CNBC telekanalı Çinli “Wind Information” analitik şirkətinə istinadən yayımladığı məlumata görə, 2025-ci ilin may ayında Çinin ABŞ-a ixracı ötən ilin eyni dövrü ilə müqayisədə 34,5% azalıb.

 Bu, 2020-ci ilin fevralından – COVID-19 pandemiyasının qlobal ticarəti iflic etdiyi dövrdən bəri ən böyük azalma hesab olunur. Ekspertlər bu göstəricini həm ABŞ-la ticarət gərginliyi, həm də istehlak bazarlarında tələbatın zəifləməsi ilə əlaqələndirirlər.

Qlobal miqyasda isə Çin ixracında ümumi artım 4,8% təşkil edib. Halbuki Reuters-in sorğusunda iştirak edən analitiklər 5%-lik artım proqnozlaşdırırdılar. Bu da onu göstərir ki, ABŞ bazarındakı kəskin geriləmə Çinin ümumi ixrac performansına mənfi təsir göstərib.

İqtisadçılar bu dinamikaları Çin iqtisadiyyatı üçün narahatedici siqnal kimi qiymətləndirirlər. ABŞ-a ixracdakı bu cür sürətli eniş təkcə Çin üçün deyil, həm də qlobal ticarət sistemindəki dəyişikliklər baxımından diqqətlə izlənilir. //Musavat.com//