il 28 dekabrda Parisdə Lümyer qardaşlarının ilk dəfə pullu kinoseans keçirməsi ilə bağlıdır. Həmin gün kino sənətinin yaranma tarixi kimi qəbul edilir.

Kino qısa zaman ərzində mədəniyyətin ən təsirli və geniş auditoriyaya malik sahələrindən birinə çevrilib. Bu sənət növü insanların dünyagörüşünün formalaşmasında, ictimai və mədəni dəyərlərin ötürülməsində mühüm rol oynayır.

Azərbaycanda da Dünya Kino Günü kino sahəsində çalışan mütəxəssislər və kinosevərlər tərəfindən qeyd olunur, milli kinematoqrafiyanın inkişaf yolu və nailiyyətləri xatırlanır.