Kanal 20 TV xarici mediaya istinadən xəbər veririk ki, ABŞ-da yayımlanan açıqlamalara və beynəlxalq müzakirələrə Çin tərəfinin reaksiyası gecikməyib. Çin Xalq Respublikasının Xarici İşlər Nazirliyi (XİN) məsələ ilə bağlı yaydığı bəyanatda İranın daxili işlərinə istənilən xarici müdaxiləni qətiyyətlə qəbul etmədiklərini bildirib. Rəsmi Pekin beynəlxalq münasibətlərdə gücdən istifadəni və ya güc tətbiqi ilə hədələməni dəstəkləmədiyini vurğulayaraq, problemlərin yalnız dialoq və diplomatik yollarla həllinin mümkün olduğunu qeyd edib.

Digər tərəfdən, ABŞ mərkəzli HRANA insan haqları təşkilatının yaydığı son hesabatda İranda artıq 17 gündür davam edən etirazlarla bağlı ağır statistika açıqlanıb. Hesabata əsasən, etirazlar zamanı həlak olanların sayı 2 min 550 nəfərə çatıb. Ölənlər arasında 12-si 18 yaşından kiçik olmaqla, 2 min 403 etirazçı, həmçinin təhlükəsizlik qüvvələrindən 147 nəfərin olduğu bildirilir. Təşkilat qeyd edir ki, real rəqəmlər açıqlanan göstəricilərdən daha yüksək ola bilər.