Kanal 20 TV xəbər verir ki, Azərbaycandan Ermənistana neft məhsullarının ixracı davam etdirilir. Bu gün 979 ton “Aİ-92” markalı avtomobil yanacağı yüklənmiş 18 vaqondan ibarət qatar Biləcəri stansiyasından Böyük Kəsik istiqamətinə yola salınıb.

Məlumata görə, yük Gürcüstan ərazisindən tranzit keçməklə Ermənistana çatdırılacaq.

Qeyd edək ki, bundan əvvəl – 9 yanvar 2026-cı il tarixində Biləcəri stansiyasından Ermənistana ümumilikdə 2 698 ton neft məhsulu göndərilib. Həmin yüklər 1 742 ton Aİ-95 markalı benzin və 956 ton dizel yanacağından ibarət olmaqla, 48 vaqonla daşınıb.

Bundan əlavə, 2025-ci il 18 dekabr tarixində də Ermənistana 1 220 ton Aİ-95 markalı avtomobil yanacağı tədarük olunmuşdu.

Azərbaycandan həyata keçirilən bu tədarüklər regionda enerji daşımalarının davam etdiyini göstərir.