Bakı və Abşeron yarımadasında son illər göllərin qeyri-qanuni və plansız şəkildə qurudulması ciddi problemlərə yol açır. Kanal 20 TV xəbər verir ki, bunu Azərbaycan Dövlət Su Ehtiyatları Agentliyinin sədri Zaur Mikayılov su təchizatı ilə bağlı müşavirədə bildirib.

Onun sözlərinə görə, 2014–2025-ci illər ərzində 300-dən çox təbii sutoplayıcı funksiyaya malik göldən bəziləri ərazi zəbt olunaraq tikintilər üçün qurudulub. Bu isə intensiv yağışlar zamanı həmin ərazilərdə subasma riskini əhəmiyyətli dərəcədə artırır.

Zaur Mikayılov qeyd edib ki, mövcud vəziyyət Bakı və Abşeron üçün ciddi ekoloji və infrastruktur təhlükəsi yaradır.