Qəzzada mümkün beynəlxalq sülhməramlı qüvvənin ümumi sayının təxminən 20 min hərbçidən ibarət ola biləcəyi bildirilir.

20 TV TRT World-ə istinadən xəbər verir ki, İndoneziya bu qüvvəyə 8 minə qədər əsgər göndərə biləcəyini açıqlayıb.

İndoneziya Prezidenti Prabovo Subiantonun sözçüsü Prasetyo Hadi bildirib ki, hələlik sülhməramlıların yerləşdirilmə şərtləri və fəaliyyət göstərəcəyi ərazilər barədə razılıq əldə olunmayıb.

Qeyd olunur ki, Prezident Prabovo bu ayın sonunda ABŞ-a dəvət olunub və Donald Trampın “Sülh Şurası” ilə ilk görüşdə iştirak edəcək.

İndoneziya ötən il Qəzza üçün yaradılması nəzərdə tutulan sülhməramlı missiyaya 20 min hərbçi hazırlamağa hazır olduğunu bəyan etsə də, mandatla bağlı daha ətraflı məlumat gözlədiyini vurğulayıb.