Kanal 20 TV xəbər verir ki, yanvarın 17-dən etibarən Bakı–Sumqayıt istiqamətində fəaliyyət göstərən 594 və 595 nömrəli ekspres marşrutlarda gedişhaqqı 10 qəpik artırılaraq 90 qəpik olacaq.

Məlumata görə, bu marşrutlar artıq əsas müntəzəm xətlərə alternativ kimi işləyəcək. Hazırda iki şəhər arasında əsas sərnişin tələbatını 500 və 503 nömrəli avtobuslar qarşılayır və həmin xətlərdə tarif dəyişməyərək 80 qəpik olaraq qalır.

Qeyd edək ki, ekspres marşrutlarda qiymətlərin müntəzəm marşrutlardan daha yüksək olması adi praktikadır. 594 və 595 nömrəli xətlərdə “Neoplan” markalı müasir avtobuslar istifadə olunur.