Kanal 20 TV-nin məlumatına görə, “Petrokem Qrup” MMC nizamnamə kapitalının əhəmiyyətli dərəcədə azaldıldığını elan edib.

“Report”un İqtisadiyyat Nazirliyi yanında Dövlət Vergi Xidmətinin “Vergilər” qəzetinə istinadən yaydığı xəbərə əsasən, şirkətin nizamnamə kapitalı 8 milyon 508 min manat, yəni təxminən 2,9 dəfə azaldılıb. Nəticədə nizamnamə kapitalı 13,09 milyon manatdan 4,582 milyon manata endirilib.

Qeyd edək ki, 1993-cü ildə yaradılan “Petrokem Qrup” MMC BP şirkətinin Azərbaycanda sürtkü yağları üzrə eksklüziv distribütoru kimi fəaliyyət göstərir. Şirkət eyni zamanda “Azəri-Çıraq-Günəşli” (AÇG), “Şahdəniz”, “Bakı-Tbilisi-Ceyhan” (BTC) və “Cənubi Qafqaz” boru kəməri (CQBK) layihələri çərçivəsində obyektlərə dəstək məqsədilə inventarın idarə olunması, tələblərin planlaşdırılması və mütəxəssis məsləhətləri xidmətlərini həyata keçirir.