İnsan hüquqları fəalı və uyğur icmasının nümayəndəsi Rahima Mahmut bildirib ki, Çinin Londrada inşa etməyi planlaşdırdığı “super böyükelçilik” layihəsinə icazə verildiyi təqdirdə, Birləşmiş Krallıqda yaşayan siyasi sığınmacılar və müxalif icmalar özlərini daha az təhlükəsiz hiss edəcəklər.

Onun sözlərinə görə, bu məsələ yalnız şəhərsalma, imar və tikinti çərçivəsində dəyərləndirilməməlidir. Rahima Mahmut vurğulayıb ki, layihənin açıq şəkildə siyasi və etik tərəfləri mövcuddur və bu amillər mütləq nəzərə alınmalıdır.

Uyğur icmasının təmsilçisi hesab edir ki, belə bir səfirlik binasının fəaliyyətə başlaması Çinin xaricdə yaşayan tənqidçiləri və təqiblərdən qaçaraq Böyük Britaniyada sığınacaq tapmış şəxslər üzərində psixoloji təzyiq yarada bilər.